بەيسەنبى, 28 ناۋرىز 2024
دەپ جاتىر 10866 22 پىكىر 8 مامىر, 2017 ساعات 09:56

ايبالتا

ايبالتاداي جارقىلداپ جۇرەتىن ازاماتتار بار قازاقتا.

سونىڭ ءبىرى – يمانعالي تاسماعامبەتوۆ.

كۇلكىسى جايدارى، ءسوزى نىق، ءىسى تىڭعىلىقتى، كەي-كەيدە مىنەزى تىك كورىنەتىن قارا بالانىڭ بولاشاقتا ەل باسقاراتىنى جالپاق جۇرت تۇگىلى، اعايىن-تۋىستارىنىڭ دا ويىنا كەلمەگەن بولار-اۋ.

كەلسىن-كەلمەسىن، قارا بالانىڭ ويى وزىق شىقتى، قاتارىنان وزىپ شىقتى. مۇعالىمدىكتى مىسە تۇتپاي، كومسومول باسقاردى. كانديداتتىقتى مىسە تۇتپاي، دوكتورلىق قورعادى. مىنەزىندەگى وسى تالاپشىلدىق ونى جاستاردىڭ كوسەمى ەتتى.

ءسويتىپ، وتىزىندا وردا بۇزعان ول، قىرىقتىڭ قىرقاسىنا ەندى شىعا بەرە، ەل اعالارىنا قولبالا بولۋدان دا قورىقپادى. مىنەزىندەگى وسى وجەتتىك ونى بيىك شىڭعا كوتەردى. قولبالادان قولباسى ءوسىپ شىقتى.

ەلۋىندە ەل اعاسى اتانىپ، ەل باسقارعان ونىڭ الپىستى القىمداعان شاعىندا اتقارماعان قىزمەتى قالماعانداي كورىندى جۇرتقا. الايدا، كانىگى ساياساتتانۋشىلار "يمانعاليدىڭ ەندى باراتىن جەرى ەلشىلىك" دەپ كەستى.

اراعا كوپ ۋاقىت سالماي، ساياساتتىڭ مايىن شايقاپ ىشكەندەردىڭ ايتقانى ايداي كەلدى. يمانعالي تاسماعامبەتوۆ رەسەيگە ەلشى بوپ كەتە باردى. جۇرت اڭ-تاڭ. «ءوزى سۇراندى» دەپ ءتۇسىندىردى ەلباسى. قوش دەلىك.

كوكەيگە ءتۇرلى وي كەلەدى. «ورىسپەن دوس بولساڭ، جانىڭدا ايبالتاڭ بولسىن» دەگەن كونە ءتامسىل بار قازاقتا. ورىسپەن وداق قۇرا وتىرىپ، بۇلاي دەۋىمىز وبال-داعى...

«ەلدەستىرمەك – ەلشىدەن، جاۋلاستىرماق – جاۋشىدان» دەمەي مە قازاق؟ ەندەشە الپاۋىت كورشى ەلدىڭ دە شامىنا تيمەي، ەجەلدەن ەركىندىك اڭساعان ەلىمىزدىڭ دە نامىسىنا داق تۇسىرمەي، داڭقىمىزدى اسىرا ءبىلۋ – ەلشى ءۇشىن وراسان زور مىندەت ءھام اسقاق ابىروي. ولجاس سۇلەيمەنوۆتىڭ «تاۋلاردى الاسارتپاي، دالانى اسقاقتاتايىق» دەگەن قاعيداسىن بەرىك ۇستاناتىن تاسماعامبەتوۆتىڭ مۇنداي مىندەتتى اتقارا الاتىنىنا، ابىرويلى بولاتىنىنا ەل دە، ەلباسى دا كامىل سەنىمدە.

ايبالتاڭ امان بولسىن، قازاق!

جان تىلەۋ

Abai.kz 

22 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525