وڭتۇستىك قازاقستان وبلىسىنىڭ ورداباسىندا 87 ادامعا 240 ميلليون تەڭگە شاعىن نەسيە بەرىلگەن، قازىر ورداباسى اۋدانىندا "جۇمىسسىز ادام" جوق، - دەپ حابارلايدى اباي-اقپارات ورداباسى اۋدانى اكىمدىگىنىڭ سايتىنا سىلتەمە جاساپ.

قاي كورسەتكىشىمەن بولسىن ءاردايىم اۋدانداردىڭ كوشباسىندا جۇرەتىن وقو-داعى ورداباسى اۋدانى بيىل دا قازىنا قامباسىن قوماقتىلاندىرۋعا كوپ ۇلەس قوستى. اۋدان كاسىپكەرلەرى وزدەرىنىڭ تابىستى تىرلىكتەرىن ەل تاۋەلسىزدىگىنىڭ 25 جىلدىعىنا جاساعان تارتۋىمىز دەپ وتىر.

بۇگىندە اۋدان اۋماعىندا 9 مىڭنان استام شاعىن كاسىپكەرلىك نىساندارى ءىسىن ىلگەرىلەتىپ كەلەدى. ولار  بيىلعى جىلى 32 ميلليارد 929 ميلليون تەڭگەنىڭ ءونىمىن ءوندىردى. ەل الەۋەتىن كوتەرۋگە شاعىن قاجىمۇقان اۋىلىنىڭ كاسىپكەرلەرى دە ءوز ۇلەستەرىن قوسۋدا. كاسىپتەرىن كەڭەيتۋ ءۇشىن مەملەكەت تاراپىنان جاسالىپ جاتقان قامقورلىقتان شەت قالماي، يگىلىگىن كورىپ وتىر.

بۇگىندە اۋداندا «جۇمىسپەن قامتۋ-2020 جول كارتاسى» باعدارلاماسى اياسىندا كاسىپكەرلەرگە جىل باسىنان بەرى 87 ادامعا 240 ميلليون تەڭگە شاعىن نەسيە بەرىلگەن. ناتيجەسىندە 71 اۋىل تۇرعىنى جۇمىسپەن قامتىلىپ وتىر. بيىل  ازامات مال  شارۋاشىلىعىن دامىتۋ ءۇشىن ازامات ءبىلدىرىپتى. ولاردىڭ اراسىندا 37-ءنىڭ ءوتىنىشى قاناعاتتاندىرىلىپ، 3-6 ميلليون تەڭگە ارالىعىندا قاراجات الىپ، مال بورداقىلاۋ ىسىمەن اينالىسۋدا.

ءبىر عانا اۋىلدىڭ كاسىپكەرلەرى وسىلايشا اۋداننىڭ قازىناسىن قوماقتىلاندىرۋعا ۇلەس قوسۋدا. قاجىمۇقان اۋىل وكرۋگىندە 3 مىڭ 140 گەكتار سۋارمالى جەر بار. مۇندا اۋىل شارۋاشىلىعى داقىلدارىنىڭ بارلىق ءتۇرى ەگىلەدى. ءداندى داقىل ەگىپ تە، مال باعىپ تا اۋىلداعى اعايىن ناپاقاسىن ايىرىپ وتىر. جۇمىسسىز جۇرگەن جان جوق. 

اباي-اقپارات