قازاق فۋتبولشىلارى مىنگەن ۇشاق اپاتتى جاعدايدا ەرەۆانعا قوندى
قازاقستان فۋتبول قۇراماسىنىڭ ۇشاعى قايتا ورالىپ ەرەۆان اۋەجايىنا قوندى، دەپ حابارلادى قازاقستاندىق كوماندانىڭ مەدياوفيتسەرى، بلوگەر ەربول قايىروۆ.
"قازاقستان قۇراماسىنىڭ ۇشاعى قايتا اينالىپ كەلىپ، ەرەۆانعا قونۋعا ءماجبۇر بولدى. سەبەپ - ءشاسسيدىڭ دۇرىس ىستەمەۋى. ۇشاق كومانديرى اۋەجايعا قايتا ورالۋعا شەشىم قابىلدادى. چارتەرلى ۇشاقتى اۋىستىرعان سوڭ، ولار قازاقستانعا قايتىپ ورالادى", - دەپ جازدى قايىروۆ ءوزىننىڭ Twitter’دەگى شاعىن بلوگىندا.
قازاقستان فۋتبول فەدەراتسياسىنىڭ ءباسپاسوز قىزمەتى بۇل اقپاراتتى راستادى، بىراق وقيعانىڭ باسقا دا تۇستارى تۋرالى مالىمەت بەرمەدى.
قازاقستان قۇراماسى 2018 جىلعى الەم بىرىنشىلىگىنىڭ ىرىكتەۋ سىنىندا جەكسەنبى كۇنى ارمەنيا قۇراماسىنان 0:2 ەسەبىمەن ۇتىلىپ قالدى.
Abai.kz
