مەن كەزىندە الماتى ۋنيۆەرسياداسىنىڭ مۇراسى رەتىندە سپورت عىلىمي زەرتتەۋ ينستيتۋتىن قۇرۋ قاجەتتىگى جونىندە قر پرەمەر-ءمينيسترىنىڭ ورىنباسارى بەردىبەك ساپارباەۆقا دا حات جازىپ ەدىم. نەگىزى، ەلىمىزدە قر پرەزيدەنتىنىڭ قاۋلىسى بويىنشا مۇنداي ينستيتۋتتى قۇرۋ جوسپارلانعان. ول 2005 جىلعا دەيىنگى مەملەكەتتىك سپورت باعدارلاماسىندا ايقىن كورسەتىلگەن. بىراق، وكىنىشكە قاراي، ەلباسىنىڭ قاۋلىسى ورىندالماي كەلەدى.

مەن بۇگىن قر ءبىلىم جانە عىلىم مينيسترلىگىنىڭ عىلىم كوميتەتىنەن ءتيىستى حات الدىم. بۇل كوميتەتتىڭ قانداي دەرەكتەرگە سۇيەنىپ جازعانىن بىلمەيمىن. بىراق، حاتتا «قازاقستاندا مەملەكەتتىك سپورت عىلىمي زەرتتەۋ ينستيتۋتىن قۇرۋ لايىقسىز» دەپ جازىلعان. ەگەر ەلباسى كەزىندە لايىقتى دەپ تاپسا، شەنەۋنىكتەر بۇگىندە ونى ورىنسىز دەپ وتىر. مەن بۇل سالادا ادىلدىك بولعانىن قالايمىن...

(قازاقستاننىڭ ۇلتتىق ستۋدەنتتىك سپورت فەدەراتسياسىنىڭ پرەزيدەنتى قايرات زاكىريانوۆتىڭ الماتىدا وتكەن ستۋدەنت-سپورتشىلاردىڭ كەزەكتەن تىس پرەزيدەنت سايلاۋىن وتكىزۋ تۋرالى باستامانى قولداۋعا ارنالعان كەزدەسۋىندە ايتقانى)