موڭعوليا كيريلليتسادان باس تارتىپ، كونە جازۋىن جاڭعىرتادى
موڭعوليا 2025 جىلدان باستاپ كونە موڭعول جازباسىمەن ءىس جۇرگىزۋدى جوسپارلاپ وتىر. ەلدەگى ورتا مەكتەپتەردە كونە جازبانى 1991 جىلدان بەرى جەكە ءپان رەتىندە ۇيرەتىپ كەلەدى. بۇل الىپبيدە 28 ءارىپ بار، سوزدەر جوعارىدان تومەنگە قاراي جازىلادى.
تاريحي مالىمەتتەرگە قاراعاندا، كونە موڭعول جازباسى شىڭعىسحاننىڭ تاپسىرماسىمەن دايىندالعان. ونى تاتاتۋنگوي ۇيعىر جازۋى نەگىزىندە ازىرلەگەن. ورتا عاسىرلاردا "قۇپيا جازبا", "التىن جازبا", "قۇندىلىقتار قازىناسى" ەڭبەكتەرى، سونداي-اق قاسيەتتى سانالاتىن "گانجۋر" جانە "دانجۋر" كىتاپتارى كونە موڭعول تىلىندە جازىلدى.
قازىرگى موڭعول ءتىلىنىڭ ءالىپبيى كيريلليتساعا نەگىزدەلگەن، وعان 1940 جىلى ورتالىق ازياداعا رەسپۋبليكالارمەن ءبىر ۋاقىتتا كوشكەن. بۇل مەملەكەتتەر 1929 جىلى اراب قارپىنەن لاتىنعا ءوتىپ، كەيىن كيريلليتسانى تاڭداعان ەدى.
اباي-اقپارات
