بەرىك ءاشىموۆ دەگەن جۋرناليست اعام بار. شىنىمەن تۋىسپىز، اتالارىمىز اعايىندى كىسىلەر. مەن وسى بەرىكتى دانا ادام دەپ ايتا الام. بۇعان ول لايك باسپايدى، ويتكەنى فەيسبۋكتى قولدانبايدى. سوسىن ەكەۋمىز جىلىنا 1-2 رەت قانا كەزدەسەمىز. 

ول سىنامايدى، داۋلاسپايدى، كۇيىپ-پىسپەيدى. بىردەڭەنى دالەلدەگەن بولاسىڭ، مەنىكى دۇرىس دەپ ويلايسىڭ، ونىكى دۇرىس بولعانىن ۋاقىت كورسەتىپ جاتادى. بۇدان 10 شاقتى جىل بۇرىن "نازارباەۆ كەتۋى كەرەك، مەيلى ورنىنا كىم كەلسە، ول كەلسىن، بىراق بيلىك اۋىسۋى كەرەك" دەپ ويلايتىنمىن. وسىنى دالەلدەپ باعاتىنمىن. ول بولسا «نازارباەۆ ءبىز ءۇشىن ەڭ جاقسى ساياسات جۇرگىزىپ كەلەدى، نازارباەۆ قازاقستاننىڭ باعىنا بەرگەن پرەزيدەنت» دەۋدەن تانبايتىن. ەڭ اۋىر وقيعالاردىڭ ءوزى ونىڭ وسى كوزقاراسىن وزگەرتە المايتىن.
بىرتىندەپ بەرىكتىڭ سوزدەرى دۇرىس ەكەنىن مويىنداي باستادىم. قازىر كوپ نارسەگە ونىڭ سول كەزدەگى كوزىمەن قارايمىن. سىناماۋعا، كۇيگەلەكتەنبەۋگە تىرىسام. بەرىك ەمەس، ءومىر ۇيرەتتى.
تۇراقتى اسكەرى، قارۋ-جاراق سوعاتىن ۇستاحانالارى، مەملەكەتتىك اپپاراتى، زاڭدارى جوق قازاق حاندىعى قالاي امان قالىپ، ال، قىتايدى ۇنەمى جەڭىپ وتىرعان، ءتىپتى ورىس اسكەرىن ءبىر رەت تالقانداعان جوڭعار مەملەكەتى نەگە قۇرىپ كەتتى؟ ول كەزدە ەشكىم قىزىقپاپ ەدى، ەندى قاراساق قازاق دالاسى ەڭ باي جەر بوپ شىقتى. شىنىمەن دە قازاقستاننىڭ قۇدايى بار. 
نازارباەۆ - شىنىمەن دە كورەگەن باسشى. ءبىر كەزدەرى سەنبەۋشى ەدىم، كەيىن دە كۇمانداناتىنمىن. ۋكراينا كوزىمە شۇقىپ كورسەتتى. نازارباەۆتىكى دۇرىس بولعانىن مويىنداۋ ءۇشىن ەندى نە كەرەك؟! دونباستىڭ بىزگە كەلۋى مە؟
«پۋتين رەسەيدى قۇتقارۋشى» دەيتىن. ءبارى وتىرىك بوپ شىقتى. ءپۋتيننىڭ تۇبىنە نە قادىروۆ جەتەدى، نە پۋتين ونىڭ كوزىن جويىپ قۇتىلادى. بىراق ماسەلە قالادى. ءبىر كەزدە ابىرويىن كوتەرگەن شەشەن سوعىسى ەدى، ول ماسەلە شەشىلمەپتى. تۇراقتىلىق ورنادى دەپ جۇرگەنى «مينا زامەدلەننەگو دەيستۆيا» ەكەن. 
نازارباەۆ تا ماڭگى ەمەس. بىراق پۋتين كەتىپ، جاعداي ءبىر جايلى بولعانشا امان بولسىن. ءوز باسىم وسىنى تىلەيمىن. ءبارى وسىلاي ويلاسا، تابىنىپ كەتسىن دەمەيمىن. سىناعىسى كەلگەن، بوقتاعىسى كەلگەن جۇرت سويتە بەرسىن. ول دا كەرەك. بىراق بۇكىل ءومىرىن پرەزيدەنتتى جامانداۋعا ارناعان كىسىلەرگە ايتارىم – كەشىرىڭىز، پروستو دەماگوگسىزدار. قالايشا بۇكىل پوستتاردى ءبىر ادامدى سىناۋعا ارناۋعا بولادى؟ بۇل ول كىسىلەردىڭ ءومىر سالتىنا اينالىپ كەتكەن. ءوزى ەسەپ بەرمەۋى مۇمكىن، ىلعي ءبىر نارسەنى سىنايتىن ادام – ەشتەڭەگە ريزا بولمايتىن، جان-جاعىنا دىگىرلەپ، تەلەۆيزوردان كىم سويلەسە سونىمەن ۇرسىسىپ وتىراتىن ادام. 
از ۋاقىت بۇرىن نازارباەۆتى ماقتايتىن 20 شاقتى ماقالا جازۋعا ۇسىنىس بولعان. ويلاندىم. ءيا، قولدايمىن. بىراق ءبىر ماقالا جازارمىن، جاقسى، تاعى بىرەۋىن جازايىن. ودان سوڭ نە ايتام؟ پسەۆدونيممەن جازا المايمىن. ءسويتىپ، باس تارتتىم. بۇل «اقشا العان با؟» دەگەن ماسەلە بولا قالسا دەگەنگە قاراتىپ ايتىپ وتىرمىن.
ايتپاقشى، وسىنى جازۋعا تۇرتكى بولعان مىنا سۇحبات ەدى: اركادي دۋبنوۆ دەگەن مىقتى پۋبليتسيست، ورتالىق ازيا بويىنشا اۆتوريتەت مامان. مىقتى مامان بولۋىنىڭ ءمانى – وبەكتيۆتىلىگى. «دوجد» - ليبەرال-دەموكراتتاردىڭ ارناسى. بىراق مامان دا، جۋرناليست تە نازارباەۆتى مويىنداپ، ءتىپتى ريزا بوپ وتىر. مىسالى، بىلاي دەيدى.

«نازارباەۆ شىنىمەن دە دانا ساياساتكەر.
باتىس ليدەرلەرى قازىر لۋكاشەنكو مەن پۋتينگە قاراعاندا نازارباەۆتى سىيلايدى. بىراق ول بۇرىن دا باتىستا بەدەلدى بولاتىن.
مۇنى پرەزيدەنت سايلاۋى ەمەس، رەفەرەندۋم دەۋگە بولادى. ويتكەنى، نازارباەۆتىڭ بەدەلى تىم جوعارى. ونىمەن باسەكەلەسۋ مۇمكىن ەمەس.
باتىس نازارباەۆتىڭ قايتا سايلانعانىن قالايدى. ويتكەنى، وعان قازاقستاننان كەرەگى – تۇراقتىلىق، تۇراقتىلىق جانە تۇراقتىلىق.
قازاقستان - بۇگىندە پوستكەڭەستىكتى ۇستاپ تۇرعان مەملەكەت. 
قازاقستان پوستكەڭەستىك كەڭىستىكتەگى دامۋ پوتەنتسيالى ەڭ كۇشتى مىقتى مەملەكەت بولىپ وتىر.
ول جاستاردى باتىستا مەملەكەت اقشاسىنا وقىتتى، سونىڭ ارقاسىندا قازاقستاندا ءبىلىمدى ەليتا پايدا بولدى. 
ءبىزدىڭ دەپۋتاتتار ورىس ءتىلى تۇرعاندا اعىلشىن ءتىلى نە كەرەك دەپ جاتسا، نازارباەۆ اعىلشىن ءتىلىن ءبىرىنشى سىنىپتان وقىتۋ كەرەۋ دەيدى. مۇنى دا قازاقستان بيلىگىنىڭ پليۋس جاعى دەۋگە بولا ما؟
ءيا. بۇل رەسەيدىڭ مودەرننەن ارحايكاعا، ال تاريحي تۇرعىدا ازيالىق ەل قازاقستان ارحايكادان مودەرنگە كەتىپ بارا جاتقانىن كورسەتەدى».

وسىنداي سوزدەردى ەستىگەندە ريزا بوپ قالاسىڭ شالعا. ونىڭ ماقتاۋىن كەلتىرەمىز دەپ قۇر ءسوزدى كوپىرتۋمەن جۇرگەندەردى ايتام. اقىرى ماقتاعان سوڭ دۋبنوۆ ەكەۋمىز سياقتى ماقتاماي ما، ءيا؟ http://tvrain.ru/…/nazarbaev_ponimaet_opasnost_russkogo_mi…/

جازبا اۆتوردىڭ facebook پاراقشاسىنان الىندى.