ناۋرىزعا ارحيماڭىزدى شارا رەتىندە قاراۋىمىز كەرەك
قر پرەمەر-ءمينيسترى
ك.ق.ءماسىموۆتىڭ نازارىنا!
قۇرمەتتى، كارىم قاجىمقانۇلى!
ەلدىگىمىزدىڭ مەرەيى مەن ابىرويىن اسقاقتاتا تۇسەتىن ناۋرىز مەرەكەسى ءالى دە مەملەكەتتىك سيپات پەن دەڭگەيدە اتالىپ وتپەي وتىر. بۇعان دەيىنگى قالىپتاسقان بۇل مەرەكەنىڭ فورماتى – ەتنوگرافيالىق ەسكە الۋ ەكەندىگىن جۋىردا قر مادەنيەت جانە سپورت ءمينيسترى دە مويىندادى.
ەل تاۋەلسىزدىگىنىڭ بۇگىنى نەبىر تاريحي سىناققا ءتۇسىپ تۇرعان مىنا زاماندا ناۋرىز مەرەكەسىنە مەملەكەتتىك ارحيماڭىزدى شارا رەتىندە قاراپ، ونىڭ وڭدى شەشىمىنە اسەرى بار ءۇش جايتقا نازار اۋدارۋدى سۇرايمىن.
- حالقىمىزدىڭ ويشىلى، تاريحشى، فيلوسوف م.كوپەيۇلى جازعانداي، ناۋرىز مەرەكەسىن 14-22 ناۋرىز ارالىعىندا توعىزكۇندىك ناۋرىز-فەستيۆال تۇرىندە اتاپ ءوتۋ، الايدا بۇل ءۇشىن 9 كۇن دەمالىس تاعايىنداۋدىڭ قاجەتى جوق.
- ناۋرىز مەيرامىنىڭ 4 مىڭ جىلدىق تاريحىن پاش ەتەتىن جانە ۇلتىمىزدىڭ تانىمىن تاريح تۇڭعيىعىنا تەرەڭدەتە تۇسەتىن ءارى تۇركىلىك جىل باسى مەرەكەسىنىڭ تولقۇجاتى بولىپ تابىلاتىن اڭىراقاي تاۋىنداعى، الماتىنىڭ سولتۇستىك-باتىس تۇسىنان 170 شاقىرىمدا ورنالاسقان تاڭبالى جارتاسىنداعى ءتاڭىر-ءىڭىر قاشاما ەسكەرتكىشىن (سۋرەتتە) مەملەكەتتىك ەرەكشە كۇزەتكە الۋ، بولماسا، ونى استاناداعى قر ۇلتتىق مۇراجايىنا الدىرۋدى قاراستىرۋ.
- حالىق اراسىندا «باس جازۋ كۇنى» اتالعان 23 ناۋرىزداعى دەمالىس كۇندى ونەكىجىلدىق تۇركىلىك مۇشەلدىڭ جىلباسى سانالاتىن 14 ناۋرىزعا اۋىستىرۋ.
قۇرمەتپەن: س.ءا.ەرعالي، مادەنيەتتانۋشى، «ناۋرىز-فەست» جوباسىنىڭ اۆتورى.
Abai.kz
