جۇما, 17 تامىز 2018
اتتەڭ... 49160 40 پىكىر 4 مامىر, 2017 ساعات 13:11

ۇلتقا قارسى كەز-كەلگەن ازاماتتى «جارنامالاۋ» كەرەك

ۇلتقا، ۇلتتىق مۇدەگە، قالا بەردى مەملەكەتكە قارسى كەلگەن كەز-كەلگەن ازاماتتى «جارنامالاۋ» كەرەك. «جارنامالاعاندا» دا، ەسەككە تەرىس مىنگىزىپ، سۇيەگىنەن وتەر سوزدەر جازىپ، ۇلكەن قالالارداعى داڭعىلدار بويىنا بيلبوردقا ءىلىپ تاستاعان ءجون. ايتپەسە، قازاقتى قورلاۋ ەشقاشان دا توقتامايدى.

وتكەندە عانا «لاتىنعا كوشسەك، ورىس الەمىنەن» اجىراپ قالاتىن بولدىق دەپ، مەملەكەتتىڭ، قالا بەردى ەلباسىنىڭ ساياساتىنا اشىق قارسى شىققان پارلامەنت ءماجىلىسىنىڭ دەپۋتاتى يرينا سميرنوۆا كوشەدە ەسەككە تەرىس ءمىنىپ تۇرارىن بىلسە، جاق اشپاس ەدى.

ورالماندارعا جەر بەرىلمەيدى دەپ قايقاڭداعان قادىرالينا دا وسى جازاعا ابدەن لايىق.

شەكارادان وتكەن اق جاۋلىقتى انانىڭ اقشاسىن تارتىپ العانداردى دا ءدال وسىلاي تەرىس ەسەككە مىنگىزسەك قوي، شىركىن!

"كۇن كوسەمىنىڭ" ءمايىتىن قازاقستانعا اكەلمەك بولىپ جۇرگەن دەپۋتاتىمىز كوسارەۆتىڭ دە «ەسەككە مىنەر» وتەسى ءوتتى. مۇنداي مىسالداردى تىزە بەرسەك، بۇگىن تاۋىسا الماسپىز.

بۇل تەك قانا اۋزىنان قاعىنعان شەندىلەرگە عانا قولداناتىن جازا ەمەس. حالىقتىڭ اقشاسىن ۇرلاعان كەز-كەلگەن جەمقور كوشەدە ەسەككە تەرىس ءمىنىپ تۇرسا، اركىم-اق پارا الاردا ويلانار ەدى. اۋداندىق دەڭگەيدەگى پاراقوردى ءبىر-اق كۇندە الەۋمەتتىك جەلىلەردىڭ كومەگىمەن بۇكىل قازاق تانىپ، لاعىنەت جاۋدىرار ەدى. ونداي لاعىنەتكە قاي شەندى قالعىسى كەلەدى دەيسىز...

قىتايدىڭ ويلامايتىنى جوق. ولار قىتايدىڭ 54 پاراقورىنىڭ سۋرەتىن 54 ويىن كارتاسىنا سالىپ تاستاپتى. ول كارتامەن ويناپ وتىرعان ميلليونداعان حالىق مەملەكەتتىڭ جەمقورلارىن تاني وتىرادى. تانىعان جەردە جەك كورۋ سەزىمى دە ويانادى.

بىزدە نە كوپ، جەمقور كوپ. سول كوپ جەمقورلاردىڭ ءبارىنىڭ سۋرەتىن كوشەگە ىلەر بولساق، ءبىزدىڭ قالالاردا ورىن تابىلماي قالا ما دەگەن قاۋىپ تە جوق ەمەس.

كوشەنى جەمقورعا تولتىرىپ، حالىققا تابالاتىپ كورۋگە ءسىز قالاي قارايسىز؟

بيلبوردتا تۇرۋعا كىمدەر لايىقتى؟

اكەش بايباتىر

Abai.kz

40 پىكىر