ەحرو حالىقارالىق كورمەسى وتەتىن توقسان ءۇش كۇننىڭ ىشىندە باس-اياعى 2,5 مىڭعا جۋىق ءىس-شارا ۇيىمداستىرىلادى. سونىڭ ءبىرى – ليۋكسمەبۋرگ ۇلى گەرتسوگتىگى كۇنى. - دەپ حابارلايدى ەگەمەن قازاقستان.

ەحرو اۋماعى قازىر پىكىرتالاس ورتالىعى نەمەسە جەتىستىكتەر جارمەڭكەسى عانا ەمەس، ناسيحات ءتورى سەكىلدەنىپ تۇر. ءار ەل – ءوز تابىسىنىڭ جارناماشىسى. قازاقستان مەن ليۋكسەمبۋرگ ۇلى گەرتسوگتىگىنىڭ تۋلارى كوتەرىلىپ، ءانۇراندارى وينالعان سوڭ ءسوز العان ليۋكسەمبرۋگ ۇكىمەت باسشىنىڭ ورىنباسارى ەتەن شنايدەر ءوز ەلىنىڭ وزىق تەحنولوگياسىن ناسيحاتتادى.

"جاڭارتىلاتىن، بالامالى قۋات كوزدەرىن ىزدەۋگە مۇمكىندىك بەرەتىن «استانا ەكسپو-2017» ءبىزدىڭ ماقساتپەن ۇندەس ەكەن. بالامالى ەنەرگيانى ناسيحاتتاپ جۇرگەن ەلدەن ۇيرەنەرىمىز دە كوپ، بايلانىس ورناتۋعا دەگەن قۇلشىنىس تا ەرەكشە. قازاقستان كورمەنى جوعارى دەڭگەيدە ۇيىمداستىردى. بۇعان دا كۋا بولدىق", دەدى ليۋكسەمبۋرگ پرەمەر-ءمينيسترىنىڭ ورىنباسارى ەتەن شنايدەر.

اباي-اقپارات