جاقىندا وڭتۇستىك قازاقستان وبلىسى اۋىلشارۋاشىلىق باسقارماسى جىلدى قورىتىندىلادى. وقو اۋىل شارۋاشىلىق باسقارماسىنىڭ باسشىسى تۇربەكوۆتىڭ جەلتوقسان ايىنداعى دەرەكتەرىنە سۇيەنسەك، ءوڭىر شارۋالارىنا مەملەكەت تاراپىنان كورسەتىلىپ جاتقان قولداۋدىڭ ايرىقشا ەكەنىن كورەمىز.

س.تۇربەكوۆتىڭ ايتۋىنشا، بيىل  2016 جىلى وبلىستىق بيۋدجەتتەن قاراستىرىلعان سوما بويىنشا اۋىلشارۋاشىلىق باسقارماسى تاراپىنان  6 194 786,7 تەڭگەنىڭ سۋبسيدياسى يگەرىلگەن ەكەن. وڭىردەگى شارۋالارعا مەملەكەت تاراپىنا جاسالىپ جاتقان قولداۋدىڭ ماقساتتى يگەرىلۋىن قورىتىندىلاعان باسقارما باسشىسىنىڭ ەسەبىنە سۇيەنسەك، بىلتىرعى جىلمەن سالىستىرعاندا بيىلعى جىلدىڭ جەلتوقسان ايىندا شارۋالاردىڭ جىلدىق تابىسى جوعارى ناتيجە كورسەتكەن.

اسىرەسە ءبىر عانا وڭتۇستىك قازاقستان وبلىسىنىڭ وزىندە مەملەكەتتەن سۋبسيديا العان شارۋاشىلىقتاردىڭ سانى 34 472-ءنى قۇراعان.

سونىڭ ىشىندە 3 اكتسيونەرلىك قوعام، 665 جاۋاپكەرشىلىگى شەكتەۋلى سەرىكتەستىك، 31 997 شارۋا قوجالىقتارى،  1250 وندىرىستىك كووپەراتيۆ، 557 باسقا شارۋاشىلىق جۇرگىزۋشى سۋبەكتىلەر قارجىلاندىرىلعان.

قازىر بيلىك شارۋالاردىڭ شارۋاسىن دوڭگەلەتۋدە سۋبسيديادان بولەك جاڭا ءبىر پيلوتتىق جۇيەنى ەندىرۋدى قولعا الماقشى. بۇل 6-7 پايىزبەن ديقاندارعا نەسيە بەرۋ جوباسى. ول ەگىس كولەمى از شارۋا قوجالىقتاردى ءىرى قوجالىقتارمەن ەرىكتى تۇردە بىرىكتىرىپ، نەسيە بەرۋدى كوزدەيدى. الايدا، مۇنىڭ جۇزەگە اسۋى ۋاقىت ەنشىسىندە.

Abai.kz