وڭتۇستىك قازاقستان وبلىسى اۋىل شارۋاشىلىق باسقارماسىنىڭ 23-جەلتوقسانداعى مالىمەتتەرىنە سۇيەنسەك، بيىلعى جىلى وڭتۇستىك وڭىردەگى شارۋالارعا سۋبسيديا بەرۋ جۇمىستارى ناتيجەلى قورىتىندىلانعان. بۇل تۋرالى «اباي اقپارات» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وڭتۇستىك قازاقستان وبلىسى بويىنشا باسىم اۋىل شارۋاشىلىعى داقىلىن سۋبسيديالاۋعا 2016 جىلى بولىنگەن قارجىنى يگەرۋ تۋرالى وقو اۋىل شارۋاشىلىق باسقارماسىنىڭ باسشىسى س. تۇربەكوۆ قورىتىندى بايانداما جاسادى.

باسقارما باسشىسىنىڭ مالىمەتتەرىنە سۇيەنسەك، بيىل وڭىردە 0,71 مىڭ گەكتار ەگىس تىككە ەگىلگەن  ونەركاسىپتىك ۇلگىدەگى تامشىلاتىپ سۋارۋ جۇيەلەرىن، ونەركاسىپتىك سپرينكەرلىك سۋارۋ جۇيەلەرىن قولدانا وتىرىپ وسىرىلگەن ماقتانىڭ گەكتارىنا 60 مىڭ تەڭگە كولەمىندە سۋبسيديا بولىنگەن.  ال 59,18 مىڭ گەكتارعا ەگىلگەن كوكونىس جانە باقشى داقىلدارىنىڭ ءار گەكتارىنا 18 مىڭ تەڭگە كولەمىندە سۋبسيديا بەرىلگەن. جىلدىڭ قورىتىندىسى بويىنشا وڭىردە كوكونىس جانە باقشا داقىلدارى بويىنشا يگەرىلگەن سۋبسيديا كولەمى 1 018 547,7 مىڭ تەڭگەنى قۇراپتى.  

وڭتۇستىك قازاقستان وبلىسى اۋىلشارۋاشىلىق باسقارماسىنىڭ باسشىسى س.تۇربەكوۆتىڭ دەرەكتەرىنە سۇيەنسەك، 2016 جىلى وبلىستىق بيۋدجەتتەن قاراستىرىلعان سوما بويىنشا اۋىلشارۋاشىلىق باسقارماسى تاراپىنان  6 194 786,7 تەڭگەنىڭ سۋبسيدياسى يگەرىلگەن ەكەن. وڭىردەگى شارۋالارعا مەملەكەت تاراپىنا جاسالىپ جاتقان قولداۋدىڭ ماقساتتى يگەرىلۋىن قورىتىندىلاعان باسقارما باسشىسىنىڭ ەسەبىنە سۇيەنسەك، بىلتىرعى جىلمەن سالىستىرعاندا بيىلعى جىلدىڭ جەلتوقسان ايىندا شارۋالاردىڭ جىلدىق تابىسى جوعارى ناتيجە كورسەتكەن.

Abai.kz