سارسەنبى, 19 مامىر 2021
3006 2 پىكىر 12 مامىر, 2017 ساعات 10:48

الماتىدا يسلام ءدىنىن ۋاعىزداۋشىنىڭ باس بوستاندىعىن بەس جىلعا شەكتەدى

الماتىنىڭ المالى اۋداندىق سوتى 33 جاستاعى جەرگىلىكتى تۇرعىن، يسلام ءدىنىن ۋاعىزداۋشى دەنيس كورجاۆيننىڭ ءىسىن قاراپ، سول كۇنى ۇكىم شىعاردى. سوت ونىڭ باس بوستاندىعىن بەس جىلعا شەكتەدى.

كورجاۆين ءدىني ارازدىق تۋعىزدى دەپ ايىپتالدى. ءىس قوزعاۋعا ونىڭ قازاقستاندا تىيىم سالىنعان ء"ۇش نەگىز" كىتابىنىڭ اراب تىلىنەن ورىسشاعا اۋدارىلعان نۇسقاسىن الەۋمەتتىك جەلىلەردە جاريالاۋى سەبەپ بولدى.

18 اقپاننان بەرى اباقتىدا قاماۋدا وتىرعان كورجاۆين سوت زالىنان بوساتىلدى. سوت ۇكىمى كۇشىنە ەنگەن سوڭ، ول جەرگىلىكتى ورگاننىڭ پروباتسيالىق باقىلاۋىنا ەسەپكە تۇرۋى ءتيىس. كورجاۆينگە تۇرعىلىقتى مەكەنىن اۋىستىرۋعا نەمەسە الدىن الا ەسكەرتپەستەن الماتىدان شىعۋعا تىيىم سالىندى.

كورجاۆين ۇكىمى الماتى قالاسى پروكۋراتۋراسىنىڭ پروتسەسسۋالدىق كەلىسىمى ناتيجەسىندە شىعارىلدى. سوت شەشىمىنە سايكەس، كورجاۆين بەيبىتشىلىك پەن ءدىن بىرلىگىن ۇندەيدى، ءوز دارىستەرىن جاريالامايدى.

پروباتسيالىق كەزەڭدە زاڭ بۇزعان جاعدايدا، كورجاۆيندى تۇرمەگە جىبەرەدى.

اباي-اقپارات

2 پىكىر