جۇما, 29 ناۋرىز 2024
بيلىك 5022 0 پىكىر 3 ءساۋىر, 2015 ساعات 15:33

«نۇر جول:» 400 مىڭ جۇمىس ورنى اشىلادى

مەملەكەت باسشىسى نۇرسۇلتان ءابىشۇلى نازارباەۆ قازىرگى زاماندا بولىپ جاتقان گەوساياسي جاعدايلاردى ەسكەرە كەلە، ءداستۇرلى جىل سايىنعى قازاقستان حالقىنا جولداۋىن بۇرىنعىسىنان ءسال ەرتەرەك، قاراشا ايىندا جاريالاعان ەدى. ونداعى مەملەكەت باسشىسىنىڭ الدىمىزعا قويعان مىندەتى قازىرگى دۇنيە جۇزىلىك داعدارىس قازاقستانعا ءوزىنىڭ اسەرىن تيگىزبەيتىندەي ەتىپ، ەلدىڭ ءال-اۋقاتىن تومەندەتپەي الىپ شىعۋ بولاتىن.  

سوعان وراي «نۇرلى جول» مەملەكەتتىك باعدارلاماسى قابىلداندى. باعدارلاماداعى ەڭ نەگىزگى ماقسات – ينفراقۇرىلىمداردى دامىتۋ ارقىلى حالىقتى جۇمىسپەن قامتۋ، ەلىمىزدە جۇمىسسىزداردىڭ قاتارىن كوبەيتپەۋ. ەگەر بۇل باعدارلاما ويداعىداي جۇزەگە اسىپ، تولىق ناتيجەسىن بەرەتىن بولسا، ەڭ كەم دەگەندە 400 مىڭنان استام جاڭا جۇمىس ورىندارى اشىلادى  دەپ كۇتىلۋدە.

ەلباسىنىڭ جولداۋىن جۇزەگە اسىرۋ بارىسىندا ەڭ الدىمەن، شاعىن جانە ورتا بيزنەستى قولداۋعا، جاڭادان جۇمىس ورىندارىن اشۋعا كوڭىلبولىنەتىنى بەلگىلى. ماسەلەن، مەملەكەت باسشىسى باسىمدىق رەتىندە اتاپ كورسەتكەن ءبىر عانا  كولىكتىك-لوگيستيكالىق ينفراقۇرىلىمدى دامىتۋ سالاسىندا 2020 جىلعا دەيىن 28 مىڭنان استام جاڭا جۇمىس ورىندارى اشىلادى. ونىڭ ىشىندە 12 مىڭ ادام – اۋەجاي سالاسىندا، 10600 ادام تەرمينالدىق كولىكتىك-لوگيستيكالىق ورتالىقتاردا، 5  مىڭ ادام اۆتوكولىك سالاسىندا، 400-گە جۋىق ادام تەڭىزدەگى تىكەلەي تاسىمالدا جۇمىس ىستەيتىن بولادى.

ماسەلەن، كولىكتىك-لوگيستيكالىق ينفراقۇرىلىمدى دامىتۋداعى باستى جوبالاردىڭ ءبىرى – «قورعاس – شىعىس قاقپاسى» ارنايى ەكونوميكالىق ايماعى ەكەندىگى بەلگىلى. ء دال وسى ايماقتى قۇرۋعا جانە كەشەندى دامىتۋعا جالپى العاندا 78,8 ملرد. تەڭگە جۇمسالاتىندىعى كوزدەلىپ وتىر. ءبىرىنشى كەزەڭى 2014 جىلدىڭ 25 جەلتوقسانىندا پايدالانۋعا بەرىلگەن اەا-نىڭ ينفراقۇرىلىمىن سالۋ بارىسىندا تۇتاستاي العاندا 10 مىڭنان استام جۇمىس ورىندارىن اشىلعان بولاتىن.

سونىمەن قاتار، ەلباسى جولداۋىندا ايتىلعان بورجاقتى – ەرساي تەمىرجول جەلىسىنىڭ قۇرىلىسىن جۇرگىزۋ كەزىندە 204 ادام، پايدالانۋعا بەرىلگەننەن كەيىن 30 ادام تۇراقتى جاڭا جۇمىس ورنىمەن قامتاماسىز ەتىلەدى. تەمىر جولعا جاتاتىن ۇلكەن جوبالاردىڭ ءبىرى – «الماتى-1 – شۋ» ۋچاسكەسىندەگى ەكىنشى جولداردى سالۋ جوباسى. 2015-2016 جىلدارى جۇزەگە اسىرىلاتىن وسى جوبانىڭ قۇرىلىسى كەزەڭىندە 1 717 ادامعا جاڭا جۇمىس ورنى اشىلادى.

اۆتوموبيل جولى سالاسىندا 2020 جىلعا دەيىن قازاقستاندا 7,5 مىڭ شاقىرىم جول سالىنىپ، جوندەلەدى. اتاپ ايتقاندا، جولداردىڭ 7,5 مىڭنىڭ 4 مىڭ  شاقىرىمى 4 جانە 6 جولاقتى 1-ءشى تەحنيكالىق ساناتقا اۋىستىرىلادى.

وسى شارالاردىڭ بارىسىندا جاڭادان 200 مىڭعا جۋىق جۇمىس ورىندارى پايدا بولادى. بۇل جەردە «جالپى حالىقتىق قۇرىلىس» اتانعان باتىس ەۋروپا باتىس قىتاي حالىقارالىق اۆتوكولىك ءدالىزىنىڭ قۇرىلىسىن ەرەكشە اتاپ ايتۋ ءلازىم. سەبەبى، الىپ قۇرىلىس الاڭىندا بىرنەشە مىڭداعان قازاقستاندىقتار ەڭبەك ەتۋدە. ماسەلەن، وسى جوباداعى جۇمىس ورىندارىنىڭ سانى 68 مىڭعا دەيىن  جەتكەن ەدى.

ەندەشە «نۇرلى جول» باعدارلاماسى دا قازىرگىدەي الەم ەكونوميكاسىن تۇراقسىزدىق جايلاعان شاقتا ەلىمىزدىڭ ەڭسەسىن تۇسىرمەي، ءال-اۋقاتىن تومەندەتپەۋگە كەپىل بولارىنا مول سەنىم بار.

اباي-اقپارات.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2257
عيبىرات

قايسار رۋحتى عازيز جان

مۇحتار قۇل-مۇحاممەد 3535