اباي مەملەكەتتىك تاريحي-مادەني جانە ادەبي-مەموريالدىق قورىق-مۇراجايىندا 2015 جىلدىڭ ءساۋىر ايىنىڭ 15 كۇنى №4 ناشار ەستيتىن بالالارعا ارنالعان مەكتەپ-ينتەرناتىمەن بىرلەسكەن «مەرەيلى بەلەستەر جانە رۋحاني قۇندىلىق» اتتى كورمەسىنىڭ اشىلۋ سالتاناتى ءوتتى.

ۇلى اقىن اباي قۇنانبايۇلىنىڭ 170 جانە ۇلى جەڭىستىڭ 70 جىلدىعىنا وراي قالا تۇرعىندارى مەن قالا قوناقتارىنىڭ نازارىنا №4 ناشار ەستيتىن بالالارعا ارنالعان مەكتەپ-ينتەرناتى وقۋشىلارىنىڭ قولونەر تۋىندىلارىن ۇسىنۋ، جاس شەبەرلەردىڭ جۇمىسىن ناسيحاتتاۋ، وسكەلەڭ ۇرپاققا ۇلگى ەتۋ - كورمەنىڭ نەگىزگى ماقساتى بولدى.

مادەني شارا اباي مۇراجايىنىڭ جەتەكشى عىلىمي قىزمەتكەرى، قر مادەنيەت قايراتكەرى يبراەۆا ۇمىتقايشا احمەتقاليقىزىنىڭ العى سوزىمەن اشىلدى. بارىسىندا ەكى مەكەمە اراسىنداعى شىعارماشىلىق بايلانىسىنا، تىنىس-تىرشىلىگىنە توقتالىپ، الداعى ۋاقىتتا دا جالعاسىن تابادى دەگەن سەنىم ءبىلدىرىپ، №4 مەكتەپ-ينتەرنات ۇجىمىن العىس حاتپەن ماراپاتتادى.

№4 ناشار ەستيتىن بالالارعا ارنالعان مەكتەپ-ينتەرناتىنىڭ ديرەكتورىنىڭ تاربيە ءىسىنىڭ مەڭگەرۋشىسى ينديرا تۇرسىنبەكوۆنا اتالمىش مەكەمەنىڭ اۋقىمدى ءىس-شارالارىنا، كورمەنىڭ اشىلۋ ماقساتىنا توقتالدى.

جارىسسوزدە سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتىنىڭ پروفەسسورلارى، قر سۋرەتشىلەر وداعىنىڭ مۇشەلەرى، قر مادەنيەت قايراتكەرى وتەپباەۆ نۇربۇلان نۇعىمانۇلىنىڭ، ماكاروۆ قۇمار ەسكەندىرۇلىنىڭ پىكىرلەرى تىڭدالدى.

سالتاناتتى اشىلۋ بارىسىندا قر مادەنيەت سالاسىنىڭ ۇزدىگى، ءانشى بەرىك وماروۆ، ءا.قاشاۋباەۆ اتىنداعى فيلورمونيانىڭ ءانشىسى ەرۋوۆا گۇلشاتتىڭ ورىنداۋىندا ابايدىڭ «اتا-اناعا كوز قۋانىش»، «وزگەگە كوڭىلىم تويارسىڭ»، «تاتيانانىڭ حاتى» اندەرى ايتىلدى. №4 مەكتەپ-ينتەرناتىنىڭ دومبىرا ءانسامبلىنىڭ «باستاۋ» كۇيى مەن «قازاق ءبيى»كورەرمەندەر نازارىنا ۇسىنىلدى.

كورمەنى سەمەي قالاسىنىڭ زيالى قاۋىم وكىلدەرى، مادەنيەت ءبولىمىنىڭ قىزمەتكەرلەرى، ۇستازدار مەن بۇقارالىق اقپارات قۇرالدارى جانە №4 مەكتەپ-ينتەرنات ۇستازدارى مەن وقۋشىلارى تاماشالادى. باق-ى وكىلدەرىنە كورمە جونىندە سۇحباتتار بەرىلدى.

اباي قورىق-مۇراجايىنىڭ عىلىمي حاتشىسى س.ا.مۇقاتاەۆا

Abai.kz