«ادام – پارتيا» اتانعان ساياساتكەر، «پاتريوتتار» پارتياسىنىڭ توراعاسى عاني قاسىموۆ الداعى ايدا بولۋى ىقتيمال پرەزيدەنت سايلاۋىنا ۇمىتكەر رەتىندە ەلباسى نۇرسۇلتان نازارباەۆتى ۇسىنۋعا نيەتى بارىن اڭعارتتى.

«قازاقستان – 2050» جالپىۇلتتىق كواليتسياسىنىڭ وتىرىسىندا ءسوز العان ول: «كواليتسيا اتىنان ءبىر عانا ادامنىڭ پرەزيدەنتتىككە ۇسىنىلۋىنا قۇقى بار دەپ ويلايمىز. ول قازىرگى مەملەكەت باسشىسى نۇرسۇلتان ءابىشۇلى نازارباەۆ!» دەدى.

ءوزى دە بىرنەشە رەت قر پرەزيدەنتىگىنەن ءۇمىتتى بولعان قاسىموۆ قازىرگى داعدارىس جاعدايىندا ەلىمىزدىڭ جارقىن بولاشاققا باستاۋعا لايىق ادام رەتىندە ەلباسىن اتاپ، بارلىق دەموكراتيالىق كۇشتەردى وسى يدەيا توڭىرەگىنە بىرىگۋگە شاقىردى.

ەسكە سالا كەتەيىك، قر پرەزيدەنتىنىڭ سايلاۋىن مەرزىمىنەن بۇرىن وتكىزۋ تۋرالى باستامانى قازاقستان حالقى اسسامبلەياسى ايتقان بولاتىن. ال، وسى ۇندەۋدى الدىمەن «نۇر وتان» پارتياسى قولداسا، حالىقتىق كوممۋنيستەر پارتياسى بۇل سايلاۋعا قاتىسۋعا ءازىر ەكەندىكتەرىن جاريالاپ تا جىبەردى.

اباي.kz