«استانا» ايەلدەر ۆەلوكومانداسى ۆەلوسپورتتان الەم چەمپيوناتىنىڭ كۇمىس جۇلدەگەرى، ۋكرايندىق اننا سولوۆەيمەن قازاقستان ازاماتتىعىن قابىلداۋدان باس تارتقانى ءۇشىن كەلىسىمشارتتى بۇزدى. بۇل تۋرالى ۋكراينا ۆەلوسپورتى فەدەراتسياسىنىڭ رەسمي سايتىندا حابارلانعان. Nur.kz-ءتىڭ جازۋىنشا، «استانا» كومانداسى دا سەيسەنبى كۇنى «سپورتشىنىڭ كاسىبي ەمەس تارتىبىمەن كومانداعا جانە دەمەۋشىلەرگە تۋىنداتتىرعان قيىندىقتارى» ءۇشىن سولوۆەيمەن كەلىسىمشارت بۇزىلعانىن حابارلاعان.

«ۋۆسف سولوۆەيدى كاسىبي ەمەس ءتارتىپ كورسەتتى دەپ ايىپتاۋىنا تۇبەگەيلى كەلىسپەيدى جانە قازاقستاندىق كوماندادان رەسمي تۇردە كەشىرىم سۇراۋىن تالاپ ەتەدى. الەكساندر بوشەنكو (ۋۆسف پرەزيدەنتى) كەي باق-تا جاريا بولعان قازاقستان ۆەلوسپورتى فەدەراتسياسى جانە «استانا» 2016 جىلعى وليمپيادا ويىندارىنا دەيىن سولوۆەيدىڭ ازاماتتىعىن اۋىستىرۋعا تىرىستى دەگەن اقپاراتتى راستايدى. ۋۆسف اننا سولوۆەيمەن كەلىسىمشارتتىڭ بۇزىلۋى مەن ونىڭ قازاقستان اتىنان شىعۋدان باس تارتۋىنىڭ اراسىندا ايقىن بايلانىس بارىنا باسا نازار اۋدارتادى»، — دەلىنگەن حابارلامادا.

«قازاقستان ۆەلوسپورتىنىڭ فەدەراتسياسى جانە الەكساندر ۆينوكۋروۆ («استانا» مەنەدجەرى) مەنەن بىرنەشە رەت اننانىڭ قازاقستان اتىنان شىعۋىنا رۇقسات بەرۋىمدى وتىنگەن بولاتىن. بۇل ءبىز قابىلداي قوياتىن ۇسىنىس بولمادى. اننا – ۋكرايندىق ۆەلوسپورتتىڭ ناعىز بەتكەۇستارى، ول وتە دارىندى جان جانە الداعى وليمپيادادا مەدالعا سەنىمدى ۇمىتكەر»، — دەپ مالىمدەگەن باشەنكو.

اباي-اقپارات