ەندى از كۇندە ەلوردادا الەم حالقى كوز تىككەن ەكسپو-2017 حالىقارالىق كورمەسى باستالادى. بيىلعى جيىننىڭ باستى ماقساتى جاسىل تەحنولوگيانى دامىتۋ، ءىت سالاسىن وركەندەتۋ مەن جاڭارتىلعان ەنەرگيا كوزدەرىن تابۋعا باعىتتالماق. بۇل تۋرالى «ۆرەميا» باسىلىمى جازدى.

راس، الەمنىڭ ەڭ ۇزدىك كومپانيالارى باس قوساتىن ەكسپو كورمەسى بار بولعانى ءۇش ايدىڭ شەگىندە وتەدى. سوسىن ەكسپو-دان كەيىنگى كەزەڭ باستالادى. ال حالىقارالىق كورمەگە ارنالىپ سالىنعان عيماراتتار قاڭىراپ بوس قالماۋى كەرەك-اق.

وسى ورايدا، ەلباسى نۇرسۇلتان ءابىشۇلى ەكسپو بازاسىندا ءىت ورتالىق قۇرۋ تۋرالى باستاما كوتەرگەن بولاتىن.

ال «ۆرەميا» باسىلىمىنا سۇحبات بەرگەن قازاقستاننىڭ ءىت كومپانيالار اسسوتساتسياسىنىڭ پرەزيدەنتى نۇرلان يسين مىرزا: «وتاندىق جانە شەتەلدىك ءىت ماماندارعا جاعداي جاسالۋى كەرەك»، - دەيدى.

مەملەكەت باسشىسى ەكسپو بازاسىندا حالىقارالىق «استانا» قارجى ورتالىعىن، ءىت ورتالىعىن جانە «جاسىل» تەحنولوگيانى دامىتۋ حالاقارالىق ورتالىعىن قۇرۋ تۋرالى تاپسىرما بەرگەن.

قازاقستانعا ءىت سالاسى تاڭسىق ەمەس، تەك «سيليكوندى جازىقتىڭ» قازاقستاندىق بالاماسى پايداعا اسقىسىز بولىپ شىقتى دەيدى اتالعان سالا ماماندارى.

«مەملەكەت باسشىسى اقپاراتتىق تەحنولوگيا سالاسىنىڭ حالىقارالىق ستارتاپ ورتالىعىن قۇرۋدى تاپسىردى. قازىرگى تاڭدا اتالعان سالاعا سۇرانىس كوپ. ەكسپو-2017 اياقتالعان سوڭ، كوپتەگەن عيماراتتار بوسايدى. سوندىقتان، بوساعان ورىنداردا وسىنداي جوبالاردى جۇزەگە اسىرۋ يدەياسى دۇرىس دەپ ويلايمىن. بىزگە وتاندىق جانە شەتەلدىك ءىت ماماندارعا جاعداي جاساۋ كەرەك. ولار قازاقستاندا ءوز جوبالارىن دامىتىپ، جۇزەگە اسىراتىن بولادى. ءبىز كورمە ورتالىقتارىنا قازىرگى ءىت كومپانيالاردى، اقپاراتتىق قامتاماسىز ەتۋ سالاسىنىڭ ماماندارىن ورنالاستىرۋدى ۇكىمەتتەن سۇراپ وتىرمىز. سەبەبى، بۇل ءبىزدىڭ ماماندار ءۇشىن تاجىربيە الماسۋ، بىلىكتىلىك جەتىلدىرۋ ءۇشىن وتە ءتيىمدى بولاتىنى ءسوزسىز»،- دەيدى نۇرلان يسين مىرزا.

ايتا كەتەيىك، قازاقستاندا ءىت ورتالىعى جوق ەمەس، بار. ول الماتىدا «الاتاۋ» ورتالىعىندا ورنالاسقان. ءىت ورتالىقتىڭ جۇمىسى قانشالىقتى ءتيىمدى ەكەنىن ۋاقىت كورسەتە جاتار دەگەنىمىزبەن، بۇل سالاعا الەمدىك سۇرانىس جوعارى.

«وكىنىشكە وراي، الماتىدا ورنالاسقان «الاتاۋ» اقپاراتتىق تەحنولوگيالار ورتالىعى  بارلىق ءىت كومپانيالاردىڭ، وقۋ ورىندارىنىڭ باسىن بىرىكتىرە المادى. ونىڭ ۇستىنە، بۇل پارك ينفراقۇرىلىمدارمەن جابدىقتالۋى جاعىنان دا ەسە جىبەرەدى. ياعني، كومپانيالار ءۇشىن جاعداي جاسالماعان. پاركتىڭ جۇمىسىن قر ينۆەستيتسيا جانە دامۋ مينيسترلىگى باقىلاۋدا ۇستاپ وتىرعان. وكىنىشكە وراي، مۇندا ءىت ماماندارىنىڭ ءوزى از. سوندىقتان ەكسپو  بازاسىندا سالىناتىن ءىت ورتالىقتىڭ جۇمىسى الماتىداعى پاركتەن گورى ءتيىمدى بولاتىنى ءسوزسىز. ويتكەنى جىبەرىلگەن قاتەلىكتەردى قايتالاۋعا استە بولمايدى. پرەزيدەنتتىڭ ناقتى تاپسىرماسى بار. ۇكىمەت تە بەيجايلىق تانىتىپ وتىرعان جوق. ەندى بارلىعى بۇل جوبانى باسقاراتىن ادامعا بايلانىستى بولماق»، - دەيدى قازاقستاننىڭ ءىت كومپانيالار اسسوتسياتسياسىنىڭ پرەزيدەنتى نۇرلان يسين.

ەكسپو بازاسىندا ءىت ورتالىق قۇرۋعا دايىندىق جۇمىستارى قالاي جۇرگىزىلۋدە؟ جاۋاپتى مەكەمەلەر بۇعان دايىن با؟ – دەگەن زاڭدى سۇراقتاردىڭ وسى ارادا تۋىندايتىنى راس.

«ەگەر دايىندىق جاعىنا توقتالا كەتسەك، قازىردىڭ وزىندە «زەردە» ۇلتتىق اقپاراتتىق-كوممۋنيكاتسيالىق حولدينگى بار. حولدينگكە بىرنەشە مەملەكەتتىك ءىت كومپانيالار توپتاسقان. بۇل ورتالىق قر اقپارات جانە كوممۋنيكاتسيالار مينيسترلىگىنە قارايدى. ال مينيسترلىك ءوز كەزەگىندە ءنورماتيۆتى قۇجاتتار مەن ءىت ورتالىقتىڭ ءىس-شارالار جوسپارىن تۇزۋدە»، - دەيدى نۇرلان يسين مىرزا.

Abai.kz