(ابدەل راحمان يسلامنىڭ قازا تاپقانداعى عالامتورداعى سوڭعى سۋرەتىنىڭ ءبىرى)

«ZONA.kz» سايتى 2014 جىلى سيريالىق اسكەريلەردىڭ ارنايى وپەراتسياسى بارىسىندا، «حوراسان» سودىرلارىنىڭ باسشىسى بولعان، بۇرىنعى قازاقستاندىق – ابدەل راحمان يسلامنىڭ ولتىرىلگەندىگى تۋرالى اقپاراتتى حابارلادى. ول ءوز اينالاسىنداعىلارعا ايگىلى «ابۋ حۋرايرا ال-كازاحستاني» ەسىمىمەن تانىمال بولعان. تەك ونىڭ ءوزى عانا ەمەس، قول استىنداعى باعىنىشتى بولعان ادامداردىڭ دا سوعىس كەزىندە قازا تاپقاندىعى جايلى اقپاراتتار باق-تا جاريالاندى. اتاپ ايتساق، ونىڭ جاقتاستارىنىڭ ءبىرى شەشەن ۇلتىنان ابۋ ماسلامنىڭ دا قازا بولعاندىعى حابارلانعان ەدى.

حوراسانداعى سوعىس تۋرالى باتىس جانە اراب ت.ب. باسىلىمدارى جاريالادى. لاتاكيانىڭ سولتۇستىك پروۆينتسياسىنداعى «اين ال-بايدا» دەگەن جەردەگى ارنايى وپەراتسيا كەزىندە، بەتىنە وق ءتيىپ قازا تاپقان ەكەن. بار-جوعى 19 جاسىندا مەرت بولىپتى. الايدا، ول تەرروريستىك توپتىڭ اراسىندا كوزگە ءتۇسىپ، حوراسانداعى سودىرلاردىڭ باسشىسى بولىپ تاعايىندالعان. ءبىز، ابدەل راحمانمەن عالامتور ارقىلى حات جازىسقان ازاماتشانى تاپتىق. ولار قر بولعان كەزدەرى جانە ەكسترەميستىك توپتىڭ قاتارىنا وتكەنىندە عالامتور ارقىلى حات الماسىپتى. ول كىسى الماتى قالاسىنداعى، كاسپي ۋنيۆەرسيتەتىنىڭ ا... ەسىمدى 3 كۋرستا وقيتىن ستۋدەنتى. بىزگە ەكەۋىنىڭ اراسىنداعى اڭگىمەلەرىن جاريالاپ، ءوز سۇحباتىن بەرۋگە كەلىسىمىن بەردى.

– حوراسانداعى سودىرلاردىڭ باسشىسى، ەكسترەميستىك ۇيىمعا كىمدەردىڭ ىقپالىمەن قوسىلدى؟..

– ءبىز ەكەۋمىز تانىسقان كەزدە، ول ماعان ءبىر ادامنىڭ بەينە ۇندەۋلەرىن كورەتىنىن جازعان. ماعاندا كور دەپ ايتاتىن. مەن، بىراق وعان نازارىمدى اۋدارعان جوقپىن. سول بويى ول بەينە روليكتەرگە ءمان بەرمەدىم. تەلەديداردان ونىڭ سۋرەتىن كورىپ، قايتىس بولعاندىعىن ەستىگەندە تاڭ قالدىم. سودان كەيىن عالامتوردان ول تۋرالى ىزدەسەم، سيرياداعى دوستارىنىڭ وعان كوڭىل ايتىپ جاتقاندىعىن كورگەنمىن. قازىر ءسىز وتىنگەن سوڭ سول جازبالاردى ىزدەپ قاراسام، ونىڭ ءبارى وشىرىلگەن سياقتى. ونىڭ دوستارى «جاقسى ادام بولدى» دەگەن جىلى سوزدەرىن جازعان. ونىڭ تىڭداعان بەينە روليكتەرى قازاق تىلىندە سوعىسقا شاقىراتىن. مەن كەيىنىرەك ول تىڭداپ جۇرگەن ادامنىڭ اتىن، يۋتۋب پورتالىنان ىزدەپ كوردىم. بەتتەرىنە قارا بەت پەردەنى كيگەن قازاق تىلىندە تازا سويلەمەسە دە، قازاق تىلىندە سونداعى سوعىستارعا شاقىرىپ جاتىر. بۇل ادامنىڭ اتىن قاراستىرىپ كورسەم، تاۋىپ الۋىمىز ابدەن مۇمكىن!؟ مەن، بۇل كەزدە كىشكەنتايمىن. ەشقانداي ارام ويىم بولمادى. نە ايتىپ جاتىر دەپ، ءتىپتى مۇلدەم ويلاماپپىن؟ ونى جاقسى ەسىمە تۇسىرە الماي تۇرمىن. ءبىز، اگەنت جەلىسى ارقىلى سويلەسكەنبىز! ول سودان كەيىن سيرياعا كەتىپ قالدى. باسىندا اتى راحمان دەپ تۇرعان بولاتىن، سول جاققا كەتكەن سوڭ «ابۋ حۋرايرا ال-كازاحستاني» دەگەن ەسىمىنە وزگەرتىپ الدى. ەكەۋمىز سويلەسكەن كەزدەرى سيريا تۋرالى ەشتەڭە ايتپادى. ول ءبىراز ۋاقىتتىڭ ىشىندە مۇلدەم حابارسىز كەتتى. 2014 جىلى قال جاعدايىمدى سۇراپ، ءبىر رەت سيريادا جۇرگەنىندە جازدى-اۋ دەيمىن؟!.

ءبىز سۇحبات بەرۋشىمەن بىرلەسە وتىرىپ، اتالعان بەينە روليكتەگى سوعىسقا شاقىرۋشىنى ىزدەپ تاپتىق. عالامتور جەلىلەرى مەن ۆكونتاكتە جەلىسىندە ول بەينە روليكتەگى اقپاراتتار ساقتالعان ەكەن. ونداعى ءبىر توپ قارۋ اسىنعان جاستار، بەت پەردەنى كيگەن ادام ءسوز سويلەيدى جانە وزدەرىنىڭ ىستەرىن دۇرىس دەپ سانايدى. تاياۋ شىعىستاعى ەلدەردە بولىپ جاتقان سوعىستارعا شاقىرىپ، وزدەرىنە كومەكتەسۋدى ءوتىنىپ، ولارعا قوسىلۋعا شاقىرادى. بەينە ۇندەۋدەگى ابۋ مۋاد ال-مۋحادجير (Abu Mu'adh al-Muhajir) قازاق تىلىندە ءوز ۇندەۋىن ايتىپ، قازاقستاندىق مۇسىلمانداردىڭ ءبارىن تاياۋ شىعىس ەلدەرىندەگى سوعىستارعا شاقىرۋدا. بەينە ۇندەۋدەگى سودىرلاردىڭ شىنايى اتى-ءجونى بەلگىسىز. جۇزدەرىن قارا بەت پەردەمەن جاۋىپ العان سوڭ، ولاردىڭ ءتۇرىن انىقتاپ كورۋ بىزگە مۇمكىن بولمادى.

(اتالعان بەينە ۇندەۋدەگى عالامتورداعى ناسيحاتتاۋشىلاردىڭ  جاسالىنعان سكرينشوت)

وسى سياقتى ۇندەۋلەرگە ءبىزدىڭ جاستارىمىز ەرىپ، وزگە ەلدەگى سوعىستارعا ارالاسىپ جاتىر. ولاردىڭ كوبىسى قازىرگى كەزدە وسىنداي ولىلەردىڭ قاتارىندا. ءتىپتى قاي مەملەكەتتە نەمەسە قاي تەرروريستىك توپتىڭ قاتارىندا سوعىسىپ جۇرگەندەرىن ناقتى بىلمەيمىز. سوندىقتان دا عالامتور جەلىلەرىندەگى تەرىس ءدىني ناسيحاتتاردان ساقتانعانىمىز ءجون.

ءبىز كەلەسى كەيىپكەرىمىزدىڭ سۇحباتىن دا وسى تاقىرىپقا ارناساق. ونداعى سودىرلاردىڭ كۇندەلىكتى ءومىرىن سيپاتتاپ جازۋعا تىرىسپاقشىمىز. سەبەبى، ءبىزدىڭ تاعى ءبىر وزگە 1995 جىلعى جاڭاوزەن قالاسىنداعى كەيىپكەرىمىز دە، وسىلاي عالامتور ارقىلى ۇزاق ۋاقىت حات الماسىپ، قارىم-قاتىناسىن جاساعان ەكەن. ابدەل راحماننىڭ ەكسترەميستىك جانە لاڭكەستىك توپتاعى، ەڭ العاشقى جىلدارى بىرگە بولعان وتە جاقىن دوسىمەن سويلەسكەن. ءبىزدىڭ ەندىگى ش... ەسىمدى كەيىپكەرىمىز تەك قانا راحماننىڭ دوسىمەن ەمەس، ولاردىڭ ايەلدەرىمەن دە سويلەسىپتى. بۇل سۇحباتىمىزدا، ونداعى سودىرلاردىڭ ءومىرىنىڭ شىنايى بەت بەينەسى اشىلىپ قانا قويماي، ايەل ادامداردىڭ دا تارتقان اۋىر ازابتارى مەن قيىنشىلىقتارى جازىلادى.

تەرروردىڭ جۇبايى نەلىكتەن وكىنەدى؟

• سالەمەتسىز بە، ش... حانىم! سىزدەر قالاي تانىستىڭىزدار، قاي جىلدارى؟ ءوزى قاي جاقتان ەدى؟
• ش. –سالەمەتسىز! نەگىزى ءوزىنىڭ شىنايى اتى-ءجونىن ناقتى بىلمەيمىن. ايتەۋىر، عالامتور جەلىلەرىندە نەشە ءتۇرلى اتتارى بولدى. الەۋمەتتىك جەلىدە ءارتۇرلى اتتارمەن تىركەلگەن. ورتالىق جاقتان بولۋى كەرەك. موي مير مەن اگەنت جەلىلەرى ارقىلى تانىسقانبىز. 2012 جىلدارى بولۋى كەرەك...
• نە جايلى سويلەستىڭىزدەر؟ ونىڭ تەررورلىق ۇيىمعا كەتكەندىگىن قالاي ءبىلدىڭىز؟ 
• ش. -ءدىني ماسەلەلەر تۋرالى سويلەستىك. شەتەلگە بارعىسى كەلەتىندىگىن جازدى. ماعان ءبىر سۋرەتىن جىبەرىپ ەدى. كومپيۋتەردىڭ الدىندا قۇلاققاپپەن وتقان ءبىر سۋرەتى بولدى. ول جاققا قاي كەزدە، قاشان كەتكەندىگىن بىلمەيمىن. ماعان «ۋسۋد الحارب» دەگەن الەۋمەتتىك جەلىدەگى تىركەلۋشى ايتقان. يۋتۋب پورتالىن قاراپ وتىرعان كەزىمدە، ناۋرىز ايىنىڭ اياعىندا بولۋى كەرەك. سول كەزدە سونىڭ سۋرەتى شىعىپ تۇردى ءبىر بەينە روليكتەن (ابدەل راحماننىڭ). سونى قارادىم. ونىڭ ولگەنى تۋرالى بەينەسىن ءتۇسىرىپ شىعارىپتى. ۇيالى تەلەفون ارقىلى ۆكونتاكتە جەلىسىن اشقانمىن وسى كەزدەرى. مەنىڭ دوستىعىما كوبىنەسە ءدىني ادامدار جينالا باستادى. «ۋسۋد» دەگەن ءبىر جىگىت بولدى. ۇلتى وزبەك ەكەن. ول ماعان سمس جازدى. جاڭاعى بەينەنى جەكە پاراقشاما سالدىم. سودان كەيىن ول ماعان «ابۋ حۋرايرانى تانيسىز با؟» دەدى.
• قاي تىلدە حات الماستىڭىزدار؟
• ش. -ورىس تىلىندە سويلەستىك. مەن، ءسىز ونى تانيسىز با دەدىم. ول ماعان مەن ونىڭ قاسىندا بولدىم دەيدى. سودان كەيىن ول قايدا جەرلەنگەندىگىن بىلەتىندىگىن ايتتى. وسىنداي كۇنى، وسىنداي جەردە قازا تاپتى دەپ.
• ناقتى قاي كۇنى ەكەندىگىن بىلەسىز بە؟
• ش. -17 ناۋرىز بولۋى كەرەك. سول بەينە روليكتەدە جازىلىپ تۇرعان. وسى كۇندى ايتتى. سيريانىڭ الەپپو قالاسىندا، بىردەنە دەگەن شايقاستا قازا تاپتى دەدى. كەيىنىرەك ۋسۋد الحاربتىڭ الەۋمەتتىك جەلىدەگى قىسقاشا مالەمەتتەرىندە ۇيلەنگەندىگى تۋرالى اقپاراتى تۇر ەكەن.  ءبىر قىزدىڭ اتى جازىلىپ تۇرعان. بۇل كەيىن باسقا قىزدىڭ اتىنا اۋىسىپ كەتتى. بۇل قىزداردىڭ جەكە پاراقشالارى دا ءارتۇرلى. اۋىستىرعان كەلىنشەگىمەن سويلەسىپ ءجۇردىم. كەلىنشەگى دە ايتىپ ءجۇردى. ابۋ حۋرايرانى كوردىم دەپ. كەلىنشەگى وسىندا (تەررورلىق ۇيىمعا) 2014 جىلى قىس مەزگىلىندە كەلدىم دەيدى.
• وسى سىزبەن حات الماسقان قىز قاي جاقتان ەكەن؟
• ش. -قىز داعىستاندىقتا، ۋسۋد رەسەيدىڭ وزبەگى بولۋى كەرەك. «ابۋسامينا»، «ۋسۋد»، «ابدۋروشيد» دەگەن الەۋمەتتىك جەلىدەگى پاراقشالارى بولدى. الەۋمەتتىك جەلىدە جاڭالىقتاردى تابۋ ءۇشىن، الدىنا ارنايى بەلگى قويىپ ىزدەگەندە وسىنىڭ بارشا پاراقشالارى دا، جازبالارى دا شىعادى. بۇل ءالى كۇنگە دەيىن ءتىرى بولىپ شىقتى. مەن، ۋسۋدقا جازعان بولاتىنمىن. حۋرايرانىڭ زيراتىنا الىپ باراسىز با، ەگەر سىزدەردىڭ قاستارىڭىزعا بارسام دەپ؟.. ول الىپ باراتىندىعىن ايتتى. ۋسۋد ماعان حۋرايرا بىزگە شىنايى اتى-ءجونىن ايتپادى دەيدى. تەك «ابۋ حۋرايرا» دەپ تانىدىق دەگەن بولاتىن. ونىمەن جاقسى ارالاسىپ كەتكەندىگىن جازدى. ونى ساعىنىپ ءجۇرمىن دەپ ەدى. مەن بارعان كەزدە، ولدا جاڭادان كەلىپتى دەگەن. ەكەۋمىز بىرگە دايىندالىپ، كوپ ۋاقىت بىرگە بولدىق دەيدى. ءسويتىپ، دوس بولىپ كەتكەندىگىن جازدى. قازىرگى كەزدە ۋسۋد ساراپشى. بۇل ەكەۋى العاش بارعاندا، بۇلارعا اسكەري دايىندىقتى باسقا ادامدار ۇيرەتكەن. قازىر ۋسۋد جاڭادان كەلگەندەرگە ۇيرەتۋشىلەردىڭ ءبىرى ەكەن. باسقا دا ءوزىنىڭ سيرياعا قالاي بارعاندىعىن جازدى. جولداعى قيىندىقتارىن ايتىپ...
• تەررورلىق ۇيىمعا قالاي بارعاندىعىن ايتىپ بەرەسىز بە؟ ەسىڭىزگە ءتۇسىرىپ!
• ش. -رەسەيدەن جولعا شىققان. رەسەي ارقىلى تۇركيا مەملەكەتىنە بارىپتى. تۇركيادان ءارى قاراي اۆتوبۋس ءجۇرىپتى. ودان كەيىن قايىق ارقىلى ءبىر وزەندەردەن وتتىك دەيدى. سول جولداردا ادامداردى تەكسەرەدى ەكەن عوي. سيرياعا كەتىپ بارا جاتىر ما، جوق پا دەپ. سودان امان-ەسەن وتتىك دەدى. ەڭ العاش بارعاندا، ەشكىم ءبىر-ءبىرىن تانىمادى عوي؟! ەر ادامداردى جەكە، ايەل ادامداردى باسقا ورىنعا جىبەرىپتى. وسىلايشا باردىم دەگەن. نەگىزى ءوزى «دايش» ۇيىمىنا بارا جاتقان. بىراق، ول «دجەبحات ءان-نۇسرا» توبىنا قوسىلىپتى. ەكى ۇيىمدى سالىستىرعاندىعىن ايتتى. ۇيىمداعى ادامداردىڭ قارىم-قاتىناستارى تۋرالى. ودان كەيىن ۋاعىزداردى تىڭداعاندىعىن جازدى. «سايفۋللاح شيشانيدى» جانە ت.ب. كوپ نارسەنى ۇيرەنىپتى. ءسويتىپ، «دايش» ۇيىمىنا كەتپەي قالعان. نەگىزى ارى قاراي «دايش»-قا كەتىپ قالاتىن جول بولىپتى.
• ناقتى قاي قالادا نەمەسە قاي جەردە بولعاندىعىن بىلەمىسىز؟
• ش. -بىلمەدىم. سيريانىڭ ءبىر جەرى بولۋى قاجەت. ايتەۋىر، تۇركياعا شەكارالاس. نەگىزى ءوزى رەسەيدە شاشتارازدا جۇمىس ىستەپتى. وسىلاي قاراجات جيناعاندىعىن جازدى. رەسەيدە ايەلى جانە بالا-شاعاسى بولعان. بىراق، وتباسى ارتىنان بارماعان. ءوزى ەكى جاقتادا ۇيلەنگەن ەكەن. مەن، سويلەسكەن «مۋسليما» دەگەن قىز التىنشى ايەلى. ۋسۋد ءوزىنىڭ رەسەيدەگى بالاسىنىڭ سۋرەتىن الەۋمەتتىك جەلىگە سالعان بولاتىن. بۇگىن بەس جاسقا تولدى دەپ. بالاسى وزىنەن اۋمايدى.
• ۋسۋدتىڭ جاسى قانشادا؟ سوندا ۋسۋدتىڭ قانشا ايەلى بولعان؟
• ش. -1992 جىلى دۇنيەگە كەلگەن. سيريادا بەسەۋ، رەسەيدە بىرەۋى بولعان شىعار، بالكىم؟! ماعان ايەلى مۋسليما اياعى اۋىر ەكەندىگىن جازدى. الەۋمەتتىك جەلىمەن سويلەسكەندە، كوپتەگەن قۇپيالارىن جازۋشى ەدى. ءجۇزىم جەگىم كەلەدى دەيدى. ونى كۇيەۋنىڭ الىپ بەرمەگەندىگىن جازدى. بىراق، ۋسۋدقا ايتپاۋىمدى وتىنگەن بولاتىن. ءبىر رەتتە اۋىرىپ جاتقاندىعىن جازدى. سول كەزدە دە جولداسى كومەككە بارماپتى. ماعان ءبىر سەسترا كومەكتەستى دەپ جازادى. اياعىنىڭ اۋىرلىعىنا ەكى اي بولىپتى.
• ايەلدەرىنەن تەك «مۋسليما» ەسىمدىسىمەن عانا بايلانىستىڭىز با؟
• ش. -ءيا! وسى «مۋسليما ابدۋللاەۆا» دەپ تىركەلگەن. ونىڭ قيىندىقتارىنا، سەنىڭ قاسىندا بولسام كومەكتەسەر ەدىم دەپ جازدىم. ول سەنىڭ بولماعانىن جاقسى دەپ جاۋاپ قايتاردى. اناسى مەن اكەسىنىڭ تاستاپ كەتكەندىگىن ايتىپ، ءوزى وكىنەمىن دەدى. مەن، ونىمەن «ايشا ...» دەگەن پاراقشامەن سويلەستىم. كەيىن بۇل پاراقشام اياق استىنان بۇعاتتالدى. ءبىر رەتتە ۋلانىپ قالعاندىعىن جازعان ەدى. مەن، ودان قانداي تاماق جەگەندىگىن سۇرادىم. سوندا ول قىزاناق پەن قياردى جەگەندىگىن جازدى. وسىدان قاتتى اۋىرىپ جاتىرمىن دەگەن. قىزۋىنىڭ تۇسپەي جاتقانىن ايتتى. مەن، جولداسىمدى شاقىرسام دا كەلمەيدى دەيدى. (ۋسۋدتى) كۇيەۋىم باسقا ۇيگە تۇنەيدى دەدى. قاسىنداعى ءبىر سەسترا كومەكتەستى دەگەن.
• سىزگە وسىلايشا ءوزىنىڭ سىرىمەن ءبولىسىپ، كۇيەۋى ەكەۋىنىڭ اراسىنداعى ماسەلەلەردى جازۋشى ما ەدى؟
• ش. -ءيا! جەكە پاراقشاسىندا كىلەڭ جىلاپ تۇرعان جازبالاردى، سۋرەتتەردى جاريالايدى. مۇندى جازبالارى كوپ. مەن ارالارىن جاقسى بولماي جۇرمە دەپ سۇرادىم. سوندا تاعىدا ول ۇيلەنىپ العان سياقتى دەيدى. ويتكەنى، ونىڭ دوستىعىندا «امينا» دەگەن قىز پايدا بولدى دەگەن.
• سوندا ونىڭ دوستىعىندا تەك ايەل ادامدار عانا بولعان با؟
• ش. -تەك قانا ايەل ادامدار بولدى. بىراق، مەنىڭ دە دوستىعىمدا بولدى سول جىگىت. مۋسليما وسىلاي سىرلارىن ايتتى. جىلاپ تۇرعان سمايليكتەردى جىبەرۋشى ەدى. ماعان كەلمەۋىم كەرەكتىگىمدى جازدى. اناسى مەن اكەسىنىڭ تاستاپ كەتكەنى ءۇشىن وكىنەمىن دەيدى. ەگەر، مەنى وتباسىم قابىلداسا قايتىپ بارار ەدىم دەگەن. كەيىن مۋسليمادا ۆكونتاكتە الەۋمەتتىك جەلىسىنە كىرمەي كەتتى. مەن، ويلاپ ەدىم بوساناتىن ۋاقىتىسى كەلگەن شىعار دەپ. بىراق، ول كوپ ۋاقىت كىرمەي كەتتى. كەيىن «امينا» دەگەن تىركەلۋشىنىڭ جەكە پاراقشاسىنا كىرىپ قارادىم. بۇل ۋسۋدتىڭ پاراقشاسىنان سىلتەمەلەر جاساپ ءجۇر ەكەن. «موي مۋج!»، «موي حرابرىي!» دەگەن سوزدەردى جازىپ. مۋسليما ماعان وسى اميناعا كۇيەۋىنىڭ ۇيلەنىپ الدى دەگەن. مەن، ول سيريادا ما دەپ سۇراعاندا، جوق دەگەن بولاتىن. ولار Skype جەلىسى ارقىلى ۇيلەنە بەرەدى ەكەن.
• سوندا عالامتور ارقىلى امينامەن نەكەلەسكەن بە؟
• ش. ء–يا! عالامتور جەلىلەرىمەن تانىسىپ، ۇناتسا ۇيلەنە بەرەدى. كەيىن ءبىر-ءبىرىن شاقىرادى ەكەن. امينانىڭ جەكە پاراقشاسىنا كىرسەم، رەسەيدەن دەپ تۇر. مەن بۇرىندا سيريادان كەلگەندەردىڭ سۇحباتىن بەرسە، ولاردى ساتىپ العان دەۋشى ەدىم. نەگىزى ول جاقتا جۇرگەندەر، كۇشتى قىلىپ اقپاراتتاردى تاراتادى. وزدەرىنىڭ ارنايى جاڭالىقتار حابارلايتىن جۇيەلەرى بار.
• سۇحباتتاسقانىڭىزعا راقمەت!

ءبىزدىڭ ش... ەسىمدى كەيىپكەرىمىز، بۇرىنعى كەزدەرى تەررورلىق ۇيىمعا اتتانباقشى بولعان جانداردىڭ ءبىرى. ءوزىنىڭ تۇرعىلىقتى مەكەن-جايىنداعى ءتيىستى ماماندار مەن قىزمەتكەرلەردىڭ ارقاسىندا، بۇرىنعى ويىنان قازىرگى كەزدە قايتقان. سوندىقتان دا وقىرمان قاۋىمعا، وسى ءبىر ومىرىندەگى قۇپيانى اشۋعا بەكىندى. تەررورلىق ۇيىمداعى ايەل ادامداردىڭ شىنايى ءومىرىن، وسىلايشا ونداعى جاندارمەن عالامتور ارقىلى تىكەلەي سويلەسىپ بىلگەن. 

  ءبىز ۋسۋدتىڭ «ابۋسامينا مۋسليم» دەگەن، ۆكونتاكتە الەۋمەتتىك جەلىسىندەگى جەكە پاراقشاسىن تاپتىق. بۇل پاراقشانى تابۋعا، ش... ەسىمدى كەيىپكەرىمىز كومەكتەستى. ەكەۋى بايلانىسقان كەزدەرى، ۋسۋد ءوزىن عالامتور جەلىلەرىنەن قالاي ىزدەپ تابۋ كەرەكتىگىن جازىپتى. ۆكونتاكتە جەلىسى ارقىلى ۋسۋدتىڭ وسى جەكە پاراقشاسىمەن حات الماسىپ كوردىك. ءبىرىنشى كەزەكتە، ونىڭ تەررورلىق جانە لاڭكەستىك ۇيىمدا ەكەندىگىن سۇراعانىمىزدا، ول سوندا ەكەندىگىن راستادى. جانە ش... ەسىمدى كەيىپكەرىمىزدىڭ بىزگە بەرگەن سۇحباتىن راستاۋ ءۇشىن، ودان ابدەل راحمان يسلامدى تانيتىندىعىن سۇرادىق. سوندا ول ءوزىنىڭ وتە جاقىن دوس بولعاندىعىن جازدى. جانە ول تۋرالى ايتۋىن ءوتىنىپ ەدىك. بىراق، ول ۋاقىتىم تىعىز دەيدى. ۋاقىتى بولعاندا ايتۋعا كەلىسىمىن بەرگەن بولاتىن. الايدا، «ابۋسامينا مۋسليم» پاراقشاسى ۆكونتاكتە الەۋمەتتىك جەلىسىندە بۇعاتتالىنىپ تاستالىندى. ءبىر اڭعارعان تۇسىمىز، كەيىپكەرىمىز سۇحباتتا ايتقانداي ۋسۋدتىڭ «ابۋسامينا مۋسليم» دەگەن پاراقشاسىنىڭ جازبالارى، اسكەري دايىندىقتارعا بەينە روليكتەر ارقىلى ۇيرەتىپ ءجۇر ەكەن. قارۋدى قالاي اتا ءبىلۋ، پايدالانۋ جانە ت.ب.

قادىرالى سارىپبەك

Abai.kz