وتكەن ايدا ترامپ سيرياداعى ۇكىمەت كۇشتەرىنىڭ اۋە بازاسىنا سوققى جاساۋعا پارمەن بەرگەن. سوققى حان شەيحۋن قالاسىندا بەيبىت تۇرعىندارعا قارسى حيميالىق قارۋ قولدانىلعانىنا جاۋاپ رەتىندە جاسالعان. اقش 100-گە تارتا ادام قازا تاپقان شابۋىلدى اساد كۇشتەرىنەن كورگەن. رەسەي شابۋىلعا اساد كۇشتەرىنىڭ قاتىسى بار دەگەن ۇيعارىمدى جوققا شىعارعان. بۇل شابۋىلدان سوڭ ترامپ ۆاشينگتون مەن ماسكەۋ اراسىنداعى قارىم-قاتىناس "بۇرىن-سوڭدى بولماعان تومەن دەڭگەيگە ءتۇسىپ كەتكەنىن" مالىمدەگەن.

ترامپ قىزمەتىنە كىرىسكەلى بەرى پۋتينمەن تەلەفونمەن بىرنەشە رەت سويلەستى. رەسەي سىرتقى ىستەر مينيسترلىگىنىڭ 1 مامىردا تاراتقان اقپاراتىنا قاراعاندا، كەلەسى اپتادا رەسەي مەن اقش سىرتقى ىستەر مينيسترلەرى سەرگەي لاۆروۆ پەن رەكس تيللەرسون كەزدەسەدى. كەزدەسۋ 10 يا 11 مامىردا الياسكاداعى اركتيكا ءسامميتىنىڭ اياسىندا وتپەك.

اباي-اقپارات