تۇركىمەنستاندا مەملەكەتتىك قىزمەتكەرلەردى سۋ ەسەپتەۋىشىن ورناتۋعا مىندەتتەدى
تۇركىمەنستاننىڭ بالقان وبلىسىنداعى مەملەكەتتىك مەكەمە قىزمەتكەرلەرىن ۇيدە جانە پاتەردە سۋ ەسەپتەۋىش قۇرالدارىن ورناتۋعا مىندەتتەدى.
"تۇركىمەننەبيت" مەملەكەتتىك كونتسەرنى قىزمەتكەرىنىڭ ايتۋىنشا، باسشىلىق تالابى ەسەپتەۋىش قۇرالىن ورناتۋمەن شەكتەلمەيدى، قىزمەتكەرلەر ونى سۋرەتكە ءتۇسىرىپ كورسەتۋى ءتيىس. "سودان كەيىن عانا سۋ ەسەپتەۋىشتەرىن ورناتۋ جونىندەگى كۇندەلىكتى جينالىستارعا شاقىرۋىن دوعارادى", - دەدى ول.
بالقان وبلىسىندا سۋ ەسەپتەۋىشتەرىن ورناتۋدى تۇركىمەنستان پرەزيدەنتى گۋربانگۇلى بەردىمۇحامەدوۆتىڭ الەۋمەتتىك سالادا جاڭا تەحنولوگيالار ەنگىزۋگە قاتىستى جارلىعىمەن قولعا الدى.
تۇركىمەنستان باسشىلىعىنىڭ مالىمدەۋىنشە، سۋ، گاز جانە ەلەكتر قۋاتى حالىققا تەگىن بەرىلەدى. بىراق 2016 جىلى قىركۇيەكتە اقساقالدار كەڭەسىنىڭ جينالىسىندا تەگىن سۋ، گاز جانە ەلەكتر قۋاتىن الىپ تاستاۋ ۇسىنىسى ءبىراۋىزدان بەكىتىلدى.
اباي-اقپارات
