قر پرەزيدەنتتىگىنە كانديدات ابىلعازى قۇسايىنوۆ الماتىدا بىرقاتار كاسىپورىن جۇمىسشىلارىمەن كەزدەسۋ وتكىزدى.

العاشقى كەزەسۋ «وبيس» كومپانيا» جشس-ىندا ءوتتى. ءا.قۇسايىنوۆ ەكولوگيالىق جانە ونەركاسىپتىك قاۋىپسىزدىك ماسەلەسىن كوتەردى.

«بۇگىندە عالامشاردى اينالعان وزون قاباتىنىڭ بۇزىلۋى، الەم مۇحيتتارىنداعى سۋدىڭ لاستانۋى، جەردىڭ لاستانۋى، توپىراقتىڭ قۇنارسىزدانۋى، بيولوگيالىق تىرشىلىكتىڭ ازۋى جانە ت.ب. ماسەلەلەر وزەكتى بولىپ تابىلادى. قازىرگى ۋاقىتتا ەكولوگيا بيولوگيانىڭ شەڭبەرىنەن شىعىپ، ادامزاتتىڭ قورشاعان ورتامەن قارىم-قاتىناسىن زەرتتەيتىن پانارالىق عىلىمعا اينالدى. ەكولوگيا «ادام – تابيعات» پروبلەماسىن زەرتتەۋدە كۇردەلى ءارى ۇزاق جولدان ءوتتى. ادام مەن تابيعات اراسىنداعى قارىم-قاتىناستىڭ وزىندىك ەرەكشەلىگى بار. ادامعا سانا بەرىلدى، سول ارقىلى ول تابيعاتتا الاتىن ورنىن ايقىنداپ، جەر جۇزىندە ءوز جاراتىلىسىنىڭ ءمانىن تۇسىنۋگە مۇمكىندىك الدى. قازىردە ەكولوگيانى «ادامزاتتىڭ جەكە ءۇيى» – بيوسفەرا تۋرالى، ونىڭ ەرەكشەلىكتەرى، اداممەن قارىم-قاتىناسى جانە بايلانىسى، ال ادامنىڭ جالپى قوعاممەن بايلانىسى تۋرالى عىلىم دەپ تە اتاپ ءجۇر. بيولوگيا شەڭبەرىندەگى دەربەسسىز پاننەن ەكولوگيا كەشەندى پانارالىق عىلىمعا – ايقىن دۇنيەتانىمدىق مازمۇنى بار زاماناۋي ەكولوگياعا اينالدى.

بۇگىنگى كۇنى ەكولوگيا ءتىرى ورگانيزمدەردىڭ قورشاعان ورتامەن بايلانىسى تۋرالى بيولوگيالىق عىلىم دەگەن باستاپقى تۇسىنىگىنەن الشاق بىرنەشە عىلىمي سالالارعا جانە پاندەرگە بولىنەدى. قازىرگى زامانعى ەكولوگيا تەك بيولوگيانىڭ عانا ەمەس، جالپى جاراتىلىستانۋ عىلىمدارىنىڭ شەڭبەرىنەن دارالانىپ شىقتى. زاماناۋي ەكولوگيانىڭ يدەيالارى مەن پرينتسيپتەرى دۇنيەتانىمدىق مازمۇنعا يە، سونىڭ نەگىزىندە ەكولوگيا ادامزات جانە مادەنيەت تۋرالى عىلىمدارمەن عانا ەمەس، سونداي-اق فيلوسوفيامەن دە تىعىز بايلانىستا. ءجۇز جىلدان استام تاريحى بار عىلىمنىڭ وسىنشالىقتى وزگەرىسكە ۇشىراۋىنا قاراپ، زاماناۋي ەكولوگيا سەرپىندى دامۋشى عىلىم دەگەن قورىتىندى جاساۋعا بولادى»، - دەدى ءا.قۇسايىنوۆ.

جالپى العاندا، ابىلعازى قۇسايىنوۆ پەن جۇمىسشىلار اراسىنداعى كەزدەسۋ مازمۇندى ءارى قىزىقتى ءوتتى.

اباي-اقپارات.