جۇما, 29 ناۋرىز 2024
4008 1 پىكىر 16 مامىر, 2017 ساعات 09:21

مەشىتتە بولعان توبەلەسكە قاتىستى شارا قولدانادى

قىرعىزستاننىڭ شۋ وبلىستىق ىشكى ىستەر باسقارماسى مەشىتتەردىڭ بىرىندە بولعان توبەلەستى تۇسىرگەن ۆيدەونى تەكسەرىپ جاتىر. مۇسىلماندار ءدىني باسقارماسى وقيعانى ەكى ەر ازامات اراسىندا بولعان دورەكى توبەلەس دەپ باعالايدى.

مەشىتتەگى توبەلەس تۇسىرىلگەن بەينەتاسپا 13 مامىردا الەۋمەتتىك جەلىلەردە پايدا بولىپ، قولدانۋشىلاردىڭ جاپپاي پىكىر-تالقىسىنا تۇسكەن. ءبىر مينوتتىك بەينەتاسپادا، مەشىت الدىندا ءدىني كيىمدەگى ەكى جىگىت ءبىر-بىرلەرىن جۇدىرىقتايدى. جانىندا تۇرعاندار جۇدىرىقتاعاندى «باتىر!» دەپ قولپاشتاپ جاتىر.

مۇسىلماندار ءدىني باسقارماسى ءباسپاسوز قىزمەتىنىڭ وكىلى ماقسات اتاباەۆ وقيعا ءبىر اي بۇرىن جەرگىلىكتى مەشىتتەردىڭ بىرىندە بولعان دەيدى. ول جۇدىرىقتاسقانداردىڭ "تابليعي جاماعات" (قازاقستاندا تىيىم سالىنعان ۇيىم) وكىلدەرى ەكەنىن تەرىسكە شىعارادى. مەشىتكە كەلۋشىلەردىڭ ومىرگە دەگەن كوزقاراسى توبەلەسكە سەبەپ بولىپتى.

«ەكەۋى سوزگە كەلىپ قالعان. ءبىر-بىرلەرىنە دەگەن وكپەلەرىن توقتاتا الماعان. بىراق ولاردى اجىراتقان. قازىر ەكەۋى تاتۋلاسقان»، - دەيدى اتاباەۆ.

ءىىم ءباسپاسوز حاتشىسى باقىت سەيىتوۆ توبەلەس ىسىنە قاتىستى تەرگەۋ ءىسى ءجۇرىپ جاتىر دەدى. ونىڭ سوزدەرىنشە، 10-ءبولىم قىزمەتكەرلەرى ازاماتتار، مەشىت قىزمەتكەرلەرى اراسىندا ءتۇسىندىرۋ جۇمىستارىن جۇرگىزىپ جاتىر. تەرگەۋ قورىتىندىسى بويىنشا مىندەتتى تۇردە شارا قولدانىلادى دەدى ول.

اباي-اقپارات

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551