وقو-دا 2016 جىلدىڭ قورىتىندىسى بويىنشا اۋىل شارۋاشىلىعى ءونىم كولەمى 60 ملرد. تەڭگەدەن استام سومانى وتىر، دەپ حابارلايدى ايماق اكىمىنىڭ ءباسپاسوز قىزمەتى.  «وڭتۇستىك» اقپارات ءباسپاسوز ورتالىعىندا وبلىستىق اۋىل شارۋاشىلىعى باسقارماسىنىڭ باسشىسى ق.وسپانبەكوۆتىڭ جەلتوقسان ايىنداعى مالىمەتتەرىنە سۇيەنسەك، اتقارىلعان جۇمىستار مەن مەملەكەتتىك باعدارلامالاردىڭ ورىندالۋ بارىسىن باياندادى. ونىڭ ايتۋىنشا، وبلىستا ءتورت ايدىڭ ىشىندە اۋىل شارۋاشىلىق ءونىم كولەمى 60 ملرد. تەڭگەنى قۇراپ، وتكەن جىلمەن سالىستىرعاندا 13 ملرد.تەڭگەگە ارتقان.

«وبلىستا اۋىل شارۋاشىلىعى سالاسى «اگروبيزنەس-2020»، ءىرى قارا مال ەكسپورتىنىڭ الەۋەتىن ارتتىرۋ جانە وبلىستىڭ 2011-2015 جىلدارعا ارنالعان دامۋ باعدارلاماسى مەن قابىلدانعان ءىس-شارالار جوسپارلارلارى اياسىندا جۇزەگە اسىرىلۋدا.

وسى ورايدا اۋىل شارۋاشىلىعى داقىلدارىنىڭ ەگىس كولەمى وتكەن جىلمەن سالىستىرعاندا، 21 مىڭ گەكتارعا ارتىپ، بيىل 800 مىڭ گا قۇرايتىن بولادى. ال بۇگىنگى كۇنى 780 مىڭ گا اۋىل شارۋاشىلىق داقىلدارى ورنالاستىرىلدى»، ‒ دەدى باسقارما باسشىسى. سوڭعى جىلدارى اۋىل شارۋاشىلىعى داقىلدارىنىڭ ەگىس قۇرىلىمىن ءارتاراپتاندىرۋدىڭ ناتيجەسىندە ءداندى داقىلدار 46 مىڭ گا، ونىڭ ىشىندە جۇگەرى 20 مىڭ، مال ازىقتىق داقىلداردىڭ كولەمى 62 مىڭ، كوكونىس، باقشا 6 مىڭ گەكتارعا ارتسا، تيىسىنشە ماقتانىڭ كولەمى 40 مىڭ گا، مايلى داقىلداردىڭ كولەمى 30 مىڭ گا كەمىپ وتىعاندىعىن ايتتى.

ءباسپاسوز ءماسليحاتىندا ق.وسپانبەكوۆ ماقتارال اۋدانىنىڭ ەگىستىگىن ءارتاراپتاندىرۋ بويىنشا قابىلدانعان كەشەندى ءىس-شارالار شەڭبەرىندە، وتكەن جىلى ماقتا القابى 8 مىڭ گا قىسقارىپ، ورنىنا ەكونوميكالىق ءتيىمدى باقشا، جۇگەرى، جوڭىشقا، كوكونىس، جەمىس-جيدەك پەن ءجۇزىم ەگىلىپ، وتكەن جىلى 6 ملرد. تەڭگەنى قۇرايتىن اۋىل شارۋاشىلىعى ونىمدەرى وندىرىلگەندىگىن باياندادى.

اباي اقپارات