بەيسەنبى, 28 ناۋرىز 2024
«سوقىر» فەميدا 18075 19 پىكىر 11 مامىر, 2017 ساعات 11:13

احمەتوۆتىڭ 32 جاستاعى ۇلىنىڭ 145 ملن. دوللارى بار

جۋىردا Forbes.kz سايتى قازاقستاندىق قالتالى 50 بيزنەسمەننىڭ ءتىزىمىن جاريالادى. ول تىزىمدە شىعىس قازاقستان وبلىسىنىڭ اكىمى دانيال احمەتوۆتىڭ ۇلى تالعات احمەتوۆ بار. ونىڭ بايلىعىن اتالمىش باسىلىم 145 ملن. دوللارعا باعالاعان، - دەپ حابارلايدى اباي-اقپارات.

دانيال احمەتوۆ تاۋەلسىزدىك العالى بەرى ساياسي ەليتانىڭ بەل ورتاسىندا جۇرگەن ايتۋلى تۇلعا.  بىر كەزدەرى ۇكىمەتتىڭ تىزگىنىن ۇستاپ تا كورگەن. ارتىنشا قورعانىس ءمينيسترى بولىپ ءجۇرىپ، ساياساتتان بىرنەشە جىلعا شەتتەتىلگەنى ەل ەسىندە. سوڭعى جىلدارى قىزمەتكە قايتادان ءىلىنىپ، شىعىس قازاقستان وبلىسىنىڭ اكىمى بولىپ تاعايىندالدى.

«وسى احمەتوۆتىڭ ۇلى 32 جاسىندا 145 ملن. دوللاردى قالاي جيناپ ۇلگەردى؟» دەگەن زاڭدى سۇراق تۋىندايدى. تالعات احمەتوۆ قازىر پاۆلودار وبلىسىنداعى بىرنەشە كاسىپورىندارعا يەلىك ەتەدى ەكەن. ولاردىڭ ىشىندە «كازەنەرگوكابەل» اق، «گلوريا-فارم» جشس، «پاۆلودار كونديتەر فابريكاسى» جانە وزگە دە كومپانيالار بار. بۇل وبلىستا دانيال احمەتوۆ 2001 جىلدارى اكىم بولعانى بەلگىلى. ساراپشىلار، احمەتوۆتەر سول كەزدە ءبىراز «مايلى جىلىككە» يە بولىپ قالعانىن ايتادى.

ودان بولەك تالعات احمەتوۆ استاناداعى ءبىر كومپانيا قوجايىنى بولىپ وتىر ءھام شىعىس قازاقستان وبلىسى ءماسليحاتىنىڭ دەپۋتاتى.

ەلۋ باي كاسىپكەردىڭ ىشىندە ءبىزدىڭ كوڭىلىمىزدى وزىنە اۋدارعان ەكىنشى ادام قايرات ساتىبالدى. ەلباسىمىزدىڭ نەمەرە ءىنىسىنىڭ Alatau Capital Invest (ACI) كومپانياسى «قازاقتەلەكومنىڭ» 3,4 پايىز اكتسياسىنا (5,8 ملرد. تەڭگەگە باعالانعان) يەلىك ەتەدى ەكەن. قايرات ساتىبالدى، سونداي-اق Kaspi Bank-تىڭ 29,12 پايىز اكتسياسىن ۋىسىندا ۇستاپ وتىرعان كورىنەدى.  مۇنىڭ سىرتىندا «امير LTD»، «دۇنيە-اگرو»، «كورپوراتسيا دۇنيە»، «دۇنيە-كۋزەت» جانە «كولەسا» جشس اتتى كومپانيالارى بار.

قوش! "بايدىڭ اسىن بايقۇس قىزعانىپتى" دەگەندەي بولمايىق. بىراق بۇل فاكتىلەر ەلدىڭ ساياسي ەليتاعا دەگەن كوزقاراسىنا سەلكەۋ تۇسىرەتىنىن عانا ەسكەرتە كەتكىمىز كەلەدى.

ءشارىپحان قايسار

Abai.kz

19 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530