كەلەر 2017 جىلى وڭتۇستىك قازاقستاننىڭ اگرارلىق سالاسىندا ەڭبەك ەتىپ جۇرگەن شاۋرالارعا 6 ملرد 47 ملن تەڭگە سۋبسيديا بولىنەتىن بولدى، - دەپ حابارلايدى اباي-اقپارات.

«ەلدە بولسا، ەرىنگە تيەدى، اۋلدا بولسا، اۋىزعا تيەدى» دەمەكشى، ەلىمىزدىڭ ءار وڭىرىندە اۋىل شارۋاشىلىعى سالاسى دامىپ، ءونىم كوبەيگەن سايىن، ەڭ الدىمەن حالىققا پايدالى. بۇگىندە حالىق وڭتۇستىكتىڭ ارزان ءارى ساپالى تاۋارلارىن الىپ، العىسىن ءبىلدىرىپ جاتىر. قاراشا ايىنىڭ سوڭىندا وتكەن اۋىل شارۋاشىلىعى ەڭبەككەرلەرىنە ارنالعان «التىن كۇز 2016» مەرەكەلىك ءىس-شاراسى وتكەن بولاتىن. وسى شارا اياسىندا وبلىسى اكىمى جانسەيىت تۇيمەباەۆ وڭتۇستىك ءوڭىر شارۋالارىنىڭ قارۋار ەڭبەگىن تىلگە تيەك ەتە وتىرىپ، وبلىس جەتىستىكتەرىن اۋىز تولىتىرىپ ايتتى.

وبلىس بويىنشا بىلتىرعى جىلمەن سالىستىرعاندا ەگىستىك القابى 13 مىڭ گەكتارعا ۇلعايعان. بۇگىنگى تاڭدا اۋداندا 57,5 مىڭ توننا ماقتا شيكىزاتى، 584,2 مىڭ توننا باقشا ونىمدەرى، 115,2 مىڭ توننا كوكونىس ونىمدەرى جانە تاعى باسقا اۋىل شارۋاشىلىعى ونىمدەرى ءوندىرىلدى. ايتا كەتەر ءبىر جەتىستىك، نەگىزىنەن اۋداندا وندىرىلگەن اۋىل شارۋاشىلىعى ونىمدەرىنىڭ 65-70% مەن ماقتا شيكىزاتىنىڭ 85-90% شەت مەملەكەتتەرگە ەكسپورتتالادى.

مۇنىڭ بارلىعى، ارينە، ەرتە كوكتەمنەن باستالاتىن ناۋقانعا جاۋاپكەرشىلىكپەن قاراۋدا جاتىر. شارۋالار جانار جاعار مايدان قيىندىق كورگەن جوق. بيىل اۋداننىڭ اۋىل شارۋاشىلىعى تاۋارىن وندىرۋشىلەرىنە «ماكسيمۋم» ايو جشس جانە «ىرىس» مقۇ» جشس تاراپىنان كوكتەمگى ەگىن ەگۋ جۇمىستارىنا 379 جوباعا 596,2 ملن تەڭگە نەسيە بەردى. بۇگىنگى تاڭدا 2017 جىلعى كوكتەمگى ەگىن ەگۋ جۇمىستارىنا دا بولىنەتىن قارجىنى شارۋالارعا ءوز ۋاقىتىندا جەتكىزۋ ماقساتىندا قۇجاتتاردى قابىلداۋ قازىردەن جۇرگىزىلۋدە. وبلىس اكىمىنڭ ايتۋىنشا كەلەر جىلى وڭتۇستىك قازاقستاننىڭ اگرارلىق سالاسىندا ەڭبەك ەتىپ جۇرگەن شاۋرالارعا 6 ملرد 47 ملن تەڭگە سۋبسيديا ءبولىندى.

اباي-اقپارات