ۋكراينا مەن رەسەي اراسىنداعى شيەلەنىستى شەشۋگە ارا اعايىندىق تانىتىپ وتىرعان قازاقستان ءۇشىن بەيبىت كەلىسىمدەردىڭ قابىلدانۋى شىن قۋانىشتى جاڭالىق ەدى. بىراق، مينسك تورىندە مامىلەگە كەلگەن ەلدەر باسشىلارىنىڭ ءىزى سۋىماي جاتىپ، قاندى قىرعىندى توقتاتۋ تۋرالى ءپاتۋا بۇزىلدى.

ۋكراينانىڭ دەبالتسەۆو قالاسى ماڭىندا سەپاراتيستەر ۇكىمەت اسكەرلەرىنە وق اتقان. بۇل تۋرالى ەل پرەزيدەنتى پەتر پوروشەنكو مالىمدەپ وتىر. ول اقش ۆيتسە-پرەزيدەنتى دجو بايدەنمەن بولعان تەلەفون ارقىلى تىلدەسۋىندە ورىن العان وقيعانىڭ ارتىندا رەسەيشىل كۇشتەردىڭ تۇرعانىن دا جاسىرمادى.

ال، اقش تاراپى رەسەي الەمدىك قاۋىمداستىق الدىندا بەرگەن ۋادەسىنەن تايقىپ كەتەتىن بولسا، قابىلدانعان قاتاڭ شارالاردان باس تارتپايتىندىعىن ايتادى. دەمەك، دۇنيەنى ەلەڭدەتكەن ساياسي داعدارىس داۋى جاڭا سيپات الىپ كەتۋى عاجاپ ەمەس... ونداي اتتى كۇن تۋا قالسا، كورشى رەسەيگە باعىتتالاتىن جاڭا ەكونوميكالىق سانكتسيالار مەن ساياسي قىسىمنىڭ سالدارى ءبىزدىڭ ەلگە دە كەرى اسەر ەتەتىنى انىق. بەتى اۋلاق بولسىن دەيىك!

اباي.kz