ءاليا نازارباەۆانىڭ جوباسى  «Bala Turkvizyon-2015» حالىقارالىق بالالار ءانى بايقاۋىنىڭ  ۇلتتىق ىرىكتەۋى وسكەمەن قالاسىنان باستاۋ الدى. بايقاۋ باستاماشىسى – ءاليا نازارباەۆانىڭ «جاندانۋ الەمى» قورى. العاشقى ىرىكتەۋگە شىعىس قازاقستان وبلىسىنىڭ 157 – ونەرپاز قاتىستى. مەتاللۋرگتەر مادەنيەت سارايىندا تاڭەرتەڭنەن باستالعان كەزەكتى گلۋبوكوۆسكوە (گلۋبوكوە اۋىلى), تارباعاتاي (اقجار اۋىلى), زىريانوۆسك (سەرەبريانسك اۋىلى), اياگوز قالاسى، وسكەمەن قالاسى مەن ريددەر، سەمەي قالالارىنان كەلگەن جاس تالانتتار تولتىردى.

وسكەنمەن قالاسىنان ۇلتتىق ىرىكتەۋدىڭ جارتىلاي فينالىنا ۇمىتكەردى انىقتاۋعا ءانشى ساندا، ءوزىنىڭ شىعارماشىلىق توبىمەن  تانىمال پروديۋسەر – ەريك تاستەمبەكوۆ ءانشى يۆان برەۋسوۆپەن كەلدى. قازىلار القاسىنا كوپ ونەرپازدىڭ ىشىنەن «ۇزدىكتەردى» انىقتاۋ قيىنعا سوقتى.

كىشكەنتاي ارتىستەر ۇلكەن سىناققا دايىن ەكەندىكتەرىن دالەلدەي ءبىلدى. ويتكەنى، ولاردىڭ كوبىسى ۇلكەن ساحناعا ءبىرىنشى رەت قادام جاساۋدا،  كامەرا الدىندا ءارى ونەر جۇلدىزدارىنىڭ الدىندا ونەر كورسەتۋ – ۇلكەن ەرلىك.

ايماقتىق ىرىكتەۋ كەزىندە ءارتۇرلى جانرداعى، ءارتۇرلى باعىتتاعى اندەر ورىندالدى: حالىق اندەرى، رەپ، پوپ جانە اۆتورلىق اندەر. ۇمىتكەرلەر قازاق، ورىس، اعىلشىن، يتاليان تىلدەرىندە   اندەر ورىندادى. ء اربىر قاتىسۋشى ماراپاتقا، قۇرمەتكە يە. ولار ءاليا نازارباەۆانىڭ «جاندانۋ الەمى» قورىنىڭ «Bala Turkvizyon» ۇلتتىق ىرىكتەۋىنىڭ قاتىسۋشىسىنا ارنالعان سەرتيفيكات پەن ۇلتتىق ىرىكتەۋ ءانۇرانى جازىلعان CD-ديسكتەرگە يە بولدى.

سونىمەن،  «Bala Turkvizyon-2015» حالىقارالىق بالالار ءانى بايقاۋىنىڭ  وسكەمەن قالاسىندا وتكەن ۇلتتىق ىرىكتەۋىندە سەمەيلىك  12 جاستاعى راشيدا ۇزىحانوۆا (سۋرەتتە) جەڭىمپاز اتاندى.  قازىلار القاسىنىڭ شەشىمى بويىنشا راشيدا استانا قالاسىندا وتەتىن فينالدا شىعىس قازاقستان وبلىسىنىڭ نامىسىن قورعاماق. بۇعان دەيىن دە جاس ونەرپاز كوپتەگەن رەسپۋبليكالىق، حالىقارلىق بايقاۋلارعا قاتىسىپ ۇلگەرگەن.

ۇلتتىق ىرىكتەۋدىڭ كەلەسى ايالداماسى - پاۆلودار قالاسى. ىرىكتەۋ 13 ماۋسىم كۇنى، «دوستىق» كونتسەرت زالىندا، تاڭعى ساعات 9-دان باستالادى.

اباي-اقپارات