قازاقستان 2015 جىلعى ەكونوميكاسى قارقىندى دامىپ كەلە جاتقان ەلدەر تىزىمىندە 11-ءشى ورىندا. Bloomberg زەرتتەۋىندە ءبىزدىڭ ەلدىڭ  جالپى ىشكى ءونىمى 3%-دان اساتىنى كورسەتىلگەن دەپ حابارلايدى قازتاگ.

 بىرىككەن اراب امىرلىكتەرى قازاقستاننىڭ الدىندا، ال كولۋمبيا قازاقستاننان كەيىن تۇر.

Bloomberg زەرتتەۋلەرىنە ساي، 2015 جىلى الەمدەگى ەڭ قارقىندى دامىپ كەلە جاتقان قىتاي ەكونوميكاسى ەكەنى انىقتالدى.

«قىتاي ەكونوميكاسى 7%-عا وسەدى (بىلتىرعى IV توقساندا ول كورسەتكىش 7,3% بولعان)»، — دەپ كورسەتىلگەن زەرتتەۋلەردە.

زەرتتەۋلەرگە ساي ەڭ دامۋشى ەلدەر ءتىزىمىنىڭ ەكىنشى، ءۇشىنشى ورىندارىندا فيليپين مەن كەنيا تۇر.

وسى ەكى ەلدىڭ دە ءجىو ءوسۋى كەلەسى جىلى 6%-دان اسادى. ساراپشىلار مۇناي باعاسىنىڭ ارزانداۋىنان ەڭ باستى پايدا كورۋشى بەنەفيتسيار فيليپين دەپ اتاپ وتىر.

كەنياعا كەلسەك، وندا ەكونوميكالىق ءوسىم قارقىنىنىڭ ارتۋىمەن قاتار كەدەيشىلىك پەن جۇمىسسىزدىق دەڭگەيى وتە جوعارى. سونداي-اق، ءبىرىنشى بەستىك تىزىمىنە ءۇندىستان مەن يندونەزيا كىرەدى. ولاردىڭ ءجىو ءوسۋى 5%-دان جوعارى.

اتاپ كورسەتىلگەندەي، رەيتينگتەگى العاشقى بەستىك ەلدەرى 2015 جىلى الەم ەكونوميكاسىنىڭ ءوسۋىنىڭ 16%-ىن قامتاماسىز ەتەدى. افريكانىڭ ەڭ ءىرى ەكونوميكالارىنىڭ ءبىرى – نيگەريا – 2015 جىلى 4,9%-عا وسەدى (ول تىزىمدەگى 6-شى كورسەتكىش).

تەز دامۋشى ەلدەردىڭ وندىعىنا مالايزيا، پەرۋ، تايلاند جانە ءباا ەندى. اقش ەكونوميكاسى بولجانعان 3% ءجىو وسىمىمەن دامۋشى ەكونوميكالار تىزىمىنە ەنبەي قالدى.

ۇلىبريتانيا ەكونوميكاسى 2015 جىلى 2,6% كورسەتەدى. ورتاشا العاندا الەم ەكونوميكاسى 2015 جىلى 3,2%، ال 2016 جىلى –3,7%-عا وسپەك.

الدىڭعى ەكى جىلدا الەمدىك ءجىو ءوسىمى 3,3% بولعان. Bloomberg زەرتتەۋلەرىندە  بارلىعى 57 ەلدىڭ ەكونوميكالارى قامتىلعان.

Abai.kz