«سامرۇق-قازىنا» قورىنىڭ ديرەكتورلار كەڭەسى مۇشەلەرى قابىلداعان شەشىمدەرىنە وزدەرىنىڭ بەت-بەدەلدەرىمەن جاۋاپ بەرەدى.

بۇل تۋرالى «سامرۇق-قازىنا» قورىنىڭ باسشىسى ومىرزاق شوكەەۆ قوردى ترانسفورماتسيالاۋ ناتيجەلەرىن تانىستىرۋ ءراسىمى كەزىندە ايتتى.

«ديرەكتورلار كەڭەسى – بۇل ەڭ جوعارعى دەڭگەي، ال ديرەكتورلار كەڭەسى مۇشەلەرى – ەڭ سىيلى ادامدار. ولار قۇقىقتىق تۇرعىدا عانا ەمەس، سونىمەن قاتار ابىرويلارىمەن دە جاۋاپ بەرەدى. ديرەكتورلار كەڭەسى قابىلداعان كەز-كەلگەن شەشىم ولاردىڭ بەدەلىنە اسەر ەتەدى»، - دەپ شوكەەۆ جينالعان ارىپتەستەرىنىڭ ەسىنە سالدى.

ۇلتتىق كومپانيالاردا ديرەكتورلار كەڭەسىنىڭ شەشىم قابىلداۋداعى ءرولى  ترانسفورماتسيالاۋ اياسىندا كۇشەيدى. باعدارلامانىڭ الدىعا قويعان تاپسىرمالارىنىڭ ءبىرى – كومپانيالاردى الەمدىك ستاندارتتارعا، سونىمەن قاتار ەكونوميكالىق سەرىكتەستىك جانە دامۋ ۇيىمى ستاندارتتارىنا سايكەستەندىرۋ. بۇل ءوز كەزەگىندە، قوردىڭ ءوزى مەن ەنشىلەس كومپانيالارىندا كورپوراتيۆتىك باسقارۋ قاعيداتتارىن قايتا قاراۋدى تالاپ ەتتى.

«ترانسفورماتسيا «قازاقستان تەمىر جولى» اق ديرەكتورلەر كەڭەسىنە تىكەلەي ەسەپ بەرەتىن جوبا رەتىندە بىزگە، تاۋەلسىز ديرەكتورلار مەن ديرەكتورلار كەڭەسىنىڭ باسقا دا مۇشەلەرىنە كومپانيا جۇمىسىن ىشتەي كورۋگە كوپتەپ كومەكتەستى»، - دەپ اتاپ ءوتتى «قتج» اق ۇك تاۋەلسىز  ديرەكتورى كريستيان كۋن.

ول ديرەكتورلار كەڭەسىنە دەگەن كوزقاراس پەن ونىڭ كومپانياعا ىقپالى قالاي  وزگەرگەنىن ايتىپ بەردى.

«سىرتقى كەڭەسشىلەردىڭ كومەگىمەن كومپانيا ستراتەگياسى قايتا قارالدى. سونداي-اق، ناتيجەسىندە ءبىز ول ستراتەگيانى بۇرىن وزىمىزدە بولعان مودەلدەن الدەقايدا جاقسىراق، ۇيىمداستىرۋشىلىق مودەلگە ترانسفورماتسيالادىق. قتج وسىلاي ىستەۋ كەرەكتىگىن بىلەتىن، الايدا ترانسفورماتسياسىز وسىنداي جۇمىستى، ماڭىزدى وزگەرىستەردى باستاۋعا مۇمكىندىك بولمادى»، - دەپ كۋن ءسوزىن جالعادى.

ەستەرىڭىزگە سالا كەتەيىك، «سامرۇق-قازىنا» قورىن ترانسفورماتسيالاۋ باعدارلاماسى رەسمي تۇردە 2014 جىلدىڭ قازانىندا باستالعان. قازىرگى ۋاقىتتا باعدارلامانى التى ۇلتتىق كومپانيا ىسكە اسىرىپ وتىر. ولار  –  «قتج» اق ۇك،  «قازمۇنايگاز» اق ۇك، «قازاتومپروم» اق ۇاك، «سامرۇك-ەنەرگو» اق، «KEGOC»  اق جانە «قازپوچتا» اق.