جۇما, 29 ناۋرىز 2024
انىق 8397 50 پىكىر 2 ماۋسىم, 2017 ساعات 01:31

ەلباسى "ۇلتشىل" ما؟

اقتوبەلىك جۋرناليست تەك قانا قازاقشا سويلەگەن مەملەكەتتىك قىزمەتكەردىڭ ۇلتشىل ەكەنىن ايتىپ، ەلدى دۇرلىكتىرىپ جاتىر

«ەسكەرتكىشتەر - ەل تاريحى» شاراسى كەزىندە جەرگىلىكتى «ريكا تۆ» تەلەارناسى اقتوبە وبلىستىق تاريحي-مادەني مۇرالاردى قورعاۋ جونىندەگى مەملەكەتتىك ينسپەكتسياسىنىڭ باس ينسپەكتورى فارحاد دوسمۇراتوۆتان سۇحبات العان. جۋرناليست رەسمي تىلدە اقپارات الۋعا نيەتتەنگەن كەزدە فارحات دوسمۇراتوۆ ورىسشا سۇحبات بەرۋدەن باس تارتقان.

مەملەكەتتىك قىزمەتكەردىڭ بۇل قىلىعى رەسمي ءتىلدىڭ جاناشىرىنا جاقپاي قالسا كەرەك، قازىر بۇكىل ەلدى دۇرلىكتىرىپ، فارحاد باۋىرىمىزدى "ۇلتشىل" دەپ ايىپتاپ جاتىر.

ء"بىز شارا وتكىزىلەتىن جەرگە رەداكتسيا تاپسىرماسىمەن بارعانبىز. ۇيىمداستىرۋشىلاردان ەكى تىلدە اقپارات بەرە الاتىن مامان تاۋىپ بەرۋىن سۇرادىق. باس ينسپەكتورمەن قازاق تىلىندە امانداستىم، ءسوزىمدى قازاقشادان باستادىم. تەلەكومپانيادان كەلىپ تۇرعانىمدى جانە ەكى تىلدە اقپارات الاتىنىمدى ەسكەرتتىم.  ول كىسى بىردەن ورىس تىلىندە بەرۋدەن باس تارتتى. «مەن ورىس تىلىندە بەرمەيمىن» دەدى. ارينە، ورىسشا سويلەي المايتىندار دا بولادى.  ولارعا تۇسىنىستىك تانىتىپ، اۋدارما جاسايمىز" - دەپتى Nur.kz اقپاراتتىق سايتىنا سۇحبات بەرگەن جۋرناليست.

"ارينە، ورىسشا سويلەي المايتىندار دا بولادى.  ولارعا تۇسىنىستىك تانىتىپ، اۋدارما جاسايمىز" دەگەن جۋرناليست فارحادقا كەلگەندە نەگە اۋدارما جاساۋدان باس تارتتى ەكەن. بۇل - ءبىر.

ەكىنشىدەن، رەسمي تىلدە سويلەۋدەن باس تارتۋعا كەز-كەلگەن ادامنىڭ قۇقىعى بار. وعان ەلباسىنىڭ مىنا ۆيدەوسى تولىق دالەل بولا الادى.

ۇشىنشىدەن، رەسمي تىلدە سويلەمەگەنى ءۇشىن فارحادتى "ۇلتشىل" دەپ ايىپتار بولساق، ەلباسىنىڭ دا "ۇلتشىل" بولعانى.

تورتىنشىدەن، قازاق جۋرناليستەرى تاۋەلسىزدىك العالى بەرى رەسمي تىلدەگى سۇحباتتى اۋدارۋدان باس تارتىپ، "قازاقشا سۇحبات بەرمەدى" دەپ ەشكىمدى ايىپتاعان ەمەس. ال، ءورىستىلدى جۋرناليستەردىڭ ءبىر عانا بولماشى ماسەلەنى دارداي ەتىپ، ەلدى دۇرلىكتىرۋىنىڭ استارىندا نە جاتىر؟

بۇل جەردە ءبىر عانا ماسەلە بار. قازاق تىلىندەگى سۇحباتتى اۋدارۋعا ەرىنگەن ءار ءتىلشى وسىلاي داۋ تۋعىزا بەرسە، ۇلتارالىق جانجال ءورشىپ كەتۋى ابدەن مۇمكىن. ءبىزدىڭ ويىمىزشا، ۇلتارالىق ارازدىقتى تۋعىزىپ وتىرعان ءتىلشىنى دەرەۋ جاۋاپقا تارتۋ كەرەك.

فارحاد ءشۇرشىتتىڭ ەمەس، قازاقتىڭ تىلىندە سويلەدى. قازاقتىڭ ءتىلى - مەملەكەتتىڭ ءتىلى. مەملەكەتتىڭ تىلىندە سويلەگەنى ءۇشىن "ۇلتشىل" دەپ ايىپتالار بولسا، ەلباسىنىڭ دا "ۇلتشىل" بولعانى ەمەس پە؟

ءسىز نە دەيسىز، بۇعان؟!

ءشارىپحان قايسار

Abai.kz

 

50 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584