قازىر عانا بەرىك ءۋالي جۇرگىزەتىن "1-ستۋديا" توك-شوۋى بولىپ ءوتتى. تالقىعا تۇسكەن ماسەلە كىشى شارۋاشىلىقتاردىڭ باسىن قوسىپ ىرىلەندىرۋ. اۋىل شارۋاشىلىعى ءمينيسترىنىڭ ورىنباسارى، ءماجىلىس دەپۋتاتى، مۇحتار تايجان جانە اۋىل شارۋاشىلىعىن وتىز جاسىنان باسقارعان شارۋاشىلىق باسشىسى ءسابيت سۇلتان قاتىستى.

وسىلاردىڭ ىشىندەگى ويىن ناقتى جەتكىزگەن ءسابيت بولدى.

كەزىندە سوۆحوز-كولحوزداردى تاراتقاندا ءوز ويىمدى بىلدىرگەنمىن. سول كەزدە ۇلكەن قاتەلىك جىبەردىك. بۇل قاتەلىك قانا ەمەس، اۋىل شارۋاشىلىعىنا جاساعان جاۋىزدىق بولاتىن. مەن ءالى سول پىكىرىمدەمىن.

قولجەتىمدى ساپالى ەت، ءسۇت، بيداي، كوكونىستەردى كەرەك ەتەتىن بولساق، قورىقپاي قايتادان جاڭا پىشىندە سوۆحوز-كولحوزدى قۇرۋ كەرەك. سوندا ەلىمىزدى اۋىلشارۋاشىلىعى ونىمدەرىمەن قامتاماسىز ەتىپ قانا قويماي، جىلدا كوكتەمدە اۋىلداردى باساتىن سۋ تاسقىنىنان دا قۇتىلامىز. قازىر اۋىل اكىمىنىڭ، ءتىپتى اۋدان اكىمىنىڭ قولىندا (قاراماعىندا) ءبىر ك-700 تراكتورى بار ما؟ جوق. وسىدان وتكەن سوراقىلىق بولا ما؟ تەحنيكاسىز، تەحنولوگياسىز اۋىل شارۋاشىلىعى قالاي وركەندەيدى؟

جۇمابەك تابىن

Facebook-تەگى پاراقشاسىنان