جەكسەنبى, 20 قازان 2019
بيلىك 2657 0 پىكىر 7 ماۋسىم, 2017 ساعات 15:30

«جاسىل ورام» كەشەنى ەكسپو-2017 وبەكتىلەرىنىڭ ءبىرى

بۇگىن ەكسپو – 2017 حالىقارالىق مامانداندىرىلعان كورمەسىنىڭ اشىلۋى قارساڭىندا استانادا «جاسىل ورام» كوپ فۋنكتسيونالدى كەشەنىنىڭ تانىستىرىلىمى ءوتتى. كەشەننىڭ بيزنەس-ورتالىعىندا وتكەن ءباسپاسوز ءماسليحاتى بارىسىندا «سامۇرىق-قازىنا» جىلجىمايتىن مۇلىك قورى» اق، «استانا ەكسپو-2017» ۇك» اق جانە BI Group اراسىندا جاسالعان ىنتىماقتاستىق تۋرالى مەموراندۋمعا قول قويىلعاندىعى حابارلاندى. اتالعان مەموراندۋمعا سايكەس «جاسىل ورام» كەشەنىن ەكسپو-2017 وبەكتىلەرىنىڭ ءبىرى رەتىندە ەنگىزۋ تۋرالى شەشىم قابىلداندى. «جاسىل ورام» كەشەنى «سامۇرىق-قازىنا» جىلجىمايتىن مۇلىك قورى» اق، «اتف بانكى» اق جانە BI Group قۇرىلىس كومپانياسى اراسىندا مەملەكەتتىك-جەكەشەلىك ارىپتەستىك شەڭبەرىندە مەملەكەت باسشىسىنىڭ باستاماسىمەن سالىنعان.

سونداي-اق، «جاسىل ورام» كەشەنى - LEED Campus Group سەرتيفيكاتتاۋىنان وتكەن تمد اۋماعىنداعى ءبىرىنشى كەشەن. ونىڭ تاعى ءبىر ەرەكشەلىگى - اتالعان سەرتيفيكاتتاۋدان قايسىبىر جەكە تۇرعان عيمارات ەمەس، ءبىر كەشەنگە بىرىكتىرىلگەن عيماراتتار توبى وتكەندىگىندە. «سامۇرىق-قازىنا» جمق» اق باسقارما باسشىسى ارمان جەتپىسبايدىڭ ايتۋى بويىنشا، كەشەننىڭ تۇجىرىمداماسىن الەمدەگى 10 ۇزدىك ساۋلەت - جوبالىق كومپانيالار توبىنا كىرەتىن AEDAS كومپانياسى ۇسىنعان. كەشەنگە پاتەرلەردىڭ اۋدانى 43 -120 شارشى م. ارالىعىندا. ال ءار شارشى مەتر قۇنى 400-440 تەڭگە. نارىقتاعى باعامەن سالىستارعاندا، ءۇيدىڭ باعاسى ءسال قىمباتتاۋ بولعانىمەن، كەشەننىڭ تۇرعىندارى اقشاسىن كوممۋنالدىق قىزمەتى تولەمى ەسەبىنەن ۇنەمدەي الادى. قاراپايىم ۇيلەرمەن سالىستىرعىندا، بۇل تۇرعىن ءۇيدىڭ كوممۋنالدىق قىزمەتىنىڭ قۇنى 22 پايىزعا ارزان. ايتا كەتەيىك، بۇگىنگى تاڭدا «جاسىل ورام» وبەكتىسىندە 100-دەن استام پاتەر ساتىلىپ ۇلگەرگەن.

سونداي-اق، ەكسپو كورمەسىن وتكىزۋ كەزەڭى ىشىندە ءبىرىنشى وتاندىق ەلەكتر اۆتوبۋستارمەن «جاسىل ورام» وبەكتىسىنە دەيىن تەگىن باعىت ۇيىمداستىرىلادى. ەستەرىڭىزگە سالا كەتەيىك، «سامۇرىق-قازىنا» جىلجىمايتىن مۇلىك قورى» اق «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسىنىڭ ەڭ ءىرى دەۆەلوپەرى جانە وپەراتورى بولىپ تابىلادى.

نۇرا ماتاي

0 پىكىر