تاڭاتار دەگەن جەزدەم جاڭاعى ابايعا جاقىنداۋ سىنىپتاسى بولسا كەرەك. بار بيلىك سوندا. ەلدىڭ ءبارى اۋىلعا كورىپكەل كەلگەندەي ءتىزىلىپ تاڭاتاردىڭ ءۇي جاعىندا تۇر. ابايعا كىرىپ بالاسىن جۇمىسقا ورنالاستىرماق. "ابايدىڭ ۇيقىسىن بۇزاسىڭدار" دەپ تاڭكى (تاڭاتاردى تاڭكى دەيمىز) جەزدەم سىرتتاعىلاردى سويلەتپەيدى. راسىمەن، ءمارت جىگىت ەكەن. اۋىلدىڭ جۇزگە تارتا جىگىتىن كومپانياسىنا جۇمىسقا الدى، بالۋاندارعا دەمەۋشىلىك ەتتى، مەشىت سالعىزدى، ۇيالى بايلانىس ورناتۋعا سەپتىگى ءتيدى ت.ب.

ەكىنشى ابايدى اۋىلداعىلار "ورىس اباي" دەيدى. اۋىلدا قوراسى جوق، مال ۇستامايتىن جالعىز ادام. سۋرەتشى. ماسكەۋدە ءبىلىم العان. ەشقاشان "بولەمنىڭ تويى ەدى", "بالا 11 ءبىتىردى", "باجام 40-قا كەلىپ ەدى" دەگەن تەمامەن جۇگىرىپ جۇرگەنىن كورمەيسىڭ. سۋرەت سالادى. ۇيىنە بارساڭ بايەك بولمايدى. بىراق جاقتىرماعان كەيىپتە تانىتپايدى. اۋىلداعى جالعىز ينتەرنەتى بار ءۇي. وتكەن جىلى جازدا باردىم. كومپيۋتەردە كەشكە دەيىن وتىردىم. تەك كەتەردە ءسوندىرىپ كەتۋىمدى ءوتىندى. ايتپاقشى، ماعان پوەزيا مەن سۋرەتتىڭ ەگىزدىگى تۋرالى اڭگىمە ايتا باستاعان، ەسىل-دەرتىم كومپيۋتەردە بولعان سوڭ كەتىپ قالدى. ءبىر جولى ابايدىڭ ءۇيىنىڭ الدىندا حاممەر تۇر. ىشكە كىرسەم «جەر-انا گرۋپپ» جشس-ءنىڭ ديرەكتورى ارالباي قوزباقوۆ ەكەن. ميلليونەردى كۇتىپ بايەك بولىپ جۇرگەن ادامنىڭ قاراسى كورىنبەيدى. اباي ءۇشىن ارالباي مەن قۋانىش تەڭ. ءۇشىنشى كۋرستان سوڭ اۋىلعا باردىم. اباي ناماز وقي باستاپتى. كەيبىرەۋلەر سياقتى قامالىپ قالماعان. بۇرىنعىسى. مەشىتتەگى نامازدان كەيىن جاستاردىڭ ۇيلەرىنە زۆونداپ نامازدان شىققاننان كەيىن ناسىباي اتقاندارىن، نامازدا تەلەفون العاندارىن، مولدا ۋاعىز ايتقاندا شىعىپ كەتكەندەرىنىڭ ەرسى ەكەنىن ايتادى ەكەن. قىزىق. اباي بالالارىن قيناپ وقىتپادى. بىراق دالادا قالعان بالا جوق. مەنىمەن جاستى ۇلى وسى جەردگەى ءىت مامانداردىڭ ىستەي الماعاندارىن ىستەيدى. قالعان ۇلدارى دا سول.

ءۇشىنشى ابايدى "احاتتىڭ ابايى" دەيدى. "اكەسى جاقسى ادام" دەپ اكەم ايتىپ وتىرادى. سول ابايدىڭ اقىلجان دەگەن بالاسىن "ابايدىڭ اقوشى" دەيدى.

ءتورتىنشى ابايدى "ششاكال اباي" دەيدى. قۇلاعى قالقيىپ، كوزى ويناقشىپ، موينى ىرعايداي بولعان سوڭ ايتقانى شىعار.

بەسىنشى "جاقسىبايدىڭ ابايى" دەيدى. مەنىڭ كورشىم. جىلقىشى. جاندىككە زيانى جوق. اكەمنىڭ تاتىمسىز ازىلدەرىنە سول كىسى عانا ىشەك-سىلەسى قاتا كۇلەدى. كوپ ۋاقىت وتىرىپ از اڭگىمە ايتادى.

فب-دا 200-گە تارتا اۋىلداسىم وتىرادى ەكەن. سىرتتاي ءبىر كورسىن دەپ جازدىم. ءبىزدىڭ اۋىلدىڭ ابايلارى وسىلار)))