جۇما, 29 ناۋرىز 2024
انە، كوردىڭ بە؟ 3351 2 پىكىر 22 مامىر, 2017 ساعات 08:50

زەينەتاقى قورىنداعى قارجىعا ازەربايجاننىڭ وبليگاتسيالارىن ساتىپ الۋ – زاڭسىز

زەينەتاقى قورىنا سالىنعان حالىق اقشاسىنىڭ ازەربايجاننان ءبىر-اق شىققانىنا ماجىلىستەگى كوممۋنيستەر پارتياسى فراكتسياسىنىڭ ايقىن قوڭىروۆ باستاعان دەپۋتاتتارى دا الاڭداۋشىلىق ءبىلدىرىپ، پرەمەر-مينيستر ب.ساعىنتاەۆ پەن ۇلتتىق بانك توراعاسى د.اقىشەۆتىڭ اتىنا ساۋال جولدادى. ءبىزدىڭ بىلۋىمىزشە «زەينەتاقىمەن قامتاماسىز ەتۋ تۋرالى» زاڭعا سايكەس پرەزيدەنتتىڭ جانىنان ءبىرتۇتاس زەينەتاقىلىق جيناقتاۋ قورىن باسقارۋ جونىندەگى كەڭەس قۇرىلعان ەدى عوي. وسى كەڭەس قوردىڭ اكتيۆتەرىن ءوسىرۋ ءۇشىن ءتيىمدى قارجىلىق قۇرالداردى انىقتاعان. ال ۇلتتىق بانك 2014 جىلى قايدا ينۆەستيتسيا قۇيۋ تۋرالى ارنايى دەكلاراتسيا قابىلدادى. وسى دەكلاراتسياعا سايكەس ينۆەستيتسيالار نەگىزىنەن: قازاقستان رەسپۋبليكاسىنىڭ قۇندى قاعازدارىن ساتىپ الۋعا; ەلىمىزدەگى ەكىنشى دەڭگەيدەگى بانكتەرگە دەپوزيت رەتىندە سالۋعا نەمەسە ونىڭ وبليگاتسيالارىن ساتىپ الۋعا; حالىقارالىق ەميتەنتتەردىڭ ەۋرووبليگاتسيالارىن الۋعا جۇمسالۋعا ءتيىستى ەدى.

كورىپ وتىرعانىمىزداي ازەربايجاننىڭ حالىقارالىق بانكى بۇل تالاپتاردىڭ ەشقايسىنا سايكەس كەلمەيدى. ەندەشە وسى بانكتىڭ 2014 جىلى شىعارىلعان وبليگاتسيالارىنىڭ 50 پايىزىن ساتىپ الۋعا قازاقستاندىقتاردىڭ 71,3 ملرد. تەڭگەسىن جۇمساعانداردىڭ ءىسى زاڭسىز عوي.  وسى ىسكە الدىمەن  قازاقستاننىڭ ءىرى بانكتەرىنىڭ ءبىرى قاتىسقانى دا بەلگىلى بولىپ وتىر. الايدا ول 2014 جىلدىڭ اياعىندا ءوز پوزيتسياسىنان باس تارتقان، ەسەسىنە بزجق اتالمىش تاۋەكەلدى وپەراتسيانى جاساعان.

كوممۋنيستەر وسى فاكتىلەردى ايتا كەلىپ، حالىقتىڭ وزىنە سەنىپ تاپسىرعان قاراجاتىن وسىنداي تاۋەكەلدىگى جوعارى ىسكە تارتۋشىلار كىمدەر ەكەنىن انىقتاپ، پرەمەر مەن ۇلتتىق بانك توراعاسىنان ولاردى جازالاۋدى تالاپ ەتەدى. قاراجاتتى ارنايى كەڭەستىڭ رۇقسات بەرگەن باعىتتارىنا تارتپاي، تاۋەكەلدى باعىتقا بۇرۋلارىنا قاراعاندا جەكە مۇددەنىڭ، سىبايلاستىقتىڭ بار ەكەندىگى سەزىلەدى، - دەيدى كوممۋنيستەر. بۇل ويدى قازىر بارلىق قازاقستاندىقتار ايتىپ ءجۇر، سوندىقتان حالىقتىڭ مۇلكىن تالان-تاراجعا ءتۇسىرۋ مۇمكىندىگىن تۋعىزعاندار ادىلەتتى جازاسىن الار دەگەن ءۇمىتتى بارلىق ەلىمىز قوشتارى ءسوزسىز.

ال بۇعان ۇكىمەت باسشىسى قانداي ارەكەت جاسارىن ساۋالعا كەلەتىن جاۋاپتان كورەتىن بولامىز.   

 س.ەلەۋ، ساراپشى

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3543