تالدىقورعانعا مامىر ايىندا تابيعي گاز قوسىلادى. جالپى، قالانى كوگىلدىر وتىنمەن قامتاماسىز ەتۋ ءتورت كەزەڭ بويىنشا جۇزەگە اسىرىلماق، - دەپ حابارلايدى اباي-اقپارات.

وبلىس ورتالىعىنداعى گاز قۇبىرلارىنىڭ جالپى ۇزىندىعى 1370 شاقىرىم بولادى. گاز قۇبىرلارىنىڭ ديامەترى 32 مم.-دەن 530 مم.-گە دەيىن. 54 مىڭنان استام تۇرعىن كوگىلدىر وتىن راقاتىن كورەدى دەگەن سەنىم بار. قۇرىلىس-مونتاج جۇمىستارىنىڭ جالپى قۇنى 24 ملرد. تەڭگە. بۇل تۋرالى الماتى وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە تالدىقورعان قالاسى اكىمىنىڭ ورىنباسارى اسقار تۇتۇباەۆ مالىمدەدى.

- ءبىرىنشى كەزەكتەگى جۇمىستاردىڭ جالپى قۇنى 4,4 ملرد. تەڭگەنى قۇراپ وتىر. العاشقى كەزەڭدەگى قۇرىلىس 6 ىسكە قوسۋ كەشەنىنەن تۇرادى (3 ىسكە قوسۋ كەشەنىنىڭ قۇرىلىسى بىلتىر باستالعان). بارلىعى 181,5 كم، سونىڭ ىشىندە جوعارعى قىسىمدى 12,9 كم جانە 168,3 كم ىشكى كۆارتالدىق گاز قۇبىرىنىڭ قۇرىلىسى قاراستىرىلعان. جوسپار بويىنشا 10399 ابونەنتتى گازبەن جابدىقتاۋ، سونىڭ ىشىندە كوپقاباتتى تۇرعىن ۇيلەر بويىنشا - 4718 جانە  جەكە سەكتوردا - 5681 ابونەنت، سوندا شامامەن 41,7 مىڭ ادامدى قۇرايدى. ءبىرىنشى كەزەكتە جەكە سەكتور، ابىلاي حان كوشەسى بويىمەن، اينالما جولى، قاراتال شاعىن اۋدانى، جاڭا قۇرىلىس، وبلىستىق اۋرۋحانا اۋدانى، تەمىرجول  ۆوكزالى اۋدانى، قالانىڭ ورتالىق بولىگى قامتىلادى، - دەدى ا. تۇتىباەۆ.

اباي-اقپارات