2017 جىلعى 17 ناۋرىزدا يسلاماباد قالاسىندا، «مارريوتت يسلاماباد» قوناقۇيىندە، قازاقستان رەسپۋبليكاسىنىڭ پاكىستان يسلام رەسپۋبليكاسىنداعى ەلشىلىگى مەملەكەت باسشىسىنىڭ «قازاقستانىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋى بويىنشا بريفينگ-سەمينار وتكىزدى.

شاراعا پاكىستاننىڭ جەتەكشى ساراپشىلارى مەن بۇقارالىق اقپارات قۇرالدارىنىڭ وكىلدەرى قاتىستى، سونىڭ ىشىندە يسلاماباد قالاسىنداعى ساياسي زەررتەۋلەر ينستيتۋنىڭ باس ۇيلەستىرۋشىسى ي.شاحزاد، «Diplomatic Insight» جۋرنالىنىڭ رەداكتورى ف.اسيف، «Dispatch News Desk» جۋرنالىنىڭ باس رەداكتورى ا.حارۋن، «Global Affairs» جۋرنالىنىڭ اتقارۋشى ديرەكتورى، بەلۋدجيستان پروۆينتسياسى پارلامەنتىنىڭ ەكس-دەپۋتاتى ف.شاح، «Weekly Election Times» گازەتىنىڭ باس رەداكتورى س.حۋسسەين شاح، «Pakistan Observer» رەداكتورى  ن.حان جانە باسقالار بار.

بريفينگ بارىسىندا تۇراقتى ەكونوميكالىق وسۋگە جانە قازاقستاننىڭ 30 جەتەكشى ەلدەردىڭ قاتارىنا كىرۋگە باعىتتالعان نەگىزگى بەس باسىمدىقتار ايتىلدى.

قازاقستان-پاكىستان قاتىناستارىنىڭ تۇرعىسىندا قازاقستاننىڭ سىرتقى ساياسي باستامالارىن قولداۋ ءۇشىن العىس ايتىلدى، سونداي-اق الداعى ءىس-شارالاردىڭ ماڭىزدىلىعى اتاپ ءوتىلدى جانە پاكىستاننىڭ ەكسپو-2017, شانحاي ىنتىماقتاستىق ۇيىمىنىڭ جانە عىلىم مەن تەحنولوگيا بويىنشا يسلام ىنتىماقتاستىق ۇيىمىنىڭ سامميتتەرىنە جوعارى وكىلدىگى تۋرالى ءۇمىت ءبىلدىرىلدى.

پاكىستاندىق ساراپشىلار مەن جۋرناليستەر، ءوز كەزەگىندە، مەملەكەت باسشىسى جولداۋىنىڭ بارلىق باسىمدىقتارى بويىنشا پىكىر ءبىلدىرىپ، جوسپارلانعان ەلدىڭ تەحنولوگيالىق مودەرنيزاتسيالاۋ ششەڭبەرىندە قازاقستانداعى جاڭا وزگەرىستەر ديناميكاسىن وڭ باعالادى.

سونىمەن بىرگە، مەملەكەتتىكتى كۇشەيتۋ، جاڭا رەفورمالاردى جۇرگىزۋ، قازاقستاننىڭ حالىقارالىق بەدەلىنىڭ ارتۋى، ەلدەگى بيزنەس جانە ينۆەستيتسيالىق كليماتتى جاقسارتۋ بويىنشا قازاقستان پرەزيدەنتى ن.نازارباەۆتىڭ باستى ءرولىن جوعارى اتاپ ءوتتى.

ءىس-شارا سوڭىندا قوناقتارعا قر-دىڭ تۇڭعىش پرەزيدەنتى – ەلباسى ن.نازارباەۆتىڭ كىتاپتارى، قازاقستان تۋرالى جانە مەملەكەت باسشىسىنىڭ حالىقارالىق باستامالارى تۋرالى كىتاپتار، قر پرەزيدەنتىنىڭ قازاقستان حالقىنا «قازاقستانىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىمەن بروشيۋرالار، سونداي-اق الداعى EXPO-2017 حالىقارالىق كورمەگە ارناعان ماتەريالدار تاراتىلدى.

اباي-اقپارات