رەسەيلىك گوردون دەگەن جۋرناليست "كامەدي كلابتىڭ" ىرجاقايلارىن حابارىنا شاقىرىپ: "بۇنى نە ءۇشىن ىستەيسىڭدەر؟ ءمانى نەدە؟" دەگەن مازمۇنداعى سۇراقتار قويىپتى. ونىسىنان تۇك شىقپادى. "كامەدي كلابتىڭ" ىرجاقايلارى ىرجاڭ-ىرجاڭ ەتىپ، اڭگىمەنىڭ ءدامىن كەتىردى. جالپى ءباتۋاسىز اداممەن بەرەكەلى سۇحبات قۇرۋ بەيمۇمكىن ىستەردەن ءدۇر. بىراق سولارىڭ جاي اشەيىن ىرجاڭداپ جۇرگەن جوق، جاستاردىڭ ساناسىن ۋلاپ ءجۇر. جەڭىل كۇلكىمەن "جەڭىل" ومىرگە تارتادى. زاردابى وراسان.
ونى قويشى. ءوزىمىز شە؟ وسى ءبىزدىڭ كۇلكىنىڭ جاعدايى قالاي؟ وتكەندە دوسىمنىڭ كوڭىلىن قيماي "شانشارعا" باردىم. شىنىمدى ايتسام جالپى وسى كۇلدىرەم دەپ ءبۇلدىرىپ جۇرگەندەردەن جەرىنگەنىمە ءبىراز بولعان. قويىلىمنىڭ باسى ءبىر "جىگىتتىڭ" كلاستاسىنا "سەن مەنىڭ قاتىنىما عاشىقسىڭ، ە" دەگەن ءپاتۋاسىز ءسوزىن ارقاۋ ەتكەن كورىنىسپەن باستالدى. ءبىر اشەيىن ءسوز ەمەس، بۇ كورىنىستىڭ بارىسىندا بۇل ءسوز ون رەت، بالكىم، جيىرما رەت قايتالانادى. اراسىندا كۇيەۋىنىڭ ايتاعىمەن كلاستاس جىگىت كەلىنشەكتىڭ ەتەگىنە جارماسادى. كۇيەۋى بۇعان ءماز بولادى. سوندا "شانشار" وسى كورىنىس ارقىلى نە ايتپاق بولدى ەكەن؟" دەپ ويلانىپ قالدىم. "شانشاردىڭ" وسى ونەرگە سىڭىرگەن ەڭبەگىن جوققا شىعارسام، ادىلەتسىزدىك بولار ەدى. مىناۋى - ادەپتەن وزعاندىق. وسىنى ەسكەرسە. دەپ قويام دا. شىنايى كۇلكى ادامدى راحاتتاندىرىپ، جانىن جادىراتاتىنى بار عوي. مەنىڭ باسىم اۋىرىپ قايتتى. جوق الدە جۇرەگىم بە ەكەن، ا؟!

اباي قالشابەك.

(جازبا اۆتوردىڭ facebookتەگى پاراقشاسىنان الىندى)