وڭتۇستىك قازاقستان وبلىسى. بايدىبەك اۋدانىنا قاراستى «بورالداي اۋىلدىق وكرۋگى، جىلاندى ەلدى مەكەنىندەگى يندۋستريالدى ايماقتى تانىستىرۋ بارىسى» تۋرالى اۋداندىق كاسىپكەرلىك ءبولىمىنىڭ باسشىسى ۇسەنۇلى ەرلان  Abai.kz اقپاراتتىق پورتالىنىڭ تىلشسىنە ۇدەمەلى يندۋستريالدى-يننوۆاتسيالىق  دامۋ  باعدارلاماسى اۋقىمىندا  بىرنەشە  ءىرى  جوبالار  قولعا  الىنىپ، جۇمىستار  اتقارىلىپ جاتقانىن ءمالىم ەتتى.

اۋداندىق كاسىپكەرلىك ءبولىمىنىڭ باسشىسى ەرلان ۇسەنۇلى ء وز سوزىندە يندۋستريالاندىرۋ  كارتاسىنا  ەنگىزىلگەن  جوبالاردى  جۇزەگە اسىرۋشى كاسىپكەرلىك  قۇرىلىمدار  مەن  ينۆەستورلاردىڭ  قىزىعۋشىلىعىن  ارتتىرۋ ماقساتىندا  بورالداي  اۋىلدىق  وكرۋگى، جىلاندى  ەلدى  مەكەنىنەن  63,045 گا جەر تەلىمى  ءبولىنىپ، يندۋستريالدى  ايماقتىق  قۇرىلىسىنىڭ جۇرگىزىلىپ جاتقانىن ايتتى.

-          بۇگىنگى  تاڭدا ايماققا قاجەتتى ينفراقۇرىلىمدار جۇرگىزىلدى. قۇرىلىس جۇمىستارىن  وسى جەلتوقسان ايىندا تولىق  اياقتاۋ  بيىلعا  جوسپارلانىپ  وتىر. ايماقتا  وندىرىلگەن  ءونىم  تاس وڭدەۋ، ازىق-تۇلىك ءوندىرۋ  باعىتتارىندا  بولماق، - دەيدى  كاسىپكەرلىك ءبولىمىنىڭ باسشىسى ەرلان ۇسەنۇلى.

بايدىبەك اۋدانىنىڭ اكىمى ب.تاناگۋزوۆتىڭ ايتۋىنا قاراعاندا، اتالعان ەلدى-مەكەندەگى  ۇدەمەلى يندۋستريالدى-يننوۆاتسيالىق  دامۋ  باعدارلاماسىنا بارلىق دەڭگەيدەگى كاسىپكەرلەر قاتىسا الاتىن كورىنەدى. «سونداي-اق الداعى ۋاقىتتا ءاربىر اۋىلدىق وكرۋگتەگى كاسىپ كوزىن اشىپ، ناقتى ىسپەن اينالىسامىن دەيتىن  ازاماتتارعا شاعىن نەسيە الۋ جانە باسقا دا كاسىپكەرلىكتىڭ جولدارىن ءتۇسىندىرۋ جۇمىستارى جۇرگىزىلەدى»، - دەدى وڭتۇستىك قازاقستان وبلىسى بايدىبەك اۋدانىنىڭ اكىمى ب. تاناگۋزوۆ مىرزا.

شاحمۇرات مولدابەك

اباي-اقپارات