بۇگىن الماتى وبلىسى، ىلە اۋداندىق سوتىندا كاسىپكەر قوناي ماسيپحان مەن باقىتبەك تۇتۋباەۆ اراسىنداعى سوتتىڭ كەزەكتى وتىرىسى ءوتتى.

بۇل جولى سوت پروتسەسسىنە جابىرلەنۋشى تاراپ وكىلدەرى قاتىسپادى. ارىزدانۋشى باقىتبەك تۇتۋباەۆتىڭ قورعاۋشىلارى مەن پروكۋرور جانە ايىپتالۋشى قوناي ماسيپحان مەن ونىڭ قورعاۋشىلارى قاتىسقان سوت وتىرىسى دەرەكتەردىڭ جەتكىلىكسىزدىگىنەن كەيىنگە شەگەرىلدى.

(اسقار تۇتۋباەۆ)

قوناي ماسيپحاننىڭ بىزگە جولداعان اشىق حاتىندا بۇل داۋلى ىسكە الماتى وبلىسىنداعى لاۋازىمدى قىزمەتكەر اسقار تۇتۋباەۆتىڭ قاتىسى بار دەلىنگەن. بۇل جولى سوت توراعاسى ايىپتاۋشى تاراپتان (پروكۋروردان) اسقار تۇتۋباەۆتى سوتقا شاقىرتۋدى تالاپ ەتتى.

ال بۇعان دەيىن باق-تا جارىق كورگەن قوناي ماسيپحاننىڭ جانايقاي حاتىنا قاتىستى جابىرلەنۋشى ءام ارىز بەرۋشى باقىتبەك تۇتۋباەۆ پەن اسقار تۇتۋباەۆتان پىكىر بىلمەك بولعان ارەكەتىمىز ءساتسىز بولعان.

بۇگىنگى سوت وتىرىسىنان كەيىن ارىزدانۋشى باقىتبەك تۇتۋباەۆتىڭ قورعاۋشىسى بولعان جايدى بايانداپ بەرۋ ءۇشىن باقىتبەك  تۇتۋباەۆتان بىزگە سۇحبات بەرۋىن سۇرايتىنىن ايتتى.

ايتا كەتەيىك، كاسىپكەر قوناي ماسيپحاننىڭ باق-قا جاريالاعان اشىق حاتىمەن قر مەملەكەتتىك قىزمەت ىستەرى جانە سىبايلاس جەمقورلىققا قارسى ىس-قيمىل اگەنتتىگىنىڭ توراعاسى قايرات قوجامجاروۆ مىرزانىڭ تانىسقانى ءمالىم بولدى.

Abai.kz