"اbai.kz" كوتەرگەن ماسەلە شەشىمىن تاپتى
ەستەرىڭىزدە بولسا، "اbai.kz" اقپاراتتىق پورتالى ارقىلى ل.ن. گۋميلەۆ اتىنداعى ەۇۋ-دا وقىپ جاتقان ەتنيكالىق قازاق ستۋدەنتتەردىڭ ەلباسى قول قويعان «حالىقتىڭ كوشى-قونى تۋرالى» زاڭىندا بەلگىلەنگەن قۇقىقتارى بۇزىلىپ جاتقانىن، ناقتىلاپ ايتساق، ۋنيۆەرسيتەت جاتاقحاناسىنا تۇراقتى تىركەۋگە تۇرا الماي، تىركەۋگە تۇراتىن ءۇي ىزدەپ تەنتىرەپ جۇرگەنىن ايتىپ، ل.ن. گۋميلەۆ اتىنداعى ەۇۋ رەكتورى ە.ب.سىدىقوۆقا اشىق حات جازعان ەدىك.
مىنە، سول ماسەلە ءوز شەشىمىن تابا باستادى. العاشقىلاردىڭ ءبىرى بولىپ جاتاقحاناعا تۇراقتى تىركەۋگە تۇرعان باۋىرىمىز قۇرالبەك مەرەي قۋانىشى قوينىنا سىيماي وسى ماسەلەنى شەشۋگە كومەكتەسكەن "نۇر وتان" پارتياسىنا راحمەت ايتا كەلىپتى. قۇرالبەك مەرەي قحر-نان ءبىلىم ىزدەپ كەلگەن قانداسىمىز. ول ەندى ارى قاراي بىردەن قر ازاماتتىعىنا قۇجاتتارىن تاپسىرا الادى.
الداعى جەردە رەسپۋبليكامىزداعى بارلىق جوو-ى بۇل باستامانى جالعاستىرادى، شەتتەن ورالعان قانداس ستۋدەنتتەرىن قاڭعىرتپايدى دەگەن سەنىمدەمىز.
سونداي-اق، Abai.kz پورتالى كوتەرگەن ماسەلەنى شەشكەنى ءۇشىن ەرلان باتتاشۇلى اعامىزعا راحمەت ايتامىز!
اۋىت مۇقيبەك
Abai.kz
