كونتسەپتسيا جوباسىن تانىستىرعان ءدىن جانە جانە ازاماتتىق قوعام ىستەرى جونىندەگى مينيستر نۇرلان ەرمەكباەۆ مەملەكەتتىڭ زايىرلىلىعى دەگەندى "مەملەكەتتىڭ ءدىني سالاداعى جاعدايعا مۇلدەم ارالاسپاي، سىرتتان باقىلاپ وتىرۋ" دەپ ءتۇسىنۋدىڭ دۇرىس ەمەس ەكەنى كورىنگەنىن ايتتى.

"كونتسەپتسيا بويىنشا، زايىرلى مەملەكەت ار-ۇجدان بوستاندىعىنا جاعداي جاسايدى، ءدىني بىرلەستىكتەردىڭ كانوندىق ماسەلەلەرىنە جانە ىشكى ىستەرىنە كيلىكپەيدى" دەگەن ەرمەكباەۆ مەملەكەت ءدىني بىرلەستىكتەردىڭ قوعامدىق قىزمەتىن رەتتەپ، ولاردىڭ زاڭدى ورىنداۋىن قاداعالاۋى قاجەت ەكەنىن ايتتى.

ءمينيستردىڭ سوزىنشە، ۇسىنىلعان باسىم باعىتتار ەلدىڭ تۇراقتىلىعى مەن قاۋىپسىزدىگىن قامتاماسىز ەتۋدى كوزدەيدى. ال بۇل كونتسەپتسيا اياسىنداعى شارالاردى ىسكە اسىرۋ ءۇشىن تىركەلگەن ءدىني بىرلەستىكتەر مەن ازاماتتىق قوعامنىڭ مەملەكەتتىك ورگاندارمەن تىعىز ءوزارا جۇمىس ىستەسۋى كەرەك.

اباي-اقپارات