قازاقستاندا ەڭبەككە جارامدى، ەكونوميكالىق بەلسەندى تۇرعىنداردىڭ سانى 8,5 ميلليون ادام شاماسىندا. ال ولاردىڭ تەڭ جارىمىنان كوبى، ياعني 5 ميلليون ادام ەكىنشى دەڭگەيلى بانكتەرگە قارىز. بۇل تۋرالى «قازاقستان» ارناسىنداعى «ماسەلە» باعدارلاماسىندا ايتىلدى، دەپ جازادى "Qasym.kz".

ءبىر وكىنىشتىسى، قازاقستاندىقتار نەسيەنى ماقساتسىز جۇمسايدى ەكەن. ياعني، جالپى سوماسى 1 تريلليوننان اسىپ جىعىلاتىن قارىزدىڭ 85 پايىزى ماقساتسىز جۇمسالعان. ياعني، ادامدار نەسيەنى ومىرلىك قاجەتتىلىكتەر ءۇشىن ەمەس، قىمبات كولىك، توي-دۋمان مەن ءولىم-ءجىتىم، تۇرمىستىق تەحنيكا، باعالى توندار ءتارىزدى دۇنيەلەردى ساتىپ الۋعا جۇمساعان. ال سول نەسيەسى بار 5 ميلليون ادامنىڭ 1 ميلليون 200 مىڭى بۇگىندە قارىزىن قايتارا الماي ءجۇر.

Abai.kz