26 ساۋىردە - سايلاۋ!
قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى بيىلعى جىلدىڭ 26 ساۋىرىندە وتەتىن بولدى.
بۇگىن اقوردادا بىرقاتار مەملەكەتتىك ورگاندار باسشىلارىمەن كەڭەسكەننەن كەيىن ەلباسى نۇرسۇلتان نازارباەۆ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن بيىلعى جىلدىڭ 26 ساۋىرىندە وتكىزۋدى بەلگىلەۋ تۋرالى جارلىققا قول قويدى.
«2016 جىلى ءوتۋى ءتيىس پرەزيدەنت سايلاۋى ەل پارلامەنتىنە وتەتىن سايلاۋمەن قاتار كەلۋىنە بايلانىستى كونستيتۋتسياعا قايشىلىق اكەلەدى. سوندىقتان كونستيتۋتسيالىق كەڭەستىڭ تولىق ساراپتاۋىنان وتكەننەن كەيىن، پرەزيدەنت سايلاۋىن مەرزىمىنەن بۇرىن وتكىزۋگە زاڭدى نەگىز بار دەپ شەشتىم»، - دەدى نۇرسۇلتان نازارباەۆ اقوردادا بىرقاتار مەملەكەتتىك ورگاندارى باسشىلارىمەن كەڭەسكەننەن كەيىن.
ەسكە سالا كەتەيىك، ەل پرەزيدەنتىنىڭ سايلاۋىن كەزەكتەن تىس وتكىزۋ تۋرالى باستامانى قازاقستان حالقى اسسامبلەياسىنىڭ كەڭەسى ۇسىنعان بولاتىن. ەلىمىزدەگى قوعامدىق ۇيىمداردىڭ دەنى بۇل باستامانى ءبىر اۋىزدان قولداپ وتىر.
اباي-اقپارات.
