مەملەكەتتەن بەرىلگەن جاردەمدى ءتيىمدى پايدالانعان وبلىس شارۋالارى سوڭعى 2 جىلدا 90 مىڭ توننا ەت وندىرگەن. ونىڭ تەڭ جارتىسى وبلىسىمىزدان تىس ايماقتارعا جونەلتىلگەن، - دەپ حابارلايدى اباي-اقپارات.

الداعى جوسپار بۇدان دا اۋقىمدى. وبلىسىمىزدا باستالعان قاناتقاقتى جوبا «اۋىل تۇرعىندارىن جۇمىسپەن قامتۋ» ءىسى ەندىگىدە ەلىمىزدىڭ باسقا ايماقتارىندا تاجىريبەگە ەنگىزىلمەك.

ۇلبولسىن سۇلتانوۆا - قاراسۋ اۋىلىنداعى مەكتەپتە دەنە تاربيەسى ءپانى بويىنشا مۇعالىم. الايدا، بۇل ماماندىعى مال بورداقىلاپ، شارۋاشىلىقپەن اينالىسۋعا  كەدەرگى كەلتىرمەيدى. ءتورت تۇلىكتەن ءتول ورگىزۋدى ۇلدارى مەن  كەلىندەرى دە يگەرىپ العان. قازىر قوراسىندا 13 باس ءىرى قارا بورداقىلانىپ تۇر. بۇل ءۇشىن ۇكىمەتتەن 5 جىلعا 7 پايىزبەن 2,5 ميلليون تەڭگە نەسيە العان.

ال،  مىنا ۇيدە 50 باستان استام ءىرى قارا جەمگە قويىلعان. قورادا  ساۋىندى سيىر مەن جىلقى  دا بار. وسىنشا مالدى ەكى وتباسى شاشاۋ شىعارماي باعىپ وتىر. شارۋاشىلىقتاردىڭ جۇمىسىمەن تانىسىپ شىققان وزگە وبلىستان كەلگەن ماماندار بۇل تاجىريبەنى وزدەرىندە دە قولدانىپ كورمەكشى.

بۇگىندە ەتتى وتكىزۋگە ەشقانداي كەدەرگى جوق. وبلىسىمىزدىڭ بارلىق اۋداندارىندا سەلولىق تۇتىنۋ كووپەراتيۆى اشىلعان. ولار بورداقىلانعان مالدى سويىپ، ءىرى قارا ەتىنىڭ كەلىسىنە 980 تەڭگەدەن ساناپ بەرۋدە. سوندىقتان بۇل ىسكە قىزىعۋشىلار سانى كۇن ساناپ ارتىپ كەلەدى. بەلگىلەنگەن مەجە بۇگىننىڭ وزىندە ورىندالىپ قويعان.

كوزىن تاپسا، بىتپەيتىن ءىس جوق. وسىنداي شارۋاشىلىقپەن اينالىسام دەۋشىلەر مال قوراسى ءبۇتىن بولسا، 500 مىڭنان 6 ميلليون تەڭگەگە دەيىن نەسيە الۋىنا مۇمكىندىك بار. ال، كورشى وبلىستان كەلگەن قوناقتار وبلىسىمىزدىڭ باسقا اۋداندارىنداعى جاعدايلارمەن تانىسىپ شىعۋعا اتتانىپ كەتتى.

 اباي-اقپارات