اقش پرەزيدەنتى دونالد ترامپ فرانتسيا پرەزيدەنتتىك سايلاۋىنداعى ء"ىرى جەڭىسىمەن" ەممانۋەل ماكروندى قۇتتىقتاپ، جاڭا فرانتسۋز باسشىسىمەن بىرگە جۇمىس جاساۋعا دايىن ەكەنىن ايتتى.

گەرمانيا كانتسلەرى انگەلا مەركەلدىڭ وكىلى ماكروننىڭ فرانتسياداعى سەنىمدى جەڭىسىن "قۋاتتى ءارى ءبىرتۇتاس ەۋروپانىڭ جەڭىسى" دەپ اتادى.

ماكروندى ۇلىبريتانيا پرەمەر-ءمينيسترى تەرەزا مەي دە قۇتتىقتادى. "فرانتسيا - ءبىزدىڭ ەڭ جاقىن وداقتاستارىمىزدىڭ ءبىرى، ءبىز جاڭا پرەزيدەنتپەن كوپتەگەن سالالار بويىنشا بىرگە جۇمىس جاسايتىن ۋاقىتتى اسىعا كۇتەمىز", - دەلىنگەن ۇلىبريتانيا پرەمەر-ءمينيسترى وكىلىنىڭ رەسمي مالىمدەمەسىندە.

بيىل ناۋرىزدا ماكرونمەن كەزدەسكەن لوندون مەرى ساديك حاننىڭ مالىمدەۋىنشە، "فرانتسۋز حالقى قورقىنىش پەن بولەكتەنۋدى ەمەس، ءۇمىت پەن بىرلىكتى تاڭدادى".

اباي-اقپارات