جەر سىلكىنىسىنەن قاۋىپتەنگەن قىرعىزدار تاجىكستاننان كوشىپ جاتىر
تاجىكستاننىڭ قىرعىز شەكاراسىنداعى لياحشى (بۇرىنعى جەرگەتال) اۋدانىندا تۇراتىن بىرنەشە وتباسى قىرعىزستانعا كوشىپ باردى.
ولاردىڭ جاپپاي كوشۋىنە بىرنەشە مارتە قايتالانعان جەر سىلكىنىسى تۇرتكى بولعان. ايماقتا تابيعات اپاتىنان ابدەن بۇلىنگەن ۇيلەر تۇرۋعا جارامسىز بولىپ قالعان.
العا اۋىلىنىڭ توراعاسى داۆلات ماننونوۆ بىرنەشە وتباسىنىڭ قىرعىزستانعا جەر سىلكىنىسىنەن قورقىپ كوشكەنىن راستادى.
لياحشى اۋدانىندا اپاتتان ناقتى قانشا ءۇي زارداپ شەككەنى ءالى بەلگىسىز، بىراق تۇرعىندار ونداعان ءۇي قيراپ قالعانىن ايتىپ وتىر.
بۇل اۋدانداعى العا اۋىلى تۇرعىندارىنىڭ كوبى - قىرعىزدار. ولاردىڭ كوبىسىنىڭ قىرعىزستاندا تۋىستارى تۇرادى.
اباي-اقپارات
