قىزىلوردادا «مازمۇنىن جاڭارتۋ جاعدايىندا ءبىلىم بەرۋ ورتاسىنىڭ ترانسفورماتسياسى» تاقىرىبىندا ەكى كۇنگە سوزىلعان رەسپۋبليكالىق فورۋم ءوتتى. شاراعا «نازارباەۆ زياتكەرلىك مەكتەپتەرى» دببۇ باسقارما ءتورايىمى ءشامشيدينوۆا كۇلاش نوعاتايقىزى، كەمبريدج ۋنيۆەرسيتەتىنىڭ ءبىلىم بەرۋ فاكۋلتەتىنىڭ اعا لەكتورى ەلەين ۋيلسون، جانە ۇلىبريتانيا، وڭتۇستىك افريكا، قازاقستاننىڭ بىرنەشە وڭىرلەرىنەن ءبىلىم بەرۋ سالاسىنىڭ ۇزدىكتەرى قاتىستى. جيىندا ءبىلىم بەرۋدىڭ وزىق ادىستەرىن قولدانۋ، وسى سالانىڭ دامۋى مەن وزەكتى ماسەلەلەرى تالقىلاندى.

 وبلىس اكىمى قىرىمبەك كوشەرباەۆ «ساپالى ءبىلىم – ءوڭىردىڭ تابىستى دامۋىنىڭ كەپىلى» تاقىرىبىندا بايانداما جاساپ، سىر وڭىرىندەگى ءبىلىم سالاسىنىڭ جەتىستىكتەرىنە توقتالدى.

«وسىدان بىرەر كۇن بۇرىن عانا وتكەن “نۇر وتان” پارتياسىنىڭ XVI سەزىندە ەلباسى نۇرسۇلتان ءابىشۇلى نازارباەۆ قازاقستاننىڭ تاۋەلسىزدىك جىلدارىنداعى جەتىستىكتەرىن ءبىر عانا قىزىلوردا وبلىسىنان كورۋگە بولاتىنىن ايتتى. مەملەكەت باسشىسى ايماقتاعى ينفراقۇرىلىمنىڭ دامۋىن، سالىنىپ جاتقان ءبىلىم مەن مادەنيەت وشاقتارىن، مەديتسينانىڭ قارقىندى ىلگەرىلەۋىن اتادى. مۇنداي ءسوز قىزىلوردالىقتاردىڭ قىزمەتىنە بەرىلگەن جوعارى باعا دەپ ءتۇسىنۋ كەرەك. بۇل – زور ابىروي ءارى ۇلكەن جاۋاپكەرشىلىك»، - دەدى وبلىس اكىمى.

ايتا كەتۋ كەرەك، ايماقتا سوڭعى ەكى جىلدا ءۇش اۋىسىمدا ءبىلىم بەرەتىن مەكتەپتەر پروبلەماسى تۇبەگەيلى شەشىمىن تاپتى. اپاتتى جاعدايداعى 34 مەكتەپتىڭ سانى 20-عا قىسقارتىلدى. بيىل تاعى 8 اپاتتى دەپ تانىلعان ءبىلىم وشاعىنىڭ ورنىنا جاڭا عيماراتتار سالىنىپ بىتەدى. جانە “نۇرلى جول” باعدارلاماسى اياسىندا تاعى ەكى ءبىلىم ۇياسى مەن ءبىر بالاباقشانىڭ قۇرىلىسى باستالادى دەپ كۇتىلۋدە.

            وتكەن جىلى وبلىستىڭ ءبىلىم بەرۋ سالاسىنا 66 ميلليارد تەڭگەدەن اسا قارجى ءبولىندى. بۇل وبلىس بيۋدجەتىنىڭ 32 پايىزى. ۇستاز – كەلەر كۇننىڭ ۇستاسى دەمەكشى، وقىتۋشىلاردىڭ بىلىگىن ارتتىرۋ دا باستى نازاردا. 2014 جىلى 1102 مۇعالىم مەن 82 مەكتەپ ديرەكتورى «نازارباەۆ زياتكەرلىك مەكتەبىنىڭ» دەڭگەيلى باعدارلاماسى بويىنشا بىلىكتىلىك كوتەردى. وسى كۋرستان وتكەن ۇستازداردىڭ جالاقىسى 30-دان 100 پايىزعا دەيىن وسكەن.

سونداي-اق، 2014 جىلدان باستاپ كاسىبي ماماندار دايارلاۋ ءۇشىن رەسەيدىڭ بەلگىلى جوعارعى وقۋ ورىندارىمەن ىنتىماقتاسىپ جۇرگىزىپ، قازىرگى كەزدە 107 ستۋدەنت ماسكەۋ بولات جانە قورىتپا ينستيتۋتى مەن سانكت-پەتەربۋرگ مەملەكەتتىك تەحنولوگيالىق ۋنيۆەرسيتەتىندە ءبىلىم الۋدا. بيىل تاعى 300 قىزىلوردالىق جاس تۇلەككە رەسەيدىڭ ەڭ مىقتى جوعارى وقۋ ورىندارىندا ءبىلىم الۋلارىنا مۇمكىندىك بەرىلمەك.

سەمينار قاتىسۋشىلار ويلارىن ورتاعا سالا كەلە مەكتەپتە ساپاسى جوعارى جانە قازىرگى ۋاقىتتا قولدانبالى ءبىلىم بەرىلۋى ءتيىس. ەڭ ۇزدىك جانە ارتتا قالعان وقۋشىلار اراسىنداعى ايىرماشىلىقتى مەيلىنشە قىسقارتۋ كەرەك دەگەن توقتامعا كەلدى. كونفەرەنتسيا قورىتىندىسى بويىنشا ايماقتاعى ءبىلىم بەرۋ سالاسىن دامىتۋ ماقساتىندا وبلىس اكىمدىگى مەن نازارباەۆ زياتكەرلىك مەكتەپتەرى دەربەس ءبىلىم بەرۋ ۇيىمى اراسىندا ستراتەگيالىق سەرىكتەستىكتى دامىتۋ جونىندە مەموراندۋمعا قول قويىلدى.

Abai.kz