«جىگىتتەر» توبىنىڭ ءانشىسى باعلان ءابدىرايىموۆ اكتەر تۇڭعىشباي جامانقۇلوۆتى قولدادى. ءانشى جىلۋ جيناپ، جامانقۇلوۆتى سوتتان اراشالاپ الۋدى ۇسىندى، دەپ جازادى stan.kz.

ونەردەگى اعاسى ءۇشىن “شىرىلداعان” باعلان بۇل ويىمەن جەلىدەگى پاراقشاسىندا ءبولىستى.

“يا، اللا! اقتى – اق، قارانى – قارا، دەپ اجىراتىپ بەرشى! ادامدار نەگە پەندە ەكەنىن ۇمىتىپ، ءتۇزۋ بولا قالادى؟ كىم قاتەلەسپەي جاتىر؟ كىم جەمەي جاتىر؟ ءومىر بويى ونەرگە شىن قىزمەت ەتىپ، جەتپىسكە تاياعاندا (69 ميلليون) تاعدىرىن تالقان ەتپەكشى مە؟ جازعىشتارىم-اي، جازىڭدار ەندى…

بىرەۋدىڭ كۋپالنيگى مەن تابىسىن ساناپ، ءبىرىنىڭ بايىن، ءبىرىنىڭ قاتىنىن ساناپ، بەلدەن تومەن وسەك جازىپ. شىنىن جازىڭدار! ەل اعاسى جايلى جازىڭدار، اقيقات ىزدەڭدەر، سەنساتسيا جاساڭدار! اشىعىن xالىق ءبىلسىن! راسىندا كىنالى بولسا، 69 ميلليون دوللار ەمەس قوي، تەڭگە. ونەردى باعالايتىن قالتالى ازاماتتار بولسا، كوبىرەك شىعارسىن، قالعانى شاماسىنا قاراسىن. راسىندا قارىز بولسا السىن. تەرىس بولسا قيامەتتە ەسەپ قىلارسىزدار.

ەلدىگىڭ قايدا، بىرلىگىڭ قايدا؟ اعانىڭ شاكىرتتەرى قايداسىزدار؟ ەس بىلەر جاۋاپتى بىرەۋىڭىز قولعا الىڭىز. ەسەپشوت اشىڭىز! قاراپ قالماڭىزدار! “اق ءجۇنىس” جۋرنالىن نەمەسە ينتەرنەتتەن تاۋىپ وقىڭىزدار. تاقىرىپ تۇسىنىكتى بولۋ ءۋشىن. ەلباسى مەن ءادىل سوتقا عانا ءۇمىتتى، اعا! سوت ادىلەتسىز بولسا شە؟ اقتالۋىنا ات سالىسىپ، 70 جىلدىق تويىن اتاپ وتەيىك! اللا سول كۇندى ءناسىپ ەتسىن!” – دەپ جازدى باعلان.

جەلىدەگىلەردىڭ باسىم بولىگى ءانشىنىڭ پىكىرىن قوستاپ وتىر.

Abai.kz