بىراق، ۋاقىتشا قيىندىققا ولار دا توزە بىلگەنى ءجون.
تۋراسىن ايتقاندا، وڭىردەگى مەديتسينا سالاسىن ساۋىقتىرۋدى وبلىس اكىمىنىڭ ءوزى جەكە باقىلاۋىنا العالى بۇل باعىتتا ءبىراز ىلگەرىلەۋشىلىك بايقالادى. ەمدەۋ ورىندارى جاس ماماندارمەن دە، تاجىريبەلى دارىگەرلەرمەن دە تولىعىپ كەلەدى. ولارعا پاتەرلەر دە ۇسىنىلۋدا، كوتەرمە سىياقىلارى دا بەرىلۋدە. ايتسە دە، جاڭا كەلگەندەردىڭ دە جەرگىلىكتى جاعدايمەن ساناسقانى، كەيبىر قيىندىقتارعا كوندىككەندەرى ءجون.
شەبەر دارىگەردى ەشكىم دە شەتقاقپاي ەتپەيدى
سەلەكتورلىق كەڭەس كۇن تارتىبىندەگى ءبىرىنشى ماسەلەنى كىرىسپە سوزبەن اشقان وبلىس اكىمىنىڭ ءبىرىنشى ورىنباسارى بولات داۋكەنوۆ بۇل باعىتتا بۇعان دەيىن بەرىلگەن تاپسىرمالاردىڭ ناقتى ورىندالىسى قاتاڭ سۇرالاتىنىن بىردەن ەسكەرتتى. جەرگىلىكتى اتقارۋشى بيلىك سالا ماماندارىنا بارىنشا جاعداي تۋعىزىپ جاتىر. ەندەشە، سونىڭ قايتارىمىن سۇرايتىن دا ۋاقىت جەتتى.

بىراق، ۋاقىتشا قيىندىققا ولار دا توزە بىلگەنى ءجون.
تۋراسىن ايتقاندا، وڭىردەگى مەديتسينا سالاسىن ساۋىقتىرۋدى وبلىس اكىمىنىڭ ءوزى جەكە باقىلاۋىنا العالى بۇل باعىتتا ءبىراز ىلگەرىلەۋشىلىك بايقالادى. ەمدەۋ ورىندارى جاس ماماندارمەن دە، تاجىريبەلى دارىگەرلەرمەن دە تولىعىپ كەلەدى. ولارعا پاتەرلەر دە ۇسىنىلۋدا، كوتەرمە سىياقىلارى دا بەرىلۋدە. ايتسە دە، جاڭا كەلگەندەردىڭ دە جەرگىلىكتى جاعدايمەن ساناسقانى، كەيبىر قيىندىقتارعا كوندىككەندەرى ءجون.
شەبەر دارىگەردى ەشكىم دە شەتقاقپاي ەتپەيدى
سەلەكتورلىق كەڭەس كۇن تارتىبىندەگى ءبىرىنشى ماسەلەنى كىرىسپە سوزبەن اشقان وبلىس اكىمىنىڭ ءبىرىنشى ورىنباسارى بولات داۋكەنوۆ بۇل باعىتتا بۇعان دەيىن بەرىلگەن تاپسىرمالاردىڭ ناقتى ورىندالىسى قاتاڭ سۇرالاتىنىن بىردەن ەسكەرتتى. جەرگىلىكتى اتقارۋشى بيلىك سالا ماماندارىنا بارىنشا جاعداي تۋعىزىپ جاتىر. ەندەشە، سونىڭ قايتارىمىن سۇرايتىن دا ۋاقىت جەتتى.
وسى ورايدا دەنساۋلىق ساقتاۋ باسقارماسىنىڭ باستىعى مەڭدىحان وتەپقاليەۆتىڭ ايتۋىنشا، قازىر وبلىستا 288 دارىگەر جەتىسپەيدى ەكەن. سولاردىڭ ىشىندە 122 مامان اسا قاجەت سانالادى. اسىرەسە، جاس مامانداردىڭ اۋىلدارعا بارۋعا قۇلقى جوق كورىنەدى. ماسەلەن، وتكەن جىلى كەلگەن 20 جاس ماماننىڭ 16-سى قالادا تۇراقتاپ قالعان. ارينە ولار مۇندا دا قاجەت. بىراق، اۋىلداعىلارعا دا مەديتسينالىق كومەك كورسەتەتىن دارىگەر كەرەك ەمەس پە؟ ەگەر وڭىرگە كەلگەن مامانداردىڭ ءبارى وبلىس ورتالىعىندا قالاتىن بولسا، اۋىلداعىلاردىڭ ساۋلىعىن كىم قورعايدى؟ قازىر الىس اۋىلداردىڭ شالعاي مەكەندەرىندە دە جاقسى جابدىقتالعان ەمدەۋ ورىندارى اشىلىپ جاتىر. سولاردا كىم جۇمىس جاساماق؟ دەمەك، وبلىس باسشىسىنىڭ وزدەرىنە كەلگەن جاس دارىگەرلەرگە جاعداي جاساۋ تۋرالى اۋداندار اكىمىنە بەرگەن تاپسىرماسى جەتكىلىكتى ورىندالماي جاتىر.
ماسەلەن، قىزىلقوعا اۋدانىنا كەلگەن ماماندارعا بەرىلگەن ۇيلەر وتە ەسكى كورىنەدى. ءتىپتى، بىرقاتارىنا كۇردەلى جوندەۋ دە قاجەت ەكەن. جاس مامانعا بەرىلگەن ءبىر ءۇيدىڭ ىشىندە بۇرگە ءجۇر.
وسىنداي ورالىمسىزدىقتى ەستىگەن بولات اسىلۇلى بىردەن اۋدان اكىمىن تىكەلەي بايلانىسقا شاقىردى. ال، ونىڭ ايتۋىنشا، اۋدانداعى ۇيلەردىڭ دەنى سوناۋ 1970-1980 جىلدارى سالىنعان. كوپشىلىگى كۇردەلى جوندەۋدى قاجەت ەتەدى. ال، جوعارىدا ايتىلعان ۇسىنىلعان ۇيگە ماماننىڭ ءوزى كەلىسكەن.
-مۇنداي سىلتاۋ بولماۋى ءتيىس، - دەدى وعان وبلىس اكىمىنىڭ ءبىرىنشى ورىنباسارى، - جاڭا ءۇي سالىپ بەرمەي-اق قويىڭدار، بىراق قولداعى مۇمكىندىكتى پايدالانىپ، سول باسپاناسىن جوندەپ بەرۋگە بولماي ما؟ وعان كوپ كۇش كەرەك پە؟ ولار ماماندار ەمەس پە؟ ءبىز الىس اۋدانعا شاقىرعاندا، تۇرمىستىق جاعدايىن جاساۋعا ۋادە بەرگەن ەدىك قوي. ەندەشە، وبلىس اكىمىنىڭ تاپسىرماسى نەگە ورىندالمايدى؟
ماقات اۋدانىندا دا جاعداي اسا وڭىپ تۇرعان جوق. مۇندا، دەنساۋلىق ساقتاۋ باسقارماسىنىڭ مالىمەتىنشە، وتكەن جىلى بارعان ەكى ماماننىڭ بىرىنە بەرىلگەن ءۇيدىڭ قۇجاتى قاتە بولىپ، ەندى ول سول باسپاناسىن جالداپ تۇراتىن كورىنەدى. ءارى ەكىنشى مامانعا ءۇي ءالى بەرىلمەگەن.
بۇل رەتتە اۋدان اكىمى سىرىم رىسقاليەۆ وزدەرىنە ەكەۋ ەمەس، ءتورت مامان كەلگەندىگىن جانە ولاردىڭ ءبارى دە ۇيمەن قامتىلعانىن ايتادى.
-سوندا كىمگە سەنۋگە بولادى، - دەدى وسى ورايدا بولات اسىلۇلى، - دەنساۋلىق ساقتاۋ باسقارماسىنا ما، الدە اۋدان اكىمىنە مە؟ نەگە دەرەكتەر ناقتى جاسالمايدى؟
ايتسە دە، ءسال كەيىن بەلگىلى بولعانىنداي، قاتە قۇجات كەشە عانا قالپىنا كەلتىرىلىپتى. اۋدان اكىمى وسىنداي ءۋاج ايتىپ قۇتىلدى.
جىلىوي اۋدانىنداعى قوسشاعىل ەلدى مەكەنىنە جۇمىسقا بارعان جاس دارىگەر وندا ءۇي بولماعان سوڭ قۇلسارىعا قايتىپ كەلىپ،ەندى اتا-اناسىمەن بىرگە تۇرىپ جاتقان كورىنەدى. بۇل جايدى اۋدان اكىمى راحمەتوللا نۇعىمانوۆ تا جوققا شىعارمادى. ال، ءتارتىپ بويىنشا تەك اۋىلعا بارعان جاس مامانعا عانا جەكە باسپانا تيەسىلى. قۇلسارى قالا بولعاندىقتان، مۇنداي جەڭىلدىك قارالماعان.
-بىراق، و باستا سول ماماندى سەلوعا جىبەرگەندە قاجەتتىلىك بولعان جوق پا ەدى؟ - دەدى وعان بولات اسىلۇلى، - ەندەشە، ءۇي جوعىن سىلتاۋراتىپ وپ-وڭاي باس تارتقاندارىڭ با؟ الدە وزگە دارىگەرمەن اۋىستىردىڭدار ما؟ ءبىر ادامعا اۋىلدان ءۇي جالداۋعا مۇمكىندىك جوق پا ەدى؟
ونىڭ ۇستىنە، بيىل جىلىويعا اتىراۋ مەن اقتوبە قالالارىنان كەلگەن قوس مامانعا ءۇي بەرىلمەي، ولار پاتەرلەرىن جالداپ تۇرىپ جاتىر ەكەن.
قۇرمانعازى اۋدانىنا سوڭعى ەكى جىلدا جىبەرىلگەن ءۇش ماماننىڭ بىردە-بىرەۋىنە باسپانا بەرىلمەگەن. اۋدان اكىمىنىڭ مىندەتىن اتقارىپ وتىرعان ادام ءبىر ماماننىڭ قايدا ەكەنىن بىلمەي، ەكەۋىن عانا اتايدى. سوندا، اۋدان باسشىلىعى وزدەرىنە كەلىپ جاتقان مامانداردىڭ سانىنان حابارسىز با؟ ەندى ساتىپ الاتىن ءۇي ىزدەپ الەك كورىنەدى.
دەنساۋلىق ساقتاۋ باسقارماسىنىڭ مالىمەتىنشە، يساتاي اۋدانىنا سوڭعى ەكى جىلدا ءتورت مامان كەلگەن. ولاردىڭ ەكەۋى اتا-انالارىمەن بىرگە تۇراتىندىقتان، باسپاناعا ءزارۋ ەمەس. ال، بىرەۋىنە جاتاقحانادان ورىن بولىنگەن. ەكىنشىسىنە ءۇي ماسەلەسى ءالى شەشىلمەگەن.
اۋدان باسشىلىعى وزدەرىنە ءۇش دارىگەر كەلگەندىگىن، ولارعا جەكە ءۇي الۋعا قارجى جوقتىعىن، سوندىقتان جاتاقحانادان ورىن بولىنەتىندىگىن ايتادى.
-تاعى قاتە دەرەكتەر، - دەدى بولات اسىلۇلى رەنىشىن جاسىرماي، - سوندا كىمگە سەنۋگە بولادى؟ مەن مامانداردىڭ سانىن تەككە سۇراپ وتىرعانىم جوق. ولاردىڭ ارقايسىسى ەسەپتە بولۋى شارت. ويتكەنى، ءبارى دە باسپانامەن قامتاماسىز ەتىلۋى ءتيىس. ازىرگە جەكە ءۇي بولماسا، جالدايتىن مۇمكىندىك قاراستىرۋ قاجەت. سوعان سايكەس قارجى ءبولىنۋى ءتيىس. ەگەر مامانداردىڭ ناقتى سانىن انىق بىلمەسەك، قاراجاتتى قالاي بولەمىز؟
ماحامبەت اۋدانىنا بيىل جىبەرىلگەن قوس ماماننىڭ بىرەۋى باسپانامەن قامتىلىپ، ەكىنشىسى كەزەككە قويىلىپتى.
كۇردەلى جاعداي يندەر اۋدانىندا قالىپتاسقان. مۇندا جاس ماماندار اتا-انالارىمەن بىرگە تۇرىپ جاتىر. ال، ادەيى شاقىرىلعان تاجىريبەلى مامانداردىڭ الدىنىڭ كەلگەنىنە بەس جىلدان اسسا دا باسپاناسىز وتىر. ءتىپتى وتباسىلىق ۇلگىدەگى ءبىر ءۇيدىڭ ءۇش بولمەسىندە ءۇش جانۇيا تۇرىپ جاتىر.
اۋدان اكىمى جانكەلدى راحمەتقاليەۆتىڭ ايتۋىنشا، بۇرىننان كەلە جاتقان دارىگەرلەر ۇيمەن قامتىلماعان ەكەن. پاتەر جالداۋشىلار دا بار. ال، جاس ماماندارعا قاتىستى پروبلەما جوق.
وسى ورايدا وبلىس اكىمىنىڭ ورىنباسارى ايگۇل اجىعاليەۆا ءبىر ناقتىلىق ەنگىزدى. بۇرىن بەرىلگەن تاپسىرماعا وراي، ءبىر اۋداننان ەكىنشىسىنە قونىس اۋدارعان ماماندار ازىرگە ۇيمەن قامتىلمايدى. باسپانا الدىمەن جاس ماماندارعا جانە وزگە وبلىستاردان ارنايى شاقىرىلعان دارىگەرلەرگە بەرىلەدى.
ءبىراز پروبلەما قالادا دا بار. بىراق، مۇندا بيۋدجەت سالاسى قىزمەتكەرلەرى پاتەرلەرمەن قامتىلىپ جاتىر. دەمەك، ماسەلە دە وڭتايلى شەشىلۋدە.
اۋىلدارعا جىبەرىلگەن ماماندارعا جاعداي تۋعىزىلماۋى نەندەي قيىندىقتارعا دۋشار ەتىپ وتىر؟ قازىر قۇرمانعازى، قىزىلقوعا جانە يندەر اۋداندارىنا رەانيماتور-انەستەزولوگ، اكۋشەر گينەكولوگ، نەوناتولوگ، حيرۋگ ءتارىزدى ماماندار اسا قاجەت. ال، كەلگەن ادامدارعا تۇرمىستىق جاعداي جاسالماسا، وندا بۇل وڭىرلەرگە ەشكىم دە بارمايدى.
وبلىستىق اكىمدىك بۇرىنعىشا اتىراۋلىق ستۋدەنتتەرگە قولداۋ كورسەتىپ جاتىر. ماسەلەن، بيىل 24 جاسقا 7,2 ملن. تەڭگە كولەمىندە وبلىس اكىمىنىڭ گرانتى بولىنگەن. بىراق، تاعى دا 15 ستۋدەنتتەن ءوتىنىش ءتۇسىپتى. ەندى، ول قالاي شەشىلەر ەكەن؟
بيىل دا وبلىسقا 62 جاس مامان كەلۋى جوسپارلانعان. ياعني، اقتوبەدەن 42, الماتىدان 14, قاراعاندىدان 6 دارىگەر ات باسىن اتىراۋعا بۇرماقشى. ولاردىڭ 35-ءى تۇراقتى قىزمەتكە ورنالاسىپ تا ۇلگەرىپتى. ايتسە دە، ءبارى دە تۇرمىستىق جاعداي تۋعىزىلعانىن قالايدى.
ونىڭ ۇستىنە، ۇيمەن قامتىلعان جاعدايدا اتىراۋعا قونىس اۋدارۋعا دايىن تۇرعان التى دارىگەردەن دە ۇسىنىس تۇسكەن. بۇعان دەيىن استانا، اقتوبە، ورال، تالدىقورعان، سەمەي قالالارىنان كەلگەن توعىز مامان جۇمىسقا ورنالاسقانىمەن، الدى باسپانا بولماعاندىقتان كەيىن كەتە دە باستاعان. قازىر دە وكشەسى كوتەرىلىپ تۇرعاندار بار ەكەن. ەگەر ولاردىڭ ءبارى جوعارى ساناتتى تاجىريبەلى دارىگەرلەر ەكەندىگىن ەسكەرسەك، تۇرمىس جاعدايىن جەدەل جاقسارتقان ءجون. قازىر تۇرعىن ءۇي ماسەلەسى شەشىلسە، كورشىلىەس رەسەيدىڭ استراحان قالاسىنان دا كەلۋشىلەر بار ەكەن.
-جالپى، مەديتسينا ماماندارىنا قاتىستى پروبلەما رەسپۋبليكادا بار، - دەدى وسى ورايدا وبلىس اكىمىنىڭ ورىنباسارى سەرىك امانعاليەۆ، - سونىڭ ىشىندە ول بىزدە رەتىمەن جاقسى شەشىلۋدە. وبلىستا مۇعالىمدەرگە دەگەن سۇرانىس تولىق قاناعاتتاندىرىلدى. ەندى دارىگەرلەرمەن قامتىلۋ قاجەت. بىلتىر 59 مامان تۇراقتى جۇمىسقا ورنالاستى. ال، وبلىس اكىمى قاجەتتى مامانداردى ىزدەۋدى اۋدان باسشىلارىنا تاپسىرعان بولاتىن. ەندەشە، وسى تاپسىرما دا ورنىمەن ورىندالۋى ءتيىس.
سەلەكتورلىق كەڭەستىڭ بۇل ماسەلەسىن وبلىس اكىمىنىڭ ءبىرىنشى ورىنباسارى بولات داۋكەنوۆ قورىتىندى سوزبەن تۇيىندەدى.
-ءسوز جوق، الدىڭعى جىلدارمەن سالىستىرعاندا جاعداي جاقسارىپ كەلەدى. ءبىراز تاجىريبەلى ماماندارمەن دە تولىقتىق. جاس دارىگەرلەر دە كوپتەپ كەلۋدە. بارىنە دە قامقورلىق جاساپ جاتىرمىز. ءالى دە جاسايمىز. مۇنى جەرگىلىكتى اتقارۋشى بيلىك باسشىلارىنا قاتاڭ تاپسىرامىن. ارنايى شاقىرىپ العان ماماندارعا باسپانا تاۋىپ بەرە الماساق، ءبارى دە كەيىن كەتىپ قالادى. سوندا، دارىگەرلەردىڭ پروبلەماسى قازىرگىدەن دە ۋشىعىپ كەتەدى.
بىراق، ولار دا ءبىر جايدى سەزىنۋى كەرەك. بىزگە دە جوعارى تالاپ قويماسىن. جەرگىلىكتى جاعدايمەن دە ساناسسىن. ەشكىمگە دە كوتتەدج سالىپ بەرەمىز دەگەن ۋادە بولعان جوق. زاڭ شەڭبەرىندە باسپاناسىن الادى. وسى زالدا وتىرعان ەمدەۋ ورىندارىنىڭ باسشىلارى كەزىندە قانداي قيىندىقتاردى باستان كەشىرمەدى؟ ەكى-ءۇش بالاسىمەن ءبىر بولمەدە تۇرعان كۇندەرىن ۇمىتتى ما ەكەن؟ كەيبىرەۋى پاتەر كەزەگىندە وتىز جىل تۇرعان جوق پا ەدى؟ سوندا قازىر كەلگەندەرگە ءۇش ايدا عانا باسپانا تاۋىپ بەرە الامىز با؟ مۇمكىندىك بولسا، ارينە، بەرەمىز. بىراق، ۋاقىتشا قيىندىقتارعا ءتوزۋ كەرەك. رەسپۋبليكانىڭ وزگە وڭىرلەرىندەگى جاعداي بۇدان دا كۇردەلى. وسى جايدى جاس ماماندارعا دا، وسىندا ەڭبەك ەتۋگە كەلگەن تاجىريبەلى دارىگەرلەرگە دە جەتكىزۋلەرىڭىزدى سۇرايمىن.
ال، ءبىز ءوز تاراپىمىزدان ەڭ قاجەتتى جانە تاجىريبەلى ەكى دارىگەرگە پاتەر دە، كوتەرىڭكى جالاقى دا بەرۋدى ويلاستىرىپ وتىرمىز. بۇل ىسكە وسىنداعى كومپانيالاردى جۇمىلدىرماقپىز. وسى وزگەلەر ءۇشىن كوتەرمەلەۋ شاراسى بولسىن، - دەدى ءسوزىنىڭ سوڭىندا بولات اسىلۇلى.
بىزدە انا قازاسى دا، ءسابي ءولىمى دە ازايدى
سەلەكتورلىق كەڭەستىڭ كۇن تارتىبىندەگى ەكىنشى ماسەلە انا مەن ءسابي ساۋلىعىنا قاتىستى ەدى. جاسىراتىنى جوق، وتكەن جىلى بۇل پروبلەمانىڭ ەكەۋى دە وتكىر تۇرعان-دى. وبلىس اكىمى ءوزى جينالىس وتكىزىپ، وعان اسا نازار اۋدارعان بولاتىن. سودان بەرى نە وزگەردى؟
دەنساۋلىق ساقتاۋ باسقارماسىنىڭ باستىعى مەڭدىحان وتەپقاليەۆتىڭ ايتۋىنشا، ايتارلىقتاي ىلگەرى جىلجۋشىلىق بار ەكەن. ماسەلەن، بيىلعى سەگىز ايدا ەكى انا ءولىمى تىركەلدى. ال، وتكەن جىلدىڭ وسىنداي ۋاقىتىندا التى بولاتىن. بۇل كورسەتكىش جونىنەن رەسپۋبليكانىڭ كوپتەگەن وڭىرىنەن الدا تۇرمىز. ايتسە دە، ماقات جانە قىزىلقوعا اۋداندارىندا بولعان توسىن وقيعالار جان-جاقتى سارالاندى. سونىڭ ىشىندە دارىگەرلەردىڭ دە قاتەلىگى بايقالدى. ءبىر ءىس بويىنشا پروكۋراتۋرا ءىس كوتەردى.
ءسابي ءولىمى بويىنشا وتكەن جىلدان ءسال ىلگەرىلەۋ بولعانىمەن، ماماندار ءالى كورسەتكىشتىڭ جوعارى ەكەندىگىن ايتىپ وتىر. سونىڭ ىشىندە اتىراۋ قالاسىنىڭ گەولوگ ەمحاناسىندا مۇنداي جاعداي ەكى ەسەگە ارتقان. قازىر مۇنداعى جاعداي ەرەكشە باقىلاۋعا الىنعان. اۋداندارداعى ناتيجە دە ناشار. اسىرەسە، ماقات پەن ماحامبەت اۋداندارىندا ءوسىم بار. قۇرمانعازى مەن يندەر اۋداندارىنداعى كورسەتكىش وتكەن جىلمەن سالىستىرعاندا تومەن بولعانىمەن، وبلىستىڭ ورتاشا دەڭگەيىنەن جوعارى. دەمەك، اۋداندارداعى جاعدايعا ءالى دە نازار اۋدارعان ءجون.
قازىر انا مەن ءسابي ولىمدەرىن ازايتۋعا باعىتتالعان بيىلعى ءتورتىنشى توقسان مەن 2011-2013 جىلدارعا ارنالعان جوسپار جاساقتالعان. سونىڭ ىشىندە، الدىمىزداعى جىلى وبلىستىق پەرزەنتحانا بازاسىندا پەريناتالدىق ورتالىق اشۋ ءۇشىن 147 ملن. تەڭگە كەرەك. وسى ورايدا سانيتارلىق اۆياتسيانى دەربەس مەكەمە رەتىندە ءبولىپ شىعارۋ قاجەتتىگى دە ايتىلدى. ونىڭ تەحنيكالىق جاعدايىن جاقسارتۋ ءۇشىن دە جىل سوڭىنا دەيىن عانا 11 ملن.تەڭگە كەرەك ەكەن. ەڭ باستىسى - جۇكتى ايەلدەر مەن سابيلەرگە تەگىن ءدارى-دارمەك بەرۋ ءۇشىن 150 ملن. تەڭگە شاماسىندا قاراجات قاجەت.
اقىرىندا، وبلىس اكىمىنىڭ ورىنباسارى سەرىك امانعاليەۆتىڭ ايتۋىنشا، رەسپۋبليكالىق شتابتا انا مەن ءسابي ولىمدەرىنىڭ كورسەتكىشىن ەداۋىر تومەندەتكەن اتىراۋ وبلىسىنداعى ءىس-شارالار وڭ باعالانعان.
-سوڭعى جىلدارى وڭىردە بىرنەشە جاڭا ەمدەۋ ورىندارىنىڭ پايدا بولۋى انا مەن ءسابي ءولىمىنىڭ، جالپى حالىقتىڭ ساۋلىعىنىڭ ءبىراز جاقسارۋىنا جول اشتى. بيىل دا بىرنەشە مەديتسينا مەكەمەلەرى قاتارعا قوسىلماق. بۇل - وبلىس اكىمىنىڭ وسى سالاعا نەعۇرلىم جوعارى ماڭىز بەرىپ وتىرعاندىعىنىڭ جەمىسى. دەمەك، ەندى وسى قۇرىلىمداردى ساۋاتتى دارىگەرلەرمەن، جەتىلگەن جابدىقتارمەن قامۋ قاجەت. ال، ودان ءارى مەديتسينا قىزمەتكەرلەرىنىڭ وزدەرىنەن دە لايىقتى جاۋاپكەرشىلىك سۇرالادى، - دەدى كوتەرىلگەن ماسەلەنى قورىتىندىلاعان وبلىس اكىمىنىڭ ءبىرىنشى ورىنباسارى بولات داۋكەنوۆ ءتيىستى مەملەكەتتىك قۇرىلىمدار مەن جەرگىلىكتى اتقارۋشى بيلىك باسشىلارىنا ناقتى تاپسىرمالار بەردى.
...مىنە، بۇل جولعى سەلەكتورلىق كەڭەس ءوڭىردىڭ وسىنداي ماڭىزدى مىندەتتەرىن تالقىلاۋعا ارنالدى.

مەڭدىباي سۇمەسىنوۆ.