جۇما, 20 قىركۇيەك 2019
1642 0 پىكىر 7 ماۋسىم, 2017 ساعات 14:39

قىرعىزستاندا Facebook-تە "ۇلتارازدىقتى قوزدىرعاندارعا" قارسى قىلمىستىق ءىس قوزعالدى

قىرعىزستاننىڭ مەملەكەتتىك ۇلتتىق قاۋىپسىزدىك كوميتەتى (ۇقك) بىرقاتار Facebook قولدانۋشىلاردىڭ ءىس-ارەكەتتەرى ۇلتارازدىقتى قوزدىرۋعا ارنالعان دەپ تاپقان. بۇل جونىندە ۇقك حابارلادى.

مەكەمەنىڭ حابارلاۋىنشا، اتالعان قولدانۋشىلار جالال-اباد وبلىسىنداعى ماسى اۋدانىندا بولعان وقيعاعا قاتىستى ۇلتارازدىقتى قوزدىرعان. بۇعان قاتىستى قىرعىزستاننىڭ قىلمىستىق كودەكسى بويىنشا ءىس قوزعالعان. قازىر تەرگەۋ جۇمىستارى ءجۇرىپ جاتىر.

مامىردىڭ 17-نەن 18-نە قاراعان ءتۇنى 22 جاستاعى جەرگىلىكتى تۇرعىن اۋىلداسىمەن سوزگە كەلىپ، وعان ءتورت رەت پىشاق سۇعىپ، قاشىپ كەتكەن. 20 مامىردا زارداپ شەگۋشىنىڭ تۋىستارى ميليتسيا عيماراتىنىڭ جانىنا كەلىپ، قاشىپ كەتكەن جىگىتت ۇستاۋدى تالاپ ەتكەن. كەيىننەن كۇدىكتىنى قىرعىز -تاجىك شەكاراسىندا تۇتقىنداعان. وعان بۇزاقىلىق جاسادى دەگەن ايىپ تاعىپ، ەكى اي مەرزىمگە قاماۋعا العان.

الەۋمەتتىك جەلىلەردە بۇل وقيعا ۇلكەن پىكىر-تالاس تۋعىزدى. تىپتەن كەيبىر قولدانۋشىلارعا ارنايى قىزمەت قىلمىستىق ءىس قوزعادى.

اباي-اقپارات

0 پىكىر